Issues
Select Version
(DN) Sīlakkhandhavaggapāḷi
(DN) Sīlakkhandhavaggapāḷi

Catutthajjhānakathā

Author: _System_commentary_ @ Administrator

Catutthajjhānakathā

232-233. Catutthajjhānasukhūpamāyaṃ parisuddhena cetasā pariyodātenāti ettha nirupakkilesaṭṭhena parisuddhaṃ , pabhassaraṭṭhena pariyodātanti veditabbaṃ . Odātena vatthenāti idaṃ utupharaṇatthaṃ vuttaṃ . Kiliṭṭhavatthena hi utupharaṇaṃ na hoti , taṅkhaṇadhotaparisuddhena utupharaṇaṃ balavaṃ hoti . Imissāya hi upamāya vatthaṃ viya karajakāyo , utupharaṇaṃ viya catutthajjhānasukhaṃ . Tasmā yathā sunhātassa purisassa parisuddhaṃ vatthaṃ sasīsaṃ pārupitvā nisinnassa sarīrato utu sabbameva vatthaṃ pharati . Na koci vatthassa aphuṭokāso hoti . Evaṃ catutthajjhānasukhena bhikkhunoV1.178 karajakāyassa na koci okāso aphuṭo hotīti . Evamettha attho daṭṭhabbo . Imesaṃ pana catunnaṃ jhānānaṃ anupadavaṇṇanā ca bhāvanānayo ca visuddhimagge vuttoti idha na vitthārito . Ettāvatā cesa rūpajjhānalābhīyeva , na arūpajjhānalābhīti na veditabbo . Na hi aṭṭhasu samāpattīsu cuddasahākārehi ciṇṇavasībhāvaṃ vinā upari abhiññādhigamo hoti . Pāḷiyaṃ pana rūpajjhānāniyeva āgatāni . Arūpajjhānāni āharitvā kathetabbāni . Vipassanāñāṇakathā
232-233. Catutthajjhānasukhūpamāyaṃ parisuddhena cetasā pariyodātenāti ettha nirupakkilesaṭṭhena parisuddhaṃ , pabhassaraṭṭhena pariyodātanti veditabbaṃ . Odātena vatthenāti idaṃ utupharaṇatthaṃ vuttaṃ . Kiliṭṭhavatthena hi utupharaṇaṃ na hoti , taṅkhaṇadhotaparisuddhena utupharaṇaṃ balavaṃ hoti . Imissāya hi upamāya vatthaṃ viya karajakāyo , utupharaṇaṃ viya catutthajjhānasukhaṃ . Tasmā yathā sunhātassa purisassa parisuddhaṃ vatthaṃ sasīsaṃ pārupitvā nisinnassa sarīrato utu sabbameva vatthaṃ pharati . Na koci vatthassa aphuṭokāso hoti . Evaṃ catutthajjhānasukhena bhikkhunoV1.178 karajakāyassa na koci okāso aphuṭo hotīti . Evamettha attho daṭṭhabbo . Imesaṃ pana catunnaṃ jhānānaṃ anupadavaṇṇanā ca bhāvanānayo ca visuddhimagge vuttoti idha na vitthārito . Ettāvatā cesa rūpajjhānalābhīyeva , na arūpajjhānalābhīti na veditabbo . Na hi aṭṭhasu samāpattīsu cuddasahākārehi ciṇṇavasībhāvaṃ vinā upari abhiññādhigamo hoti . Pāḷiyaṃ pana rūpajjhānāniyeva āgatāni . Arūpajjhānāni āharitvā kathetabbāni .