1. Akitticariyā
1.
‘‘ Kappe
T2.551M2.385V2.371P0.73 ca satasahasse , caturo ca asaṅkhiye ;Etthantare yaṃ caritaṃ , sabbaṃ taṃ bodhipācanaṃ .
2.
‘‘ Atītakappe caritaṃ , ṭhapayitvā bhavābhave ;
Imamhi kappe caritaṃ , pavakkhissaṃ suṇohi me .
3.
‘‘ Yadā ahaṃ brahāraññe , suññe vipinakānane ;
Ajjhogāhetvā [ ajjhogahetvā ( sī . syā .)] viharāmi , akitti nāma tāpaso .
4.
‘‘ Tadā
V2.372 maṃ tapatejena , santatto tidivābhibhū ;Dhārento brāhmaṇavaṇṇaṃ , bhikkhāya maṃ upāgami .
5.
‘‘ Pavanā ābhataṃ paṇṇaṃ , atelañca aloṇikaṃ ;
Mama dvāre ṭhitaṃ disvā , sakaṭāhena ākiriṃ .
6.
‘‘ Tassa datvānahaṃ paṇṇaṃ , nikkujjitvāna bhājanaṃ ;
Punesanaṃ jahitvāna , pāvisiṃ paṇṇasālakaṃ .
7.
‘‘ Dutiyampi
T2.552 tatiyampi , upagañchi mamantikaṃ ;Akampito anolaggo , evamevamadāsahaṃ .
8.
‘‘ Na
M2.386 me tappaccayā atthi , sarīrasmiṃ vivaṇṇiyaṃ ;Pītisukhena ratiyā , vītināmemi taṃ divaṃ .
9.
‘‘ Yadi māsampi dvemāsaṃ , dakkhiṇeyyaṃ varaṃ labhe ;
Akampito anolīno , dadeyyaṃ dānamuttamaṃ .
10.
‘‘ Na tassa dānaṃ dadamāno , yasaṃ lābhañca patthayiṃ ;
Sabbaññutaṃ patthayāno , tāni kammāni ācarin ’’ ti .
Akitticariyaṃ paṭhamaṃ .