(12) Sukhumacchavilakkhaṇaṃ
216.‘‘ Yampi , bhikkhave , tathāgato purimaṃ jātiṃ purimaṃ bhavaṃ purimaṃ niketaṃ pubbe manussabhūto
V3.118 samāno samaṇaṃ vā brāhmaṇaṃ vā upasaṅkamitvā paripucchitā ahosi –‘‘ kiṃ , bhante , kusalaṃ , kiṃ akusalaṃ , kiṃ sāvajjaṃ , kiṃ anavajjaṃ , kiṃ sevitabbaṃ , kiṃ na sevitabbaṃ , kiṃ me karīyamānaṃ dīgharattaṃ ahitāya dukkhāya assa , kiṃ vā pana me karīyamānaṃ dīgharattaṃ hitāya sukhāya
M3.129 assā ’’ ti .So tassa kammassa kaṭattā … pe … so tato cuto itthattaṃ āgato samāno imaṃ mahāpurisalakkhaṇaṃ paṭilabhati .
Sukhumacchavi
P3.158 hoti , sukhumattā chaviyā rajojallaṃ kāye na upalimpati .‘‘ So tena lakkhaṇena samannāgato sace agāraṃ ajjhāvasati , rājā hoti cakkavattī … pe … rājā samāno kiṃ labhati ?
Mahāpañño hoti , nāssa hoti koci paññāya sadiso vā seṭṭho vā kāmabhogīnaṃ .
Rājā samāno idaṃ labhati … buddho samāno kiṃ labhati ?
Mahāpañño hoti puthupañño hāsapañño [ hāsupañño ( sī . pī .)] javanapañño tikkhapañño nibbedhikapañño , nāssa hoti koci paññāya sadiso vā seṭṭho vā sabbasattānaṃ .
Buddho samāno idaṃ labhati ’’.
Etamatthaṃ bhagavā avoca .
217. Tatthetaṃ
T3.173 vuccati –‘‘ Pure puratthā purimāsu jātisu ,
Aññātukāmo paripucchitā ahu ;
Sussūsitā pabbajitaṃ upāsitā ,
Atthantaro atthakathaṃ nisāmayi .
‘‘ Paññāpaṭilābhagatena [ paññāpaṭilābhakatena ( sī . pī .) ṭīkā oloketabbā ] kammunā ,
Manussabhūto sukhumacchavī ahu ;
Byākaṃsu uppādanimittakovidā ,
Sukhumāni atthāni avecca dakkhiti .
‘‘ Sace na pabbajjamupeti tādiso ,
Vatteti cakkaṃ pathaviṃ pasāsati ;
Atthānusiṭṭhīsu pariggahesu ca ,
Na tena seyyo sadiso ca vijjati .
‘‘ Sace
P3.159V3.119 ca pabbajjamupeti tādiso ,Nekkhammachandābhirato vicakkhaṇo ;
Paññāvisiṭṭhaṃ labhate anuttaraṃ ,
Pappoti bodhiṃ varabhūrimedhaso ’’ ti .