Saññāpetabbavidhi

Author： _System_Pali_VRI_ @ Administrator

No version selected — showing the Pali original by default.

Saññāpetabbavidhi

178.‘‘ TesañcaV3.95 vo , cunda , samaggānaṃ sammodamānānaṃ avivadamānānaṃ sikkhataṃ [ sikkhitabbaṃ ( bahūsu )] aññataro sabrahmacārī saṅghe dhammaṃ bhāseyya .

Tatra ce tumhākaṃ evamassa –

‘ ayaṃ kho āyasmā atthañceva micchā gaṇhāti , byañjanāni ca micchā ropetī ’ ti .

Tassa neva abhinanditabbaṃ na paṭikkositabbaṃ , anabhinanditvā appaṭikkositvā so evamassa vacanīyo –

‘ imassa nu kho , āvuso , atthassa imāni vā byañjanāni etāni vā byañjanāni katamāni opāyikatarāni , imesañca [ imesaṃ vā ( syā . pī . ka .), imesaṃ ( sī .)] byañjanānaṃ ayaṃ vā attho eso vā atthoM3.106 katamo opāyikataro ’ tiT3.141 ?

So ce evaṃ vadeyya –

‘ imassa kho , āvuso , atthassa imāneva byañjanāni opāyikatarāni , yā ceva [ yañceva ( sī . ka .), ṭīkā oloketabbā ] etāni ;

imesañca [ imedaṃ ( sabbattha )] byañjanānaṃ ayameva attho opāyikataro , yā ceva [ yañceva ( sī . ka .), ṭīkā oloketabbā ] eso ’ ti .

So neva ussādetabbo na apasādetabbo , anussādetvā anapasādetvā sveva sādhukaṃ saññāpetabbo tassa ca atthassa tesañca byañjanānaṃ nisantiyā .

179.‘‘ Aparopi ce , cunda , sabrahmacārī saṅghe dhammaṃ bhāseyya .

Tatra ce tumhākaṃ evamassa –

‘ ayaṃ kho āyasmā atthañhi kho micchā gaṇhāti byañjanāni sammāP3.129 ropetī ’ ti .

Tassa neva abhinanditabbaṃ na paṭikkositabbaṃ , anabhinanditvā appaṭikkositvā so evamassa vacanīyo –

‘ imesaṃ nu kho , āvuso , byañjanānaṃ ayaṃ vā attho eso vā attho katamo opāyikataro ’ ti ?

So ce evaṃ vadeyya –

‘ imesaṃ kho , āvuso , byañjanānaṃ ayameva attho opāyikataro , yā ceva eso ’ ti .

So neva ussādetabbo na apasādetabbo , anussādetvā anapasādetvā sveva sādhukaṃ saññāpetabbo tasseva atthassa nisantiyā .

180.‘‘ Aparopi ce , cunda , sabrahmacārī saṅghe dhammaṃ bhāseyya .

Tatra ce tumhākaṃ evamassa –

‘ ayaṃ kho āyasmā atthañhi kho sammā gaṇhāti byañjanāni micchā ropetī ’ ti .

Tassa neva abhinanditabbaṃ na paṭikkositabbaṃ ;

anabhinanditvā appaṭikkositvā soT3.142 evamassa vacanīyo –

‘ imassa nu kho , āvuso , atthassa imāni vā byañjanāni etāni vā byañjanāni katamāni opāyikatarānī ’ ti ?

So ce evaṃ vadeyya –

‘ imassa kho , āvuso , atthassa imāneva byañjanāni opayikatarāni , yāni ceva etānī ’ tiV3.96 .

So neva ussādetabbo na apasādetabbo ;

anussādetvā anapasādetvā sveva sādhukaṃ saññāpetabbo tesaññeva byañjanānaṃ nisantiyā .

181.‘‘ Aparopi ce , cunda , sabrahmacārī saṅghe dhammaṃ bhāseyya .

Tatra ce tumhākaṃ evamassa –

‘ ayaṃ kho āyasmā atthañceva sammā gaṇhāti byañjanāniM3.107 ca sammā ropetī ’ ti .

Tassa ‘ sādhū ’ ti bhāsitaṃ abhinanditabbaṃ anumoditabbaṃ ;

tassa ‘ sādhū ’ ti bhāsitaṃ abhinanditvā anumoditvā so evamassa vacanīyo –

‘ lābhā no āvuso , suladdhaṃ no āvuso , ye mayaṃ āyasmantaṃ tādisaṃ sabrahmacāriṃ passāma evaṃ atthupetaṃ byañjanupetan ’ ti .

Paccayānuññātakāraṇaṃ

182.‘‘ Na vo ahaṃ , cunda , diṭṭhadhammikānaṃyeva āsavānaṃP3.130 saṃvarāya dhammaṃ desemi .

Na panāhaṃ , cunda , samparāyikānaṃyeva āsavānaṃ paṭighātāya dhammaṃ desemi .

Diṭṭhadhammikānaṃ cevāhaṃ , cunda , āsavānaṃ saṃvarāya dhammaṃ desemi ;

samparāyikānañca āsavānaṃ paṭighātāya .

Tasmātiha , cunda , yaṃ vo mayā cīvaraṃ anuññātaṃ , alaṃ vo taṃ – yāvadeva sītassa paṭighātāya , uṇhassa paṭighātāya , ḍaṃsamakasavātātapasarīsapa [ siriṃsapa ( syā .)] samphassānaṃ paṭighātāya , yāvadeva hirikopīnapaṭicchādanatthaṃ .

YoT3.143 vo mayā piṇḍapāto anuññāto , alaṃ vo so yāvadeva imassa kāyassa ṭhitiyā yāpanāya vihiṃsūparatiyā brahmacariyānuggahāya , iti purāṇañca vedanaṃ paṭihaṅkhāmi , navañca vedanaṃ na uppādessāmi , yātrā ca me bhavissati anavajjatā ca phāsuvihāro ca [ cāti ( bahūsu )].

Yaṃ vo mayā senāsanaṃ anuññātaṃ , alaṃ vo taṃ yāvadeva sītassa paṭighātāya , uṇhassa paṭighātāya , ḍaṃsamakasavātātapasarīsapasamphassānaṃ paṭighātāya , yāvadeva utuparissayavinodana paṭisallānārāmatthaṃ .

Yo vo mayā gilānapaccayabhesajja parikkhāro anuññāto , alaṃ vo so yāvadeva uppannānaṃ veyyābādhikānaṃ vedanānaṃ paṭighātāya abyāpajjaparamatāya [ abyāpajjhaparamatāyāti ( sī . syā . pī .), abyābajjhaparamatāya (?)].

Issues

Select Version

Pāthikavaggapāḷi

Pāthikavaggapāḷi