Ālasyassa cha ādīnavā
253.‘‘ Cha khome , gahapatiputta , ādīnavā ālasyānuyoge .
Atisītanti
T3.198 kammaṃ na karoti , atiuṇhanti kammaṃ na karoti , atisāyanti kammaṃ na karoti , atipātoti kammaṃ na karoti , atichātosmīti kammaṃ na karoti , atidhātosmīti kammaṃ na karoti .Tassa evaṃ kiccāpadesabahulassa viharato anuppannā ceva bhogā nuppajjanti , uppannā ca bhogā parikkhayaṃ gacchanti .
Ime kho , gahapatiputta , cha ādīnavā ālasyānuyoge ’’ ti .
Idamavoca bhagavā , idaṃ vatvāna sugato athāparaṃ etadavoca satthā –
‘‘ Hoti pānasakhā nāma ,
Hoti sammiyasammiyo ;
Yo ca atthesu jātesu ,
Sahāyo hoti so sakhā .
‘‘ Ussūraseyyā
M3.150 paradārasevanā ,Verappasavo [ verappasaṅgo ( sī . syā . pī .)] ca anatthatā ca ;
Pāpā
V3.140 ca mittā sukadariyatā ca ,Ete cha ṭhānā purisaṃ dhaṃsayanti .
‘‘ Pāpamitto pāpasakho ,
Pāpaācāragocaro ;
Asmā lokā paramhā ca ,
Ubhayā dhaṃsate naro .
‘‘ Akkhitthiyo vāruṇī naccagītaṃ ,
Divā soppaṃ pāricariyā akāle ;
Pāpā ca mittā sukadariyatā ca ,
Ete cha ṭhānā purisaṃ dhaṃsayanti .
‘‘ Akkhehi dibbanti suraṃ pivanti ,
Yantitthiyo
T3.199 pāṇasamā paresaṃ ;Nihīnasevī
P3.185 na ca vuddhasevī [ vuddhisevī ( syā .), buddhisevī ( ka .)],Nihīyate kāḷapakkheva cando .
‘‘ Yo vāruṇī addhano akiñcano ,
Pipāso pivaṃ papāgato [ pipāsosi atthapāgato ( syā .), pipāsopi samappapāgato ( ka .)];
Udakamiva iṇaṃ vigāhati ,
Akulaṃ [ ākulaṃ ( syā . ka .)] kāhiti khippamattano .
‘‘ Na divā soppasīlena , rattimuṭṭhānadessinā [ rattinuṭṭhānadassinā ( sī . pī .), rattinuṭṭhānasīlinā (?)];
Niccaṃ mattena soṇḍena , sakkā āvasituṃ gharaṃ .
‘‘ Atisītaṃ atiuṇhaṃ , atisāyamidaṃ ahu ;
Iti vissaṭṭhakammante , atthā accenti māṇave .
‘‘ Yodha
M3.151V3.141 sītañca uṇhañca , tiṇā bhiyyo na maññati ;Karaṃ purisakiccāni , so sukhaṃ [ sukhā ( sabbattha ) aṭṭhakathā oloketabbā ] na vihāyatī ’’ ti .