(11) Eṇijaṅghalakkhaṇaṃ
214.‘‘ Yampi , bhikkhave , tathāgato purimaṃ jātiṃ purimaṃ bhavaṃ purimaṃ niketaṃ pubbe manussabhūto samāno sakkaccaṃ vācetā ahosi sippaṃ vā vijjaṃ vā caraṇaṃ vā kammaṃ vā –
‘ kiṃ time khippaṃ vijāneyyuṃ , khippaṃ paṭipajjeyyuṃ , na ciraṃ kilisseyyun ’’ ti .
So tassa kammassa kaṭattā … pe … so tato cuto itthattaṃ āgato samāno
T3.171 imaṃ mahāpurisalakkhaṇaṃ paṭilabhati .Eṇijaṅgho hoti .
‘‘ So tena lakkhaṇena samannāgato sace agāraṃ ajjhāvasati , rājā hoti cakkavattī … pe … rājā samāno kiṃ labhati ?
Yāni tāni rājārahāni rājaṅgāni rājūpabhogāni
V3.117 rājānucchavikāni tāni khippaṃ paṭilabhati .Rājā samāno idaṃ labhati … buddho samāno kiṃ labhati ?
Yāni
M3.128 tāni samaṇārahāni samaṇaṅgāni samaṇūpabhogāni samaṇānucchavikāni , tāni khippaṃ paṭilabhati .Buddho samāno idaṃ labhati ’’.
Etamatthaṃ bhagavā avoca .
215. Tatthetaṃ vuccati –
‘‘ Sippesu vijjācaraṇesu kammesu [ kammasu ( sī . pī .)],
Kathaṃ vijāneyyuṃ [ vijāneyya ( sī . pī .), vijāneyyu ( syā .)] lahunti icchati ;
Yadūpaghātāya
P3.157 na hoti kassaci ,Vāceti khippaṃ na ciraṃ kilissati .
‘‘ Taṃ kammaṃ katvā kusalaṃ sukhudrayaṃ [ sukhindriyaṃ ( ka .)],
Jaṅghā manuññā labhate susaṇṭhitā ;
Vaṭṭā sujātā anupubbamuggatā ,
Uddhaggalomā sukhumattacotthatā .
‘‘ Eṇeyyajaṅghoti tamāhu puggalaṃ ,
Sampattiyā khippamidhāhu [ khippamidāhu (?)] lakkhaṇaṃ ;
Gehānulomāni yadābhikaṅkhati ,
Apabbajaṃ khippamidhādhigacchati [ khippamidādhigacchati (?)].
‘‘ Sace
T3.172 ca pabbajjamupeti tādiso ,Nekkhammachandābhirato vicakkhaṇo ;
Anucchavikassa yadānulomikaṃ ,
Taṃ vindati khippamanomavikkamo [ nikkamo ( sī . syā . pī .)]’’ti .