2. Dutiyagamanādivaggavaṇṇanā
224-301.
Dutiyaṃ
M2.317 gamanaṃ dukkhavasena vuttaṃ .Tatrāpi aṭṭhāraseva veyyākaraṇāni , tato parāni ‘‘ rūpī attā hotī ’’ tiādīni aṭṭha veyyākaraṇāni , tehi saddhiṃ taṃ dutiyapeyyāloti vutto .
Tattha
P2.346 rūpīti ārammaṇameva ‘‘ attā ’’ ti gahitadiṭṭhi .Arūpīti jhānaṃ ‘‘ attā ’’ ti gahitadiṭṭhi
V2.306 .Rūpī ca arūpī cāti ārammaṇañca jhānañca ‘‘ attā ’’ ti gahitadiṭṭhi .
Neva rūpī nārūpīti takkamattena gahitadiṭṭhi .
Ekantasukhīti lābhītakkījātissarānaṃ uppannadiṭṭhi .
Jhānalābhinopi hi atīte ekantasukhaṃ attabhāvaṃ manasikaroto evaṃ diṭṭhi uppajjati .
Takkinopi ‘‘ yathā etarahi ahaṃ ekantasukhī , evaṃ samparāyepi bhavissāmī ’’ ti uppajjati .
Jātissarassapi sattaṭṭhabhave sukhitabhāvaṃ passantassa evaṃ uppajjati , ekantadukkhītiādīsupi eseva nayo .
Tatiyapeyyālo aniccadukkhavasena tehiyeva chabbīsatiyā suttehi vutto , catutthapeyyālo tiparivaṭṭavasenāti .
Diṭṭhisaṃyuttavaṇṇanā niṭṭhitā .