ဘိက္ခဝေ၊ တို့။ မေတ္တာယ၊ မေတ္တာမည်သော။ (အပ္ပနာအဆင့်သို့ ရောက်သော တိကစတုက္ကဇ္ဈာနိက မေတ္တာမည်သော)။ စေတောဝိမုတ္တိယာ၊ စေတောဝိမုတ္တိကို။ ဝါ၊ ဆန့်ကျင်ဘက် နီဝရဏစသည်တို့မှ ယှဉ်ဘက်စိတ်၏ လွတ်မြောက်ကြောင်းတရားကို။ အာသေဝိတာယ၊ လေးလေးစားစားမှီဝဲသုံးစွဲအပ််လသော်။ ဘာဝိတာယ၊ အပြည့်အစုံ ဖြစ်ပွားစေအပ်လသော်။ ဗဟုလီကတာယ၊ ကြိမ်ဖန်များများ ဖြစ်ပွားစေမှု ပြုလုပ်လသော်။ ယာနီကထာယ၊ အာဇာနည်မြင်းကအပ်သော ယာဉ်နှင့်တူအောင် ပြုအပ်ပြီးလသော်။ (ကျွမ်းကျင်သော ယာဉ်မောင်းသ္မားသည် စီစဉ်အပ်သော အာဇာနည်မြင်းကအပ်သော ယာဉ်နှင့်တူစွာ အလိုရှိတိုင်း ဝင်စားနိုင်အောင် ပြုအပ်ပြီးလသော်)။ [ရှင်းလင်းချက်များကို အဋ္ဌကနိပါတ်စာပိုဒ် (၁) မေတ္တာသုတ်၌ ရေးခဲ့ပြီ။] ဝတ္ထုကတာယ၊ တည်မှီရာဌာနကဲ့သို့ ပြုအပ်ပြီးလသော်။ (မေတ္တာအကျိုးတဆယ့်တမျိုးဟူသော သမ္ပတ္တိ၏ တည်မှီရာဖြစ်အောင် ပြကတေ့သော တည်မှီရာဌာနကဲ့သို့ ပြုအပ်ပြီးလသော်)။ အနုဋ္ဌိတာယ၊ အမြဲမပြတ် စွဲကပ်တည်နေစေအပ်ပြီးလသော်။ ပရိစိတာယ၊ ဝန်းကျင်ပတ်ပတ် အရပ်မျက်နှာ အဖို့အားဖြင့် ဆည်းပူးပွားများအပ်ပြီးလသော်။ (နဂို မူလဖြစ်ပွားစေခြင်းအား လျော်အောင် ဝန်းကျင်ပတ်ပတ် အရပ်မျက်နှာ သတ္တဝါတို့၌ အာရုံပြု၍ ဆည်းပူးပွားများအပ်ပြီးလသော်)။ သုသမာဒ္ဓါယ၊ အလွန်အမင်းကောင်စွာ အားထုတ်ပြီးလသော်။ ဧကာဒဿ၊ (၁၁) မျိုးကုန်သော။ အာနိသံသာ၊ အကျိုးအာနိသင်တို့ကို။ ပါဋိကင်္ခါ၊ အလိုရှိအပ်ကုန်၏။ ဝါ၊ မချွတ်ဧကန်ရရှိနိုင်ကုန်၏။ [တနည်း- ဘိက္ခဝေ၊ တို့။ အာသေဝိတာယ၊ လေးလေးစားစားမှီဝဲသုံးစွဲအပ်သော။ ဘာဝိတာယ၊ အပြည့်အစုံဖြစ်ပွားစေအပ်သော။ ။ပ။ သုသမာရဒ္ဓါယ၊ အပ်ပြီးသော။ မေတ္တာယ၊ သော။ စေတောဝိမုတ္တိယာ၊ စေတော်ဝိမုတ္တိ၏။ ဧကာဒဿ၊ ကုန်သော။ အာနိသံသာ၊ တို့ကို။ ပါဋိကင်္ခါ၊ ကုန်၏။]

ကတမေ၊ အဘယ်မည်ကုန်သော။ ဧကာဒဿ၊ (၁၁) ပါးကုန်သော။ (အာနိသံသာ၊ တို့ကို။ ငါဋိကင်္ခါ၊ အလိုရှိအပ်ကုန်သနည်းဟူမူ)။ (မေတ္တာဝိဟာရီ၊ မေတ္တာဖြင့် နေလေ့ရှိသော ပုဂ္ဂိုလ်သည်)။

သုခံ၊ ချမ်းသာစွာ။ သုပတိ၊ အိပ်စက်ရ၏။ သုခံ၊ ချမ်းသာစွာ။ ပဋိဗုဇ္ဈတိ၊ နိုး၏။ ပါပကံ၊ ဆိုးဝါးသော။ သုပိနံ၊ အိပ်မက်ကို။ နပဿတိ၊ မမြင်မက်။ မနုဿာနံ၊ လူတို့၏။ ပိယော၊ ချစ်မြတ်နိုးခံရသူသည်။ (လည်ပင်း၌ ဆွဲ၍ ရင်ခွင်၌ တွဲလွဲကျနေသော ပုလဲသွယ်ကဲ့သို့ လည်းကောင်း, ဦးခေါင်း၌ပန်ဆင်ထားအပ်သော ပန်းကုံးကဲ့သို့လည်းကောင်း ချစ်မြတ်နိုးခံရသူသည်)။ ဟောတိ၊ ဖြစ်၏။ အမနုဿာနံ၊ နတ်ဘီလူးတို့၏။ ပိယော၊ သည်။ ဟောတိ၊ ၏။ (မေတ္တာဝိဟာရိံ၊ မေတ္တာဖြင့် နေလေ့ရှိသူကို)။ ဒေဝတာ၊ နတ်တို့သည်။ ရက္ခန္တိ၊ စောင့်ရှောက်ကြကုန်၏။ (မိဘတို့က သားသမီးကို စောင့်ရှောက်ကြသကဲ့သို့ စောင့်ရှောက်ကြကုန်၏)။ အဿ၊ ထိုမေတ္တာဖြင့် နေလေ့ရှိသူ၏။ (ကာယေ၊ ကိုယ်၌)။ အဂ္ဂိ ဝါ၊ မီးသည်လည်းကောင်း။ ဝိသံ ဝါ၊ အဆိပ်သည်လည်းကောင်း။ သတ္ထံ ဝါ၊ ဓားလှံ စသော လက်နက်သည်လည်းကောင်း။ နကမတိ၊ မထိရောက်။ ဝါ၊ မဖျက်ဆီး။ (မေတ္တာဝိဟာရိနော၊ မေတ္တာဖြင့် နေလေ့ရှိသူ၏။ ဝါ၊ သူသည်)။ စိတ္တံ၊ စိတ်ကို။ တုဝဋံ၊ လျင်မြန်စွာ။ သမာဓိယတိ၊ အာရုံ၌ ကောင်းမွန်တည်ငြိမ်စွာ ထားအပ်ထားနိုင်၏။ (မေတ္တာဝိဟာရိနော၊ သူ၏)။ မုခဝဏ္ဏော၊ မျက်နှာအဆင်းသည်။ ဝိပ္ပသီဒတိ၊ အထူးကြည်လင်၏။ (မေတ္တာဝိဟာရီ၊ သူသည်)။ အသမ္မုဠှော၊ မတွေဘဲ။ (ကယောင် ကယမ်း အော်မြည်တမ်းသော အားဖြင့် တွေတွေဝေဝေမဟုတ်ဘဲ)။ ကာလံ၊ ကွယ်လွန်ခြင်းကို။ ကရောတိ၊ ပြုရ၏။ (အိပ်ပျော်သွားသကဲ့သို့ ပြုရ၏)။ ဥတ္တရိ၊ (မေတ္တာဈာန်သမာပတ်ထက်) သာလွန်သော အရဟတ္တဖိုလ်ကို။ အပ္ပဋိ ဝိဇ္ဈန္တော၊ ထိုးထွင်းမသိ မရရှိနိုင်သေးလသော်။ ဗြဟ္မာလောကူပဂေါ၊ ဗြဟ္မာ့ ပြည်သို့ လားရောက်သည်။ ဟောတိ၊ ဖြစ်၏။ ။ပ။၊

ဧကာဒဿ၊ ကုန်သော။ ဣမေ အာနိသံသာ၊ ဤအကျိုးအာနိသင်တို့ကို။ ပါဋိကင်္ခါ၊ ကုန်၏။ ဣတိ၊ သို့။ (အဝေါစ၊ မိန့်တော်မူပြီ)။

ပဉ္စမံ၊ ။