Saṃgāyanassa pucchā vissajjanā
Pucchā – ubhato
M2.1 vibhaṅgānantaraṃ āvuso porāṇakehi saṃgītikāramahātherehi kaṃ nāma pāvacanaṃ saṃgītaṃ .Vissajjanā – ubhato vibhaṅgānantaraṃ bhante porāṇakehi saṃgītikāramahātherehi khandhakā saṃgītā .
Pucchā – te pana āvuso khandhakā vaggabhedena katividhā .
Vissajjanā – te
M2.2 pana bhante khandhakā duvidhā vaggabhedena mahāvaggo cūḷavaggoti .Pucchā – mahāvagge āvuso kati khandhakā pariyāpannā .
Vissajjanā – mahāvagge bhante dasakhandhakā pariyāpannā , seyyathidaṃ , mahākhandhako uposathakkhandhako vassūpanāyikakkhandhako pavāraṇākkhandhako cammakkhandhako bhesajjakkhandhako kathinakkhandhako cīvarakkhandhako campeyyakkhandhako kosambakakkhandhakoti .
Pucchā – mahākhandhake āvuso bahū kathāyo , katamā tāsaṃ ādikathā .
Vissajjanā – mahākhandhake bhante bodhikathā ādi .