သာရိပုတ္တ၊ ချစ်သားသာရိပုတ္တရာ။ ဖုဿဿစ၊ ဖုဿမြတ်စွာဘုရား၏လည်း။ အပရေန၊ နောက်အတို့၌။ ဒွိပဒုတ္တမော၊ လူနတ်ဗြဟ္မာတို့ထက်မြတ်တော်မူထသော။ သမ္ဗုဒ္ဓေါ၊ မြတ်စွာဘုရားသည်။

နာမေန၊ အမည်တော်အားဖြင့်။ ဝိပဿီနာမ၊ ဝိပဿီအမည်တော်ရှိသော။ စက္ခုမာ၊ စက္ခုငါးပါးနှင့်ပြည့်စုံ‌ တော်မူထသော။ လောကေ၊ လူပြည့်၌။ ဥပ္ပဇ္ဇိ၊ ပွင့်‌တော်မူပြီ။

အဝိဇ္ဇံ၊ အဝိဇ္ဇာတည်းဟူသောဥခွံကို။ ပဒါလေတွာ၊ ဖေါက်ခွဲ၍။ ဥတ္တမံ၊ မြတ်သော။ သမ္ဗောဓိံ၊ အရဟတ္တမဂ်ဉာဏ်သဗ္ဗညုတညာဏ်တော်သို့။ ပတ္တော၊ ရောက်တော်မူသည်။ ဟုတွာ၊ ဖြစ်၍။

ဓမ္မစက္ကံ၊ ဓမ္မစကြာတရားတော်ကို။ ပဝတ္တေတုံ၊ ဟောတော်မူအပ်သောငှါ။ ဗန္ဓုမတီပုရံ၊ ဗန္ဓုမတီပြည်သို့။ ပက္ကာမိ၊ ကြွတော်မူ၏။

နာယကော၊ ဝိပဿီမြတ်စွာဘုရားသည်။ ဓမ္မစက္ကံ၊ ဓမ္မစကြာတရားတော်ကို။ ပဝတ္တေတွာ၊ ဟောတော်မူပြီး၍။ ကနိဋ္ဌံ၊ ညီတော်ဖြစ်သော။ ခဏ္ဍရာဇပုတ္တဉ္စ၊ ခဏ္ဍမင်းသားကိုလည်းကောင်း။ တိဿဉ္စပုရောဟိတပုတ္တံ၊ တိဿအမည်ရှိသောပုရောဟိတ် ပုဏ္ဏားသားကိုလည်းကောင်း။ ဣတိ၊ ဤသို့။ ဥဘော၊ နှစ်ယောက်သောသူတို့ကို။ ဗောဓေသိ၊ သစ္စာလေးပါးတို့ကိုထိုးထွင်း၍သိစေတော်မူပြီ။

တဒါ၊ ထိုအခါ၌။ ဂဏနာယ၊ ရေတွက်ခြင်းငှါ။ နဝတ္တဗ္ဗော၊ မဟောအပ်သော။ ပဋ္ဌာမာဘိသမယော၊ ရှေးဦးစွာသစ္စာလေးပါးကိုထိုးထွင်း၍သိသော လူနတ်ဗြဟ္မာအပေါင်းသည်။ အဟု၊ ဖြစ်ပြီ။

ဝုန၊ တဖန်။ အပရံစ၊ တပါးလည်း။ အမိတယသော၊ မနှိုင်းယှဉ်အပ်သောကျော်ဇောခြင်း ရှိတော်မူသော ဝိပဿီမြတ်စွာဘုရားသည်။ တတ္ထ၊ ထိုဗန္ဓုမတီပြည်၌။ သစ္စံ၊ သစ္စာလေးပါးကို။ ပကာသယိ၊ ပြတော်မူပြီ။

တဒါ၊ ထိုအခါ၌။ စတုရာသီတိသဟဿာနံ၊ ရှစ်သောင်းလေးထောင်သောလူနတ်ဗြဟ္မာတို့အား။ ဒုတိယာဘိသမယော၊ နှစ်ကြိမ်မြောက်သစ္စာလေးပါးကိုထိုးထွင်း၍သိသည်။ အဟု၊ ဖြစ်ပြီ။

ယာနိစတုရာသီတိသဟဿာနိ၊ အကြင်ရှစ်သောင်းလေးထောင်သောဝိပဿီမင်းသား၏ အလုပ်အကွှေးတော်ယောကျ်ားတို့သည်။ ပဗ္ဗဇ္ဇံ၊ ရဟန်းပြုတော်မူသော။ သမ္ဗုဒ္ဓံ၊ ဝိပဿီမြတ်စွာဘုရားကို။ အနုပဗ္ဗဇန္တိ၊ အတုလိုက်၍ရဟန်းပြုကြကုန်၏။

အာရာမပတ္တာနံ၊ ရဟန်းဘောင်၌မွေ့လျော်ခြင်းသို့ ရောက်ကုန်သော။ တေသံစတုရာသီတိ၊ သဟဿာနံ= ထိုရှစ်သောင်းလေးထောင်သော ဝိပဿီမင်းသား၏အလုပ်အကျွေးတော်ယောကျ်ားတို့အား။ စက္ခုမာ၊ စက္ခုငါးပါးနှင့်ပြည့်စုံ‌တော်မူသော ဝိပဿီမြတ်စွာဘုရားသည်။ ဓမ္မံ၊ တရားတော်မြတ်ကို။ ဒေသေသိ၊ ဟောတော်မူပြီ။

ဝိပဿီဘဂဝန္တံ၊ ဝိပဿီမြတ်စွာဘုရားကို။ ဥပနိဿာယ၊ အမှီပြု၍။ ပဗ္ဗဇ္ဇန္တာ၊ ရဟန်းပြုကြကုန်သော။ သဗ္ဗာကာရေန၊ ခပ်သိမ်းသောအခြင်းအရာဖြင့်။ ဘာသတောဘာသန္တဿ၊ ဟောတော်မူတတ်သော။ သုတွာ၊ နာ၍။ ဇိနော၊ ဝိပဿီမြတ်စွာဘုရား၏။ သန္တိတံ၊ အထံတော်သို့။

ဂန္တွာ၊ ရောက်၍။ တေပိ၊ ထိုရှစ်သောင်းလေးထောင်သောယောကျ်ားတို့သည်လည်း။ ဓမ္မဝရံ၊ တရားတော်မြတ်ကို။ တတိယာဘိသမယော၊ သုံးကြိမ်မြောက်သစ္စာလေးပါးကိုထိုးထွင်း၍သိသည်။ အဟု၊ ဖြစ်ပြီ။

ဝိပဿိဿ၊ ဝိပဿီအမည်တော်ရှိသော။ မဟေသိနော၊ မြတ်စွာဘုရားအား။ တယော၊ သုံးပါးကုန်သော။ သန္နိပါတာ၊ အစည်းအဝေးတို့သည်။ အာသုံ၊ ဖြစ်ကုန်ပြီ။

ဝိမလာနံ၊ ကိလေသာအညစ်အကြေးတို့မှကင်းစင်တော်မူကုန်ပြီးထသော။ သန္တစိတ္တာနံ၊ ငြိမ်သက်သောစိတ်လည်းရှိတော်မူကုန်ထသော။ တာဒိနံ၊ သည်းခံခြင်းကျေးဇူးနှင့်လည်းပြည့်စုံတော်မူကုန်ထသော။ ခီဏာသဝါနံ၊ ရဟန္တာတို့၏။

အဋ္ဌသဋ္ဌိသတသဟဿာနံ၊ ခြောက်သန်းရှစ်သိန်းကုန်သောရဟန္တာတို့၏။ ပဋ္ဌမော၊ ရှေးဦးစွာသော။ သမာဂမော၊ အစည်းအဝေးသည်။ အာသိ၊ ဖြစ်ပြီ။

ဘိက္ခုသတသဟဿာနံ၊ ရဟန္တာဖြစ်ကုန်သော ရဟန်းတစ်သိန်းတို့၏။ ဒုတိယော၊ နှစ်ကြိမ်မြောက်သော။ သမာဂမော၊ အစည်းအဝေးသည်။ အာသိ၊ ဖြစ်ပြီ။

သီတိဘိက္ခုသဟဿာနံ၊ ရှစ်သောင်းသောရဟန္တာဖြစ်ကုန်သော ရဟန်းတို့၏။ တတိယော၊ သုံးကြိမ်မြောက်သော။ သမာဂမော၊ အစည်းအဝေးသည်။ အာသိ၊ ဖြစ်ပြီ။

တတ္ထဘိက္ခုဂဏမဇ္ဈေ၊ ထိုရဟန္တာဖြစ်ကုန်သောရဟန်းအပေါင်းတို့၏အလယ်၌။ သမ္ဗုဒ္ဓေါ၊ ဝိပဿီမြတ်စွာဘုရားသည်။ အတိရောစတိ၊ အလွန်တင့်တယ်တော်မူ၏။

အဟံ၊ ငါသည်။ တေနသမယေန၊ ထိုအခါ၌။ မဟိဒ္ဓိကော၊ တန်ခိုးကြီး‌ထသော။ နာဂရာဇာ၊ နဂါးမင်းသည်။ အဟောသိ၊ ဖြစ်တော်မူ၏။

ပုညဝန္တော၊ ဘုန်းရှိထသော။ သိရိန္ဓရော၊ အသရေကို ဆောင်ထသော။ နာမေန၊ အမည်အားဖြင့်။ အတုလောနာမ၊ အတုလအမည်ရှိသော။

အဟံ၊ ငါသည်။ တဒါ၊ ထိုအခါ၌။ အနေကာနံနာဂကောဋိနံ၊ ကုဋေများစွာသော နဂါးတို့ကို။ ပရိဝါရေတွာန၊ ခြံရံစေပြီး၍။

ဒိဗ္ဗတူရိယေဟိ၊ နတ်၌ဖြစ်သောတူရိယာတို့ဖြင့်။ ဝဇ္ဇန္တော၊ တီးမှုတ်လျက်။ လောကဇေဋ္ဌံ၊ ဝိပဿီမြတ်စွာဘုရားသို့။ ဥပါဂမိံ၊ ကပ်ပြီ။

ဝိပဿိံ၊ ဝိပဿီအမည်တော်ရှိထသော။ လောကနာယကံ၊ လူသုံးပါးတို့၏နိဗ္ဗာန်ခရီးညွန်ဖြစ်တော်မူထသော။ သမ္ဗုဒ္ဓံ၊ မြတ်စွာဘုရားသို့။ ဥပသင်္ကမိတွာ၊ ကပ်၍။

မဏီမုတ္တရတနခစိတံ၊ ပတ္တမြားပုလဲရတနာတို့ဖြင့်ချယ်စီအပ်သော။ သဗ္ဗာဘရဏဝိဘူသိတံ၊ ရတနာသားရဲရုပ်စသောအလုံးစုံသောရတနာတို့ဖြင့် တန်ဆာဆင်အပ်သော။

သုဝဏ္ဏပီဋ္ဌံ၊ ရွှေအင်းပျဉ်ကို။ အဟံ၊ ငါသည်။ ဓမ္မရာဇဿ၊ တရားမင်းဘုရားအား။ နိမန္တေတွာ၊ ပင့်ဖိတ်၍။ အဒါသိံ၊ လှူပြီ။

သောပိဗုဒ္ဓေါ၊ ထိုဝိပဿီမြတ်စွာဘုရားသည်လည်း။ သင်္ဃမဇ္ဈေ၊ သံဃာတော်၏ အလယ်၌။ နိသီဒိယ၊ ထိုင်နေတော်မူ၍။ ဣတော၊ ဤသာရကမ္ဘာမှ။ မံ၊ ငါ့ကို။ ဗျာကာသိ၊ ဗျာဒိတ်ကြားတော်မူ၏။

ဧကနဝုတိကပ္ပေ၊ ကိုးဆယ့်တစ်ကမ္ဘာထက်၌။ အယံ၊ ဤအတုလနဂါးမင်းသည်။ ဗုဒ္ဓေါ၊ ဂေါတမ မြတ်စွာဘုရားသည်။ ဘဝိဿတိ၊ ဖြစ်လတ္တံ့။ ဣတိ၊ ဤသို့။

အဟုအဟော၊ ‌ ‌သြော်အံ့ဩဖွယ်ရှိစွ။ တထာဂတော၊ ဂေါတမဘုရားသည်။ ရမ္မာ၊ နှလုံးမွေ့လျော် ဖွယ်ရှိသော။ ကပိလဝှယာ၊ ကပိလဝတ်ပြည်မှ။ နိက္ခမိတွာ၊ တောထွက်တော်မူ၍။

ပဓါနံ၊ ဒုက္ကရစရိယာကို။ ပဒဟိတွာန၊ အားထုတ်တော်မူ၍။ ဒုက္ကရကာရိကံ၊ ပြုကျင့်နိုင်ခဲသော အမှုကို။ ကတွာ၊ ပြု၍။

အဇပါလရုက္ခမူလသ္မိံ၊ အဇပါလညောင်ပင်ရင်း၌။ နိသီဒိတွာ၊ ထက်ဝယ်ဖွဲ့ခွေထိုင်နေတော်မူ၍။ တထာဂတော၊ ဂေါတမဘုရားသည်။

တတ္ထ၊ ထိုအဇပါလညောင်ပင်ရင်း၌။ ပါယာသံ၊ နို့ဂဏာဆွမ်းကို။ ပဂ္ဂယှ၊ ခံယူတော်မူ၍။ နေရဉ္ဇရံ၊ နေရဉ္ဇရာမြစ်သို့။ ဥပေဟိတိ၊ ကပ်လတ္တံ့။

ဇိနော၊ ဂေါတမဘုရားသည်။ နေရဉ္ဇရာယ၊ နေရဉ္ဇရာမြစ်၏။ နဒီတိရေ၊ မြစ်ကမ်း၌။ ပါယာသံ၊ နို့ဂဏာဆွမ်းကို။ အသတိ၊ ဘုဉ်းပေးတော်မူ၏။ အသိတွာ၊ ဘုဉ်းပေးပြီး၍။

ပဋိယတ္တဝရမဂ္ဂေန၊ နတ်တို့စီရင်အပ်သောမြတ်သောခရီးဖြင့်။ ဗောဓိမူလံ၊ ဗောဓိပင်ရင်းသို့။ ဥပေဟိတိ၊ ကပ်လတ္တံ့။

တတော၊ ထိုသို့ကပ်ပြီးသောနောက်မှ။ အနုတ္တရံ၊ အတုမရှိသော။ ဗောဓိမဏ္ဍံ၊ ဗောဓိမဏ္ဍိုင်ကို။ ပဒက္ခိဏံ၊ လက်ယာရစ်လှည့်သည်ကို။ ကတွာ၊ ပြု၍။

အသတ္တမူလေ၊ ညောင်ဗုဒ္ဓဟေပင်ရင်း၌။ မဟာယသော၊ များမြတ်သော အခြံအရံအကျော်အစောရှိတော်မူသောဂေါတမဘုရားသည်။ သမ္ဗောဓိံ၊ အရဟတ္တမဂ်ဉာဏ် သဗ္ဗညုတဉာဏ်တော်ကို။ ဗုဇ္ဈိဿတိ၊ သိလတ္တံ့။

ဣမဿ၊ ဤအတုလနဂါးမင်း၏။ ဇနိကာ၊ မယ်တော်ရင်းဖြစ်သော။ မာတာ၊ မယ်တော်သည်။ မာယာနာမ၊ မာယာအမည်ရှိသည်။ ဘဝိဿတိ၊ ဖြစ်လတ္တံ့။

ပိတာ၊ ခမည်းတော်သည်။ သုဒ္ဓေါဒနောနာမ၊ သုဒ္ဓေါဒနအမည်ရှိသည်။ ဘဝိဿတိ၊ ဖြစ်လတ္တံ့။ အယံ၊ ဤအတုလနဂါးမင်းသည်။ ဂေါတမော၊ ဂေါတမဘုရားသည်။ ဟေဿတိ၊ ဖြစ်လတ္တံ့။

အနာသဝါ၊ အနာသဝေါတရားတို့မှကင်းတော်မူကုန်ပြီးထသော။ ဝီတရာဂါ၊ ရာဂတို့မှကင်းတော်မူကုန်ပြီးထသော။ သန္တစိတ္တာ၊ ငြိမ်သက်သော စိတ်လည်းရှိတော်မူကုန်ထသော။ သမာဟိတာ၊ တည်ကြည်သော သမာဓိလည်းရှိတော်မူကုန်ထသော။

ကောလိတောစ၊ ကောလိတလည်းကောင်း။ ဥပတိဿောစ၊ ဥပတိဿလည်းကောင်း။ ဣတိ၊ ဤသို့။ ဒွေဘိက္ခု၊ နှစ်ယောက်သောရဟန်းတို့သည်။ အဂ္ဂါ၊ မြတ်ကုန်သော။ သာဝကာ၊ လက်ယာရံ လက်ဝဲရံ သာဝကတို့သည်။ ဟေဿန္တိ၊ ဖြစ်ကုန်လတ္တံ့။

အာနန္ဒေါနာမ၊ အာနန္ဒာအမည်ရှိသော။ ဥပဋ္ဌာကော၊ အလုပ်အကျွေးတော်ရဟန်းသည်။ ဣမံဇိနံ၊ ဤအကုလနဂါးမင်းဖြစ်၍ ဖြစ်သော ဂေါတမဘုရားကို။ ဥပဋ္ဌိဿတိ၊ လုပ်ကျွေးလတ္တံ့။

ခေမာစ၊ ခေမာလည်းကောင်း။ ဥပ္ပလဝဏ္ဏာစ၊ ဥပ္ပလဝဏ်လည်းကောင်း။ ဣတိ၊ ဤသို့။ ဒွေဘိက္ခုနီ၊ နှစ်ပါးသောဘိက္ခုနီမတို့သည်။ အဂ္ဂါ၊ မြတ်ကုန်သော။ သာဝိကာ၊ သာဝိကာမတို့သည်။ ဟေဿန္တိ၊ ဖြစ်ကုန်လတ္တံ့။

သာဘိက္ခုနီ၊ ထိုဘိက္ခုနီမတို့သည်။ အနာသဝါ၊ အာသဝေါတရားတို့မှလည်း ကင်းတော်မူကုန်၏။ ဝီတရာဂါ၊ ရာဂတို့မှလည်းကင်းတော်မူကုန်၏။ သန္တစိတ္တာ၊ ငြိမ်သက်သောစိတ်လည်း ရှိတော်မူကုန်၏။

တဿဘဂဝတော၊ ထိုအတုလနဂါးမင်းဖြစ်၍ဖြစ်သောဂေါတမဘုရား၏။ ဗောဓိ၊ ပွင့်တော်မူရာဗောဓိကို။ အဿတ္ထောတိ၊ ညောင်ဗုဒ္ဓဟေပင်ဟူ၍။ ပဝုစ္စတိ၊ ဆိုအပ်၏။ ဣတိ၊ ဤသို့။ ဗျာကာသိ၊ ဗျာဒိတ်ကြားတော်မူ၏။

ဣဒံဝစနံ၊ ဤဗျာဒိတ်စကားတော်ကို။ သုတွာန၊ ကြားပြီး၍။ ပ။ဣမံဣမဿ၊ ဤအတုလနဂါးမင်း၏။ သမ္မုခါ၊ မျက်မှောက်၌။ ဟေဿာမ၊ ဖြစ်ကုန်အံ့။

အဟံ၊ ငါသည်။ တဿ၊ ထိုဝိပဿီမြတ်စွာဘုရား၏။ ဝစနံ၊ ဗျာဒိတ်စကားတော်ကို။ သုတွာ၊ ကြား၍။ ဘိယျော၊ လွန်စွာ။ စိတ္တံ၊ စိတ်ကို။ ပဿာဒယိံ၊ ကြည်လင်စေပြီ။

ဥတ္တရိံ၊ အတိုင်းထက်အလွန်။ ဒသပါရမီ၊ ဆယ်ပါးသောပါရမီတို့ကို။ ပူရိယာ၊ ဖြည့်ခြင်းငှါ။ ဝတံ၊ ပါရမီကျေးဇူးကို။ အဓိဋ္ဌာသိံ၊ ဆောက်တည်ပြီ။

နဂရံ၊ ပြည်တော်သည်။ ဗန္ဓုမတီနာမ၊ ဗန္ဓုမတီအမည်ရှိ၏။ ခတ္တိယော၊ ခမည်းတော်မင်းသည်။ ဗန္ဓုမာနာမ၊ ဗန္ဓုမအမည်ရှိ၏။

ဝိပဿိဿ၊ ဝိပဿီအမည်တော်ရှိသော။ မဟေသိနော၊ မြတ်စွာဘုရား၏။ မာတာ၊ မယ်တော်သည်။ ဗန္ဓုမတီနာမ၊ ဗန္ဓုမတီအမည်ရှိ၏။

သော၊ ထိုဝိပဿီမြတ်စွာဘုရားသည်။ အဋ္ဌပဿသဟဿာနိ၊ အနှစ်ရှစ်ထောင်တို့ပတ်လုံး။ အဂါရံ၊ အဂါရမဇ္ဈေ= ရွှေနန်းတော်၏အလယ်၌။ အဇ္ဈာဝသိ၊ စိုးအုပ်၍နေပြီ။

နန္ဒေါ၊ နန္ဒပြာဿဒ်လည်းကောင်း။ သုနန္ဒေါ၊ သုနန္ဒပြာဿဒ်လည်းကောင်း။ သိရိမာ၊ သိရိမာပြာဿဒ်လည်းကောင်း။ ဣတိ၊ ဤသို့။ ဥတ္တမာ၊ မြတ်ကုန်သော။ ပါသာဒါ၊ ပြာဿဒ်တို့သည်။ တယော၊ သုံးဆောင်တို့တည်း။

သမလင်္ကတာ၊ ကောင်းစွာတန်ဆာဆင်အပ်ကုန်သော။ တိစတ္တာရီသသဟဿာနိ၊ တစ်သိန်းနှစ်ထောင်ကုန်သော။ နာရိယော၊ မင်းသမီးအပေါင်းတို့သည်။

သုတနုနာမနာရီ၊ သုတနုအမည်ရှိသောမိဖုယားကို။ ပရိဝါရေသုံ၊ ခြံရံကုန်ပြီ။ အတြဇော၊ သားတော်သည်။ သမဝတ္တက္ခန္ဓေါနာမ၊ သမဝတ္တက္ခန္ဓအမည်ရှိ၏။

စတုရော၊ လေးပါးကုန်သော။ နိမိတ္တေ၊ နိမိတ်တို့ကို။ ဒိသွာ၊ မြင်တော်မူ၍။ ရထယာနေန၊ အာဇာနည်းမြင်းကသော ရထားယာဉ်ဖြင့်။ နိက္ခမိ၊ တောထွက်‌တော်မူပြီ။

ဇိနော၊ ဝိပဿီမြတ်စွာဘုရားသည်။ အနူနအဋ္ဌမာသာနိ၊ မယုတ်မလွန်ရှစ်လတို့ပတ်လုံး။ ပဓါနံ၊ ဒုက္ကရစရိယာကို။ ပဒဟိ၊ အားထုတ်တော်မူပြီ။

ဗြဟ္မုနာ၊ ဗြဟ္မာမင်းသည်။ ယာစိတော၊ တောင်းပန်အပ်ထသော။ သန္တော၊ တည်ကြည်ငြိမ်သက်တော်မူထသော။ ဝိပဿီ၊ ဝိပဿီအမည်တော်ရှိထသော။ လောကဂ္ဂနာယကော၊ လူနတ်ဗြဟ္မာတို့၏မြတ်သောနိဗ္ဗာန်ခရီးညွန်ဖြစ်တော်မူသောမြတ်စွာဘုရားသည်။

မဟာဝီရော၊ ကြီးမြတ်သောလုံ့လရှိတော်မူထသော။ နရုတ္တမော၊ လူသုံးပါးတို့ထက်မြတ်တော်မူထသော။ မိဂဒါယေ၊ မိဂဒါဝုန်တော၌။ စက္ကံ၊ ဓမ္မစကြာတရားတော်ကို။ ဝတ္တိ၊ ဟောတော်မူပြီ။

ခဏ္ဍောစ၊ ခဏ္ဍလည်းကောင်း။ တိဿနာမောစ၊ တိဿနာမလည်းကောင်း။ ဣတိ၊ ဤသို့။ ဒွေဘိက္ခု၊ နှစ်ပါးသောရဟန်းတို့သည်။ အဂ္ဂသာဝကာ၊ လက်ယာရံလက်ဝဲရံအဂ္ဂသာဝကတို့သည်။ အဟေသုံ၊ ဖြစ်ကုန်ပြီ။

ဝိပဿိဿ၊ ဝိပဿီအမည်တော်ရှိသော။ မဟေသိနော၊ မြတ်စွာဘုရားအား။ ဥပဋ္ဌာကော၊ အလုပ်အကျွေးတော်ရဟန်းသည်။ အသောကောနာမ၊ အသောကအမည်ရှိ၏။

စန္ဒါစ၊ စန္ဒာလည်းကောင်း။ စန္ဒမိတ္တာစ၊ စန္ဒမိတ္တာလည်းကောင်း။ ဣတိ၊ ဤသို့။ ဒွေဘိက္ခုနီ၊ နှစ်ယောက်သောဘိက္ခုနီမတို့သည်။ အဂ္ဂသာဝိကာ၊ မြတ်သောလက်ယာရံလက်ဝဲရံအဂ္ဂသာဝိကာတို့သည်။ အဟေသုံ၊ ဖြစ်ကုန်ပြီ။

တဿဘဂဝတော၊ ထိုမြတ်စွာဘုရား၏။ ဗောဓိ၊ ပွင့်တော်မူရာ ဗောဓိပင်ကို။ ပါဋလီတိ၊ သခွတ်ပင်ဟူ၍။ ပဝုစ္စတိ၊ ဆိုအပ်၏။

ပုနဗ္ဗသုမိတ္တောစ၊ ပုနဗ္ဗသုမိတ္တလည်းကောင်း။ နာဂေါစ၊ နာဂလည်းကောင်း။ ဣတိ၊ ဤသို့။ ဒွေဥပသကာ၊ နှစ်ယောက်သော ဒါယကာတို့သည်။ အဂ္ဂုပဋ္ဌာကာ၊ မြတ်သောအလုပ်အကျွေတော်ဒါယကာတို့သည်။ အဟေသုံ၊ ဖြစ်ကုန်ပြီ။

သိရိမာစ၊ သိရိမာလည်းကောင်း။ ဥတ္တရာစေဝ၊ ဥတ္တရာလည်းကောင်း။ ဣတိ၊ ဤသို့။ ဒွေဥပသိကာ၊ နှစ်ယောက်သော ဒါယိကာမတို့သည်။ အဂ္ဂုပဋ္ဌိကာ၊ မြတ်သောအလုပ်အကျွေတော်ဒါယိကာမတို့သည်။ အဟေသုံ၊ ဖြစ်ကုန်ပြီ။

ဝိပဿီ၊ ဝိပဿီအမည်တော်ရှိသော။ လောကနာယကော၊ မြတ်စွာဘုရားသည်။ အသီသိဟတ္ထမုဗ္ဗေဓော၊ အတောင်ရှစ်ဆယ်မြင့်တော်မူ၏။

တဿ၊ ထိုဝိပဿီမြတ်စွာဘုရား၏။ ပဘာ၊ အရောင်တော်သည်။ သမန္တာ၊ ထက်ဝန်းကျင်မှ။ သတ္တယောဇနေ၊ ခုနှစ်ယူဇနာအရပ်၌။ ဖရိတွာ၊ ပြန့်နှံ့၍။ နိဒ္ဓါဝတိ၊ ထွက်၏။

အသီတိဝဿသဟဿာနိ၊ အနှစ်ရှစ်သောင်းတို့ပတ်လုံး။ တာဝဒေ၊ ထိုကာလ၌။ ဗုဒ္ဓဿ၊ ဝိပဿီမြတ်စွာဘုရား၏။ အာယု၊ အသက်တမ်းသည်။ ဝိဇ္ဇတိ၊ ရှိ၏။

တာဝတာ၊ ထိုမျှလောက်။ တိဋ္ဌမာနော၊ တည်တော်မူလျက်။ သော၊ ထိုဝိပဿီမြတ်စွာဘုရားသည်။ ဗဟုံ၊ များစွာသော။ ဇနတံ၊ သတ္တဝါအပေါင်းကို။ သံသာရသောတတော၊ သံသရာတည်းဟူသောသမုဒ္ဒရာရေအယာဉ်မှ။ တာရေသိ၊ နိဗ္ဗာန်သို့ကယ်တင်တော်မူပြီ။

ဗဟုဒေဝမနုဿာနံ၊ များစွာသောနတ်လူတို့အား။ ဗန္ဓနာ၊ သံယောဇဉ်ဆယ်ပါးတည်းဟူသော အနှောင်အဖွဲ့မှ။ ပရိမောစယိ၊ လွတ်စေတော်မူပြီ။

အဝသေသပုထုဇ္ဇ၊ ကြွင်းကုန်သောပုထုဇဉ်တို့ကို။ မဂ္ဂါမဂ္ဂဉ္စ၊ မဂ်ဖိုလ်ရောက်ကြောင်းတရားကိုလည်း။ အာစိက္ခိ၊ မိန့်ကြားတော်မူပြီ။

အာလောကံ၊ မဂ်ဉာဏ်ဝိပဿနာဉာဏ်အလင်းကို။ ဒဿယိတွာန၊ ပြတော်မူပြီး၍။ အမတံ၊ သေခြင်းကင်းရာဖြစ်သော။ ပဒံ၊ မြတ်နိဗ္ဗာန်ကို။ ဒေသေတွာ၊ ဟောတော်မူပြီး၍။

အဂ္ဂိက္ခန္ဓေါဝ၊ ကြီးစွာသောမီးလျှံကဲ့သို့။ ဇလိတွာ၊ ထွန်းတောက်ပ၍။ သော၊ ထိုဝိပဿီမြတ်စွာဘုရားသည်။ သသာဝကော၊ တပည့်သာဝကနှင့်တကွ။ နိဗ္ဗုတော၊ ပရိနိဗ္ဗာန်ပြုတော်မူပြီ။

ဣဒ္ဓိဝရံ၊ တန်ခိုးတော်မြတ်သည်လည်းကောင်း။ ပုညဝရံ၊ ဘုန်းတော်မြတ်သည်လည်းကောင်း။ လက္ခဏဉ္စကုသုမိတံ၊ စက်လက္ခဏာတော် စသည်တို့ဖြင့်ပွင့်လင်းစွာ တန်ဆာ ဆင်အပ်သော မြတ်စွာဘုရား၏ ကိုယ်တော်သည်လည်းကောင်း။

တံသဗ္ဗံ၊ ထိုအလုံးစုံသည်။ အန္တရဟိတံ၊ ကွယ်တော်မူပြီ။ သဗ္ဗသင်္ခါရာ၊ အလုံးစုံသော သင်္ခါရတို့သည်။ နနုရိတ္တာ၊ အချည်းနှီးတို့သာတည်း။

ဗုဒ္ဓေါ၊ သစ္စာလေးပါးကို သိတော်မူပြီးထသော။ ဝိပဿီ၊ ဝိပဿီအမည်တော်ရှိသော။ ဇိနဝရော၊ ဘုရားမြတ်သည်။ သုမိတ္တာရာမမှိ၊ သုမိတ္တာရာမ၌။ နိဗ္ဗုတော၊ ပရိနိဗ္ဗာန်ပြုတော်မူပြီ။

တတ္ထေဝ၊ ထိုသုမိတ္တာရာမ၌သာလျှင်။ တဿ၊ ထိုဝိပဿီမြတ်စွာဘုရား၏။ ထူပဝရော၊ ဓာတ်တော်ကိုဋ္ဌာပနာရာစေတီတော်မြတ်သည်။ သတ္တယောဇနမုဿိတော၊ ခုနှစ်ယူဇနာတိုင်တိုင်မြင့်၏။ ဣတိ၊ ဤသို့။ အာဟ၊ ဟောတော်မူ၏။

ဧကူနဝီသတိမော၊ တစ်ဆယ့်ကိုးဆူးမြောက်သော။ ဝိပဿိဿ၊ ဝိပဿီ အမည်တော်ရှိသော။ ဘဂဝတော၊ မြတ်စွာဘုရား၏။ ဝံသော၊ အနွယ်တော်သည်။ နိဋ္ဌိတော၊ ပြီးခြင်းသို့ရောက်ပြီ။