2. Hatthināgavaggo

1. Mātuposakacariyā

‘‘ YadāT2.568M2.399V2.385P0.84 ahosiṃ pavane , kuñjaro mātuposako ;

Na tadā atthi mahiyā , guṇena mama sādiso .

‘‘ Pavane disvā vanacaro , rañño maṃ paṭivedayi ;

‘ Tavānucchavo mahārāja , gajo vasati kānane .

‘‘‘ Na tassa parikkhāyattho , napi āḷakakāsuyā ;

Saha gahite [ samaṃ gahite ( sī .)] soṇḍāya , sayameva idhehi ’ ti .

‘‘ Tassa taṃ vacanaṃ sutvā , rājāpi tuṭṭhamānaso ;

Pesesi hatthidamakaṃ , chekācariyaṃ susikkhitaṃ .

‘‘ Gantvā so hatthidamako , addasa padumassare ;

Bhisamuḷālaṃ [ bhisamūlaṃ ( ka .)] uddharantaṃ , yāpanatthāya mātuyā .

‘‘ Viññāya me sīlaguṇaṃ , lakkhaṇaṃ upadhārayi ;

‘ Ehi puttā ’ ti patvāna , mama soṇḍāya aggahi .

‘‘ Yaṃ me tadā pākatikaṃ , sarīrānugataṃ balaṃ ;

Ajja nāgasahassānaṃ , balena samasādisaṃ .

‘‘ Yadihaṃ tesaṃ pakuppeyyaṃ , upetānaṃ gahaṇāya maṃ ;

Paṭibalo bhave tesaṃ , yāva rajjampi mānusaṃ .

‘‘ ApiT2.569 cāhaṃ sīlarakkhāya , sīlapāramipūriyā ;

Na karomi citte aññathattaṃ , pakkhipantaṃ mamāḷake .

10.

‘‘ Yadi te maṃ tattha koṭṭeyyuṃ , pharasūhi tomarehi ca ;

Neva tesaṃ pakuppeyyaṃ , sīlakhaṇḍabhayā mamā ’’ ti .

Mātuposakacariyaṃ paṭhamaṃ .

2. Bhūridattacariyā

11.

‘‘ PunāparaṃM2.400V2.386P0.85 yadā homi , bhūridatto mahiddhiko ;

Virūpakkhena mahāraññā , devalokamagañchahaṃ .

12.

‘‘ Tattha passitvāhaṃ deve , ekantaṃ sukhasamappite ;

Taṃ saggagamanatthāya , sīlabbataṃ samādiyiṃ .

13.

‘‘ Sarīrakiccaṃ katvāna , bhutvā yāpanamattakaṃ ;

Caturo aṅge adhiṭṭhāya , semi vammikamuddhani .

14.

‘‘ Chaviyā cammena maṃsena , nahāruaṭṭhikehi vā ;

Yassa etena karaṇīyaṃ , dinnaṃyeva harātu so .

15.

‘‘ Saṃsito akataññunā , ālampāyano [ ālambaṇo ( sī .)] mamaggahi ;

Peḷāya pakkhipitvāna , kīḷeti maṃ tahiṃ tahiṃ .

16.

‘‘ Peḷāya pakkhipantepi , sammaddantepi pāṇinā ;

Ālampāyane [ ālambaṇe ( sī .)] na kuppāmi , sīlakhaṇḍabhayā mama .

17.

‘‘ SakajīvitapariccāgoT2.570 , tiṇato lahuko mama ;

Sīlavītikkamo mayhaṃ , pathavīuppatanaṃ viya .

18.

‘‘ Nirantaraṃ jātisataṃ , cajeyyaṃ mama jīvitaṃ ;

Neva sīlaṃ pabhindeyyaṃ , catuddīpāna hetupi .

19.

‘‘ Api cāhaṃ sīlarakkhāya , sīlapāramipūriyā ;

Na karomi citte aññathattaṃ , pakkhipantampi peḷake ’’ ti .

Bhūridattacariyaṃ dutiyaṃ .

3. Campeyyanāgacariyā

20.

‘‘ Punāparaṃ yadā homi , campeyyako mahiddhiko ;

Tadāpi dhammiko āsiṃ , sīlabbatasamappito .

21.

‘‘ TadāpiV2.387 maṃ dhammacāriṃ , upavutthaṃ uposathaṃ ;

Ahituṇḍiko gahetvāna , rājadvāramhi kīḷati .

22.

‘‘ YaṃM2.401 yaṃ so vaṇṇaṃ cintayi , nīlaṃva pītalohitaṃ ;

Tassa cittānuvattanto , homi cintitasannibho .

23.

‘‘ ThalaṃP0.86 kareyyamudakaṃ , udakampi thalaṃ kare ;

Yadihaṃ tassa pakuppeyyaṃ , khaṇena chārikaṃ kare .

24.

‘‘ Yadi cittavasī hessaṃ , parihāyissāmi sīlato ;

Sīlena parihīnassa , uttamattho na sijjhati .

25.

‘‘ KāmaṃT2.571 bhijjatuyaṃ kāyo , idheva vikirīyatu ;

Neva sīlaṃ pabhindeyyaṃ , vikirante bhusaṃ viyā ’’ ti .

Campeyyanāgacariyaṃ tatiyaṃ .

4. Cūḷabodhicariyā

26.

‘‘ Punāparaṃ yadā homi , cūḷabodhi susīlavā ;

Bhavaṃ disvāna bhayato , nekkhammaṃ abhinikkhamiṃ .

27.

‘‘ Yā me dutiyikā āsi , brāhmaṇī kanakasannibhā ;

Sāpi vaṭṭe anapekkhā , nekkhammaṃ abhinikkhami .

28.

‘‘ Nirālayā chinnabandhū , anapekkhā kule gaṇe ;

Carantā gāmanigamaṃ , bārāṇasimupāgamuṃ .

29.

‘‘ Tattha vasāma nipakā , asaṃsaṭṭhā kule gaṇe ;

Nirākule appasadde , rājuyyāne vasāmubho .

30.

‘‘ Uyyānadassanaṃ gantvā , rājā addasa brāhmaṇiṃ ;

Upagamma mamaṃ pucchi ,‘ tuyhesā kā kassa bhariyā ’.

31.

‘‘ Evaṃ vutte ahaṃ tassa , idaṃ vacanamabraviṃ ;

‘ Na mayhaṃ bhariyā esā , sahadhammā ekasāsanī ’.

32.

‘‘ TissāV2.388 [ tassā ( sī .)] sārattagadhito , gāhāpetvāna ceṭake ;

Nippīḷayanto balasā , antepuraṃ pavesayi .

33.

‘‘ OdapattakiyāM2.402 mayhaṃ , sahajā ekasāsanī ;

Ākaḍḍhitvā nayantiyā , kopo me upapajjatha .

34.

‘‘ SahaT2.572 kope samuppanne , sīlabbatamanussariṃ ;

Tattheva kopaṃ niggaṇhiṃ , nādāsiṃ vaḍḍhitūpari .

35.

‘‘ Yadi naṃ brāhmaṇiṃ koci , koṭṭeyya tiṇhasattiyā ;

Neva sīlaṃ pabhindeyyaṃ , bodhiyāyeva kāraṇā .

36.

‘‘ Na mesā brāhmaṇī dessā , napi me balaṃ na vijjati ;

Sabbaññutaṃ piyaṃ mayhaṃ , tasmā sīlānurakkhisan ’’ ti .

Cūḷabodhicariyaṃ catutthaṃ .

5. Mahiṃsarājacariyā

37.

‘‘ PunāparaṃP0.87 yadā homi , mahiṃso pavanacārako ;

Pavaḍḍhakāyo balavā , mahanto bhīmadassano .

38.

‘‘ Pabbhāre giridugge [ vanadugge ( sī .)] ca , rukkhamūle dakāsaye ;

Hotettha ṭhānaṃ mahiṃsānaṃ , koci koci tahiṃ tahiṃ .

39.

‘‘ Vicaranto brahāraññe , ṭhānaṃ addasa bhaddakaṃ ;

Taṃ ṭhānaṃ upagantvāna , tiṭṭhāmi ca sayāmi ca .

40.

‘‘ Athettha kapimāgantvā , pāpo anariyo lahu ;

Khandhe nalāṭe bhamuke , mutteti ohanetitaṃ .

41.

‘‘ Sakimpi divasaṃ dutiyaṃ , tatiyaṃ catutthampi ca ;

Dūseti maṃ sabbakālaṃ , tena homi upadduto .

42.

‘‘ MamaṃT2.573 upaddutaṃ disvā , yakkho maṃ idamabravi ;

‘ Nāsehetaṃ chavaṃ pāpaṃ , siṅgehi ca khurehi ca ’.

43.

‘‘ EvaṃV2.389 vutte tadā yakkhe , ahaṃ taṃ idamabraviṃ ;

‘ Kiṃ tvaṃ makkhesi kuṇapena , pāpena anariyena maṃ .

44.

‘‘‘ YadihaṃM2.403 tassa pakuppeyyaṃ , tato hīnataro bhave ;

Sīlañca me pabhijjeyya , viññū ca garaheyyu maṃ .

45.

‘‘‘ Hīḷitā jīvitā vāpi , parisuddhena mataṃ varaṃ ;

Kyāhaṃ jīvitahetūpi , kāhāmiṃ paraheṭhanaṃ ’.

46.

‘‘ Mamevāyaṃ maññamāno , aññepevaṃ karissati ;

Teva tassa vadhissanti , sā me mutti bhavissati .

47.

‘‘ Hīnamajjhimaukkaṭṭhe , sahanto avamānitaṃ ;

Evaṃ labhati sappañño , manasā yathā patthitan ’’ ti .

Mahiṃsarājacariyaṃ pañcamaṃ .

6. Rururājacariyā

48.

‘‘ Punāparaṃ yadā homi , sutattakanakasannibho ;

Migarājā rurunāma , paramasīlasamāhito .

49.

‘‘ Ramme padese ramaṇīye , vivitte amanussake ;

Tattha vāsaṃ upagañchiṃ , gaṅgākūle manorame .

50.

‘‘ AthaP0.88 upari gaṅgāya , dhanikehi paripīḷito ;

Puriso gaṅgāya papati ,‘ jīvāmi vā marāmi vā ’.

51.

‘‘ RattindivaṃT2.574 so gaṅgāya , vuyhamāno mahodake ;

Ravanto karuṇaṃ ravaṃ , majjhe gaṅgāya gacchati .

52.

‘‘ Tassāhaṃ saddaṃ sutvāna , karuṇaṃ paridevato ;

Gaṅgāya tīre ṭhatvāna , apucchiṃ ‘ kosi tvaṃ naro ’.

53.

‘‘ So me puṭṭho ca byākāsi , attano karaṇaṃ tadā ;

‘ Dhanikehi bhīto tasito , pakkhandohaṃ mahānadiṃ ’.

54.

‘‘ TassaV2.390 katvāna kāruññaṃ , cajitvā mama jīvitaṃ ;

Pavisitvā nīhariṃ tassa , andhakāramhi rattiyā .

55.

‘‘ Assatthakālamaññāya , tassāhaṃ idamabraviṃ ;

‘ Ekaṃ taṃ varaṃ yācāmi , mā maṃ kassaci pāvada ’.

56.

‘‘ NagaraṃM2.404 gantvāna ācikkhi , pucchito dhanahetuko ;

Rājānaṃ so gahetvāna , upagañchi mamantikaṃ .

57.

‘‘ Yāvatā karaṇaṃ sabbaṃ , rañño ārocitaṃ mayā ;

Rājā sutvāna vacanaṃ , usuṃ tassa pakappayi ;

‘ Idheva ghātayissāmi , mittadubbhiṃ [ mittadūbhiṃ ( sī .)] anāriyaṃ ’.

58.

‘‘ Tamahaṃ anurakkhanto , nimminiṃ mama attanā ;

‘ Tiṭṭhateso mahārāja , kāmakāro bhavāmi te ’.

59.

‘‘ Anurakkhiṃ mama sīlaṃ , nārakkhiṃ mama jīvitaṃ ;

Sīlavā hi tadā āsiṃ , bodhiyāyeva kāraṇā ’’ ti .

Rururājacariyaṃ chaṭṭhaṃ .

7. Mātaṅgacariyā

60.

‘‘ PunāparaṃT2.575 yadā homi , jaṭilo uggatāpano ;

Mātaṅgo nāma nāmena , sīlavā susamāhito .

61.

‘‘ Ahañca brāhmaṇo eko , gaṅgākūle vasāmubho ;

Ahaṃ vasāmi upari , heṭṭhā vasati brāhmaṇo .

62.

‘‘ Vicaranto anukūlamhi , uddhaṃ me assamaddasa ;

Tattha maṃ paribhāsetvā , abhisapi muddhaphālanaṃ .

63.

‘‘ Yadihaṃ tassa pakuppeyyaṃ , yadi sīlaṃ na gopaye ;

Oloketvānahaṃ tassa , kareyyaṃ chārikaṃ viya .

64.

‘‘ YaṃP0.89 so tadā maṃ abhisapi , kupito duṭṭhamānaso ;

Tasseva matthake nipati , yogena taṃ pamocayiṃ .

65.

‘‘ AnurakkhiṃV2.391 mama sīlaṃ , nārakkhiṃ mama jīvitaṃ ;

Sīlavā hi tadā āsiṃ , bodhiyāyeva kāraṇā ’’ ti .

Mātaṅgacariyaṃ sattamaṃ .

8. Dhammadevaputtacariyā

66.

‘‘ PunāparaṃM2.405 yadā homi , mahāpakkho mahiddhiko ;

Dhammo nāma mahāyakkho , sabbalokānukampako .

67.

‘‘ DasakusalakammapatheT2.576 , samādapento mahājanaṃ ;

Carāmi gāmanigamaṃ , samitto saparijjano .

68.

‘‘ Pāpo kadariyo yakkho , dīpento dasa pāpake ;

Sopettha mahiyā carati , samitto saparijjano .

69.

‘‘ Dhammavādī adhammo ca , ubho paccanikā mayaṃ ;

Dhure dhuraṃ ghaṭṭayantā , samimhā paṭipathe ubho .

70.

‘‘ Kalaho vattatī bhesmā , kalyāṇapāpakassa ca ;

Maggā okkamanatthāya , mahāyuddho upaṭṭhito .

71.

‘‘ Yadihaṃ tassa kuppeyyaṃ , yadi bhinde tapoguṇaṃ ;

Sahaparijanaṃ tassa , rajabhūtaṃ kareyyahaṃ .

72.

‘‘ Apicāhaṃ sīlarakkhāya , nibbāpetvāna mānasaṃ ;

Saha janenokkamitvā , pathaṃ pāpassa dāsahaṃ .

73.

‘‘ Saha pathato okkante , katvā cittassa nibbutiṃ ;

Vivaraṃ adāsi pathavī , pāpayakkhassa tāvade ’’ ti .

Dhammadevaputtacariyaṃ aṭṭhamaṃ .

9. Alīnasattucariyā

74.

‘‘ PañcālaraṭṭheV2.392P0.90 nagaravare , kapilāyaṃ [ kampilāyaṃ ( sī .), kappilāyaṃ ( syā .)] puruttame ;

Rājā jayaddiso nāma , sīlaguṇamupāgato .

75.

‘‘ TassaT2.577 rañño ahaṃ putto , sutadhammo susīlavā ;

Alīnasatto guṇavā , anurakkhaparijano sadā .

76.

‘‘ Pitā me migavaṃ gantvā , porisādaṃ upāgami ;

So me pitumaggahesi ,‘ bhakkhosi mama mā cali ’.

77.

‘‘ TassaM2.406 taṃ vacanaṃ sutvā , bhīto tasitavedhito ;

Ūrukkhambho ahu tassa , disvāna porisādakaṃ .

78.

‘‘ Migavaṃ gahetvā muñcassu , katvā āgamanaṃ puna ;

Brāhmaṇassa dhanaṃ datvā , pitā āmantayī mamaṃ .

79.

‘‘‘ Rajjaṃ putta paṭipajja , mā pamajji puraṃ idaṃ ;

Kataṃ me porisādena , mama āgamanaṃ puna ’.

80.

‘‘ Mātāpitū ca vanditvā , nimminitvāna attanā ;

Nikkhipitvā dhanuṃ khaggaṃ , porisādaṃ upāgamiṃ .

81.

‘‘ Sasatthahatthūpagataṃ , kadāci so tasissati ;

Tena bhijjissati sīlaṃ , parittāsaṃ [ paritāsaṃ ( sī .)] kate mayi .

82.

‘‘ Sīlakhaṇḍabhayā mayhaṃ , tassa dessaṃ na byāhariṃ ;

Mettacitto hitavādī , idaṃ vacanamabraviṃ .

83.

‘‘‘ Ujjālehi mahāaggiṃ , papatissāmi rukkhato ;

Tvaṃ pakkakālamaññāya [ supakkakālamaññāya ( pī .)], bhakkhaya maṃ pitāmaha ’.

84.

‘‘ Iti sīlavataṃ hetu , nārakkhiṃ mama jīvitaṃ ;

Pabbājesiṃ cahaṃ tassa , sadā pāṇātipātikan ’’ ti .

Alīnasattucariyaṃ navamaṃ .

10. Saṅkhapālacariyā

85.

‘‘ PunāparaṃT2.578V2.393P0.91 yadā homi , saṅkhapālo mahiddhiko ;

Dāṭhāvudho ghoraviso , dvijivho uragādhibhū .

86.

‘‘ Catuppathe mahāmagge , nānājanasamākule ;

Caturo aṅge adhiṭṭhāya , tattha vāsamakappayiṃ .

87.

‘‘ Chaviyā cammena maṃsena , nahāruaṭṭhikehi vā ;

Yassa etena karaṇīyaṃ , dinnaṃyeva harātu so .

88.

‘‘ AddasaṃsuM2.407 bhojaputtā , kharā luddā akāruṇā ;

Upagañchuṃ mamaṃ tattha , daṇḍamuggarapāṇino .

89.

‘‘ Nāsāya vinivijjhitvā , naṅguṭṭhe piṭṭhikaṇṭake ;

Kāje āropayitvāna , bhojaputtā hariṃsu maṃ .

90.

‘‘ Sasāgarantaṃ pathaviṃ , sakānanaṃ sapabbataṃ ;

Icchamāno cahaṃ tattha , nāsāvātena jhāpaye .

91.

‘‘ Sūlehi vinivijjhante , koṭṭayantepi sattibhi ;

Bhojaputte na kuppāmi , esā me sīlapāramī ’’ ti .

Saṅkhapālacariyaṃ dasamaṃ .

Hatthināgavaggo dutiyo .

Tassuddānaṃ –

HatthināgoT2.579 bhūridatto , campeyyo bodhi mahiṃso ;

Ruru mātaṅgo dhammo ca , atrajo ca jayaddiso .

Ete nava sīlabalā , parikkhārā padesikā ;

Jīvitaṃ parirakkhitvā , sīlāni anurakkhisaṃ .

Saṅkhapālassa me sato , sabbakālampi jīvitaṃ ;

Yassa kassaci niyyattaṃ , tasmā sā sīlapāramīti .

Sīlapāraminiddeso niṭṭhito .

Issues

Select Version

Cariyāpiṭakapāḷi

Cariyāpiṭakapāḷi