Suppiyā vatthu
Pucchā – manussamaṃsaṃ
M2.84 āvuso paribhuñjantassa thullaccayañca appaṭivekkhitvā maṃsaṃ paribhuñjantassa dukkaṭañca bhagavatā kattha paññattaṃ , kaṃ ārabbha kismiṃ vatthusmiṃ paññattaṃ .Vissajjanā – bārāṇasiyaṃ bhante aññataraṃ bhikkhuṃ ārabbha paññattaṃ , aññataro bhante bhikkhu appaṭivekkhitvā manussamaṃsaṃ bhuñji , tasmiṃ bhante vatthusmiṃ paññattaṃ .
Na
M2.87 bhikkhave manussamaṃsaṃ paribhuñjitabbaṃ , yo paribhuñjeyya , āpatti thullaccayassa , na ca bhikkhave appaṭivekkhitvā maṃsaṃ paribhuñjitabbaṃ , yo paribhuñjeyya āpatti dukkaṭassa .Pucchā – hatthimaṃsaṃ vā āvuso assamaṃsaṃ vā paribhuñjantassa dukkaṭaṃ bhagavatā kattha paññattaṃ , kaṃ ārabbha kismiṃ vatthusmiṃ paññattaṃ .
Vissajjanā – bārāṇasiyaṃ bhante sambahule bhikkhū ārabbha paññattaṃ , sambahulā bhante bhikkhū hatthimaṃsampi assamaṃsampi paribhuñjiṃsu , tasmiṃ bhante vatthusmiṃ paññattaṃ .
Pucchā – sunakkhamaṃsaṃ
M2.88 vā āvuso ahimaṃsaṃ vā bhuñjantassa dukkaṭaṃ bhagavatā kattha paññattaṃ , kaṃ ārabbha kismiṃ vatthusmiṃ paññattaṃ .Vissajjanā – bārāṇasiyaṃ bhante sambahule bhikkhū ārabbha paññattaṃ , sambahulā bhante bhikkhū sunakkhamaṃsampi ahimaṃsampi paribhuñjiṃsu , tasmiṃ bhante vatthusmiṃ paññattaṃ .
Pucchā – sīhamaṃsaṃ
M2.89 vā āvuso byagghamaṃsaṃ vā dīpimaṃsaṃ vā acchamaṃsaṃ vā taracchamaṃsaṃ vā bhuñjantassa dukkaṭaṃ bhagavatā kattha paññattaṃ , kaṃ ārabbha kismiṃ vatthusmiṃ paññattaṃ .Vissajjanā – bārāṇasiyaṃyeva bhante sambahule bhikkhū ārabbha paññattaṃ , sambahulā bhante bhikkhū sīhamaṃsampi byagghamaṃsampi dīpimaṃsampi acchamaṃsampi taracchamaṃsampi paribhuñjiṃsu , tasmiṃ bhante vatthusmiṃ paññattaṃ .
Pucchā – gilānassa
M2.90 āvuso guḷaṃ vā agilānassa guḷodakaṃ vā bhagavatā kattha anuññātaṃ , kaṃ ārabbha kismiṃ vatthusmiṃ anuññātaṃ .Vissajjanā – rājagahe bhante sambahule bhikkhū ārabbha anuññātaṃ , sambahulā bhante bhikkhū gilānasseva bhagavatā guḷo anuññāto no agilānassāti kukkuccāyantā guḷaṃ na bhuñjiṃsu , tasmiṃ bhante vatthusmiṃ anuññātaṃ .
Pucchā – jānaṃ
M2.91 āvuso uddissa kataṃ maṃsaṃ paribhuñjantassa dukkaṭaṃ paññapetvā tikoṭiparisuddhaṃ maṃsaṃ bhagavatā kattha anuññātaṃ .Vissajjanā – vesāliyaṃ bhante sīhassa seṭāpatino vatthusmiṃ anuññātaṃ .
Meṇḍaka vatthu
Pucchā – pātheyyaṃ
M2.94 āvuso pariyesituñca kappiyakārakānaṃ hatthe upanikkhittahiraññato nibbattaṃ kappiyapaccayaṃ sādituñca bhagavatā kattha anuññātaṃ , kaṃ ārabbha kismiṃ vatthusmiṃ anuññātaṃ .Vissajjanā – antarā
M2.95 ca bhante bhaddiyaṃ antarā ca aṅguttarāpaṃ meṇḍakaṃ gahapatiṃ ārabbha anuññātaṃ , meṇḍako bhante gahapati bhagavantaṃ yāci ‘‘ santi bhante maggā kantārā appodakā appabhakkhā na sukarā apātheyyena gantuṃ , sādhu bhante bhagavā bhikkhūnaṃ pātheyyaṃ anujānātū ’’ ti , tasmiṃ bhante vatthusmiṃ anuññātaṃ .