5. Pārāyanavaggo

Vatthugāthā

982.

KosalānaṃM0.429V0.225P0.190T0.524 purā rammā , agamā dakkhiṇāpathaṃ ;

Ākiñcaññaṃ patthayāno , brāhmaṇo mantapāragū .

983.

So assakassa visaye , aḷakassa [ muḷakassa ( syā .), mūḷhakassa ( ka .), maḷakassa ( niddesa )] samāsane ;

Vasi godhāvarīkūle , uñchena ca phalena ca .

984.

Tasseva upanissāya , gāmo ca vipulo ahu ;

Tato jātena āyena , mahāyaññamakappayi .

985.

Mahāyaññaṃ yajitvāna , puna pāvisi assamaṃ ;

Tasmiṃ paṭipaviṭṭhamhi , añño āgañchi brāhmaṇo .

986.

Ugghaṭṭapādo tasito [ tassito ( ka .)], paṅkadanto rajassiro ;

So ca naṃ upasaṅkamma , satāni pañca yācati .

987.

Tamenaṃ bāvarī disvā , āsanena nimantayi ;

Sukhañca kusalaṃ pucchi , idaṃ vacanamabravi .

988.

‘‘ Yaṃ kho mama deyyadhammaṃ , sabbaṃ visajjitaṃ mayā ;

Anujānāhi me brahme , natthi pañcasatāni me ’’.

989.

‘‘ SaceP0.191 me yācamānassa , bhavaṃ nānupadassati ;

Sattame divase tuyhaṃ , muddhā phalatu sattadhā ’’.

990.

AbhisaṅkharitvāV0.226T0.525 kuhako , bheravaṃ so akittayi ;

Tassa taṃ vacanaṃ sutvā , bāvarī dukkhito ahu .

991.

Ussussati anāhāro , sokasallasamappito ;

Athopi evaṃ cittassa , jhāne na ramatī mano .

992.

Utrastaṃ dukkhitaṃ disvā , devatā atthakāminī ;

Bāvariṃ upasaṅkamma , idaṃ vacanamabravi .

993.

‘‘ NaM0.430 so muddhaṃ pajānāti , kuhako so dhanatthiko ;

Muddhani muddhapāte vā , ñāṇaṃ tassa na vijjati ’’.

994.

‘‘ Bhotī carahi jānāsi , taṃ me akkhāhi pucchitā ;

Muddhaṃ muddhādhipātañca , taṃ suṇoma vaco tava ’’.

995.

‘‘ Ahampetaṃ na jānāmi , ñāṇamettha na vijjati ;

Muddhani muddhādhipāte ca , jinānaṃ hettha [ muddhaṃ muddhādhipāto ca , jinānaṃ heta ( sī . syā . pī .)] dassanaṃ ’’.

996.

‘‘ Atha ko carahi jānāti , asmiṃ pathavimaṇḍale [ puthavimaṇḍale ( sī . pī .)];

Muddhaṃ muddhādhipātañca , taṃ me akkhāhi devate ’’.

997.

‘‘ PurāP0.192 kapilavatthumhā , nikkhanto lokanāyako ;

Apacco okkākarājassa , sakyaputto pabhaṅkaro .

998.

‘‘ So hi brāhmaṇa sambuddho , sabbadhammāna pāragū ;

Sabbābhiññābalappatto , sabbadhammesu cakkhumā ;

Sabbakammakkhayaṃ patto , vimutto upadhikkhaye .

999.

‘‘ Buddho so bhagavā loke , dhammaṃ deseti cakkhumā ;

TaṃT0.526 tvaṃ gantvāna pucchassu , so te taṃ byākarissati ’’.

1000.

SambuddhotiV0.227 vaco sutvā , udaggo bāvarī ahu ;

Sokassa tanuko āsi , pītiñca vipulaṃ labhi .

1001.

So bāvarī attamano udaggo , taṃ devataṃ pucchati vedajāto ;

‘‘ Katamamhi gāme nigamamhi vā pana , katamamhi vā janapade lokanātho ;

Yattha gantvāna passemu [ gantvā namassemu ( sī . syā . pī .)], sambuddhaṃ dvipaduttamaṃ ’’[ dvipaduttamaṃ ( sī . syā . pī .)],.

1002.

‘‘ Sāvatthiyaṃ kosalamandire jino , pahūtapañño varabhūrimedhaso ;

So sakyaputto vidhuro anāsavo , muddhādhipātassa vidū narāsabho ’’.

1003.

TatoM0.431 āmantayī sisse , brāhmaṇe mantapārage ;

‘‘ Etha māṇavā akkhissaṃ , suṇātha vacanaṃ mama .

1004.

‘‘ YassesoP0.193 dullabho loke , pātubhāvo abhiṇhaso ;

Svājja lokamhi uppanno , sambuddho iti vissuto ;

Khippaṃ gantvāna sāvatthiṃ , passavho dvipaduttamaṃ ’’.

1005.

‘‘ Kathaṃ carahi jānemu , disvā buddhoti brāhmaṇa ;

Ajānataṃ no pabrūhi , yathā jānemu taṃ mayaṃ ’’.

1006.

‘‘ ĀgatāniT0.527 hi mantesu , mahāpurisalakkhaṇā ;

Dvattiṃsāni ca [ dvittiṃsā ca ( sī . syā . pī .), dvittiṃsa tāni (?)] byākkhātā , samattā anupubbaso .

1007.

‘‘ Yassete honti gattesu , mahāpurisalakkhaṇā ;

Dveyeva tassa gatiyo , tatiyā hi na vijjati .

1008.

‘‘ Sace agāraṃ āvasati [ ajjhāvasati ( ka .)], vijeyya pathaviṃ imaṃ ;

Adaṇḍena asatthena , dhammenamanusāsati .

1009.

‘‘ SaceV0.228 ca so pabbajati , agārā anagāriyaṃ ;

Vivaṭṭacchado [ vivattachaddo ( sī .)] sambuddho , arahā bhavati anuttaro .

1010.

‘‘ Jātiṃ gottañca lakkhaṇaṃ , mante sisse punāpare ;

Muddhaṃ muddhādhipātañca , manasāyeva pucchatha .

1011.

‘‘ Anāvaraṇadassāvī , yadi buddho bhavissati ;

Manasā pucchite pañhe , vācāya vissajessati ’’.

1012.

Bāvarissa vaco sutvā , sissā soḷasa brāhmaṇā ;

Ajito tissametteyyo , puṇṇako atha mettagū .

1013.

DhotakoP0.194 upasīvo ca , nando ca atha hemako ;

Todeyyakappā dubhayo , jatukaṇṇī ca paṇḍito .

1014.

BhadrāvudhoM0.432 udayo ca , posālo cāpi brāhmaṇo ;

Mogharājā ca medhāvī , piṅgiyo ca mahāisi .

1015.

Paccekagaṇino sabbe , sabbalokassa vissutā ;

Jhāyī jhānaratā dhīrā , pubbavāsanavāsitā .

1016.

BāvariṃT0.528 abhivādetvā , katvā ca naṃ padakkhiṇaṃ ;

Jaṭājinadharā sabbe , pakkāmuṃ uttarāmukhā .

1017.

Aḷakassa patiṭṭhānaṃ , purimāhissatiṃ [ purimaṃ māhissatiṃ ( sī . pī .), puraṃ māhissatiṃ ( syā .)] tadā ;

Ujjeniñcāpi gonaddhaṃ , vedisaṃ vanasavhayaṃ .

1018.

Kosambiñcāpi sāketaṃ , sāvatthiñca puruttamaṃ ;

Setabyaṃ kapilavatthuṃ , kusinārañca mandiraṃ .

1019.

PāvañcaV0.229 bhoganagaraṃ , vesāliṃ māgadhaṃ puraṃ ;

Pāsāṇakaṃ cetiyañca , ramaṇīyaṃ manoramaṃ .

1020.

TasitovudakaṃP0.195 sītaṃ , mahālābhaṃva vāṇijo ;

Chāyaṃ dhammābhitattova , turitā pabbatamāruhuṃ .

1021.

Bhagavā tamhi samaye , bhikkhusaṅghapurakkhato ;

Bhikkhūnaṃ dhammaṃ deseti , sīhova nadatī vane .

1022.

Ajito addasa buddhaṃ , sataraṃsiṃ [ vītaraṃsiṃva ( syā .), sataraṃsīva ( ka .), pītaraṃsīva ( niddesa )] va bhāṇumaṃ ;

Candaṃ yathā pannarase , pāripūriṃ upāgataṃ .

1023.

Athassa gatte disvāna , paripūrañca byañjanaṃ ;

Ekamantaṃ ṭhito haṭṭho , manopañhe apucchatha .

1024.

‘‘ Ādissa jammanaṃ [ jappanaṃ ( ka .)] brūhi , gottaṃ brūhi salakkhaṇaṃ [ brūhissa lakkhaṇaṃ ( niddesa )];

Mantesu pāramiṃ brūhi , kati vāceti brāhmaṇo ’’.

1025.

‘‘ Vīsaṃ vassasataṃ āyu , so ca gottena bāvarī ;

Tīṇissa lakkhaṇā gatte , tiṇṇaṃ vedāna pāragū .

1026.

‘‘ LakkhaṇeM0.433T0.529 itihāse ca , sanighaṇḍusakeṭubhe ;

Pañcasatāni vāceti , sadhamme pāramiṃ gato ’’.

1027.

‘‘ LakkhaṇānaṃP0.196 pavicayaṃ , bāvarissa naruttama ;

Kaṅkhacchida [ taṇhacchida ( bahūsu )] pakāsehi , mā no kaṅkhāyitaṃ ahu ’’.

1028.

‘‘ Mukhaṃ jivhāya chādeti , uṇṇassa bhamukantare ;

Kosohitaṃ vatthaguyhaṃ , evaṃ jānāhi māṇava ’’.

1029.

PucchañhiV0.230 kiñci asuṇanto , sutvā pañhe viyākate ;

Vicinteti jano sabbo , vedajāto katañjalī .

1030.

‘‘ Ko nu devo vā brahmā vā , indo vāpi sujampati ;

Manasā pucchite pañhe , kametaṃ paṭibhāsati .

1031.

‘‘ Muddhaṃ muddhādhipātañca , bāvarī paripucchati ;

Taṃ byākarohi bhagavā , kaṅkhaṃ vinaya no ise ’’.

1032.

‘‘ Avijjā muddhāti jānāhi , vijjā muddhādhipātinī ;

Saddhāsatisamādhīhi , chandavīriyena saṃyutā ’’.

1033.

Tato vedena mahatā , santhambhitvāna māṇavo ;

Ekaṃsaṃ ajinaṃ katvā , pādesu sirasā pati .

1034.

‘‘ Bāvarī brāhmaṇo bhoto , saha sissehi mārisa ;

Udaggacitto sumano , pāde vandati cakkhuma ’’.

1035.

‘‘ SukhitoP0.197 bāvarī hotu , saha sissehi brāhmaṇo ;

Tvañcāpi sukhito hohi , ciraṃ jīvāhi māṇava .

1036.

‘‘ BāvarissaT0.530 ca tuyhaṃ vā , sabbesaṃ sabbasaṃsayaṃ ;

Katāvakāsā pucchavho , yaṃ kiñci manasicchatha ’’.

1037.

Sambuddhena katokāso , nisīditvāna pañjalī ;

Ajito paṭhamaṃ pañhaṃ , tattha pucchi tathāgataṃ .

Vatthugāthā niṭṭhitā .

1. Ajitamāṇavapucchā

1038.

‘‘ KenassuM0.434V0.231 nivuto loko ,( iccāyasmā ajito )

Kenassu nappakāsati ;

Kissābhilepanaṃ brūsi , kiṃsu tassa mahabbhayaṃ ’’.

1039.

‘‘ Avijjāya nivuto loko ,( ajitāti bhagavā )

Vevicchā pamādā nappakāsati ;

Jappābhilepanaṃ brūmi , dukkhamassa mahabbhayaṃ ’’.

1040.

‘‘ SavantiP0.198 sabbadhi sotā ,( iccāyasmā ajito )

Sotānaṃ kiṃ nivāraṇaṃ ;

Sotānaṃ saṃvaraṃ brūhi , kena sotā pidhiyyare ’’[ pithiyyare ( sī . syā . pī .), pithīyare ( sī . aṭṭha .), pidhīyare (?)].

1041.

‘‘ Yāni sotāni lokasmiṃ ,( ajitāti bhagavā )

Sati tesaṃ nivāraṇaṃ ;

Sotānaṃ saṃvaraṃ brūmi , paññāyete pidhiyyare ’’.

1042.

‘‘ Paññā ceva sati yañca [ satī ceva ( sī .), satī ca ( syā .), satī cāpi ( pī . niddesa ), sati cāpi ( niddesa )],( iccāyasmā ajito )

Nāmarūpañca mārisa ;

EtaṃT0.531 me puṭṭho pabrūhi , katthetaṃ uparujjhati ’’.

1043.

‘‘ Yametaṃ pañhaṃ apucchi , ajita taṃ vadāmi te ;

Yattha nāmañca rūpañca , asesaṃ uparujjhati ;

Viññāṇassa nirodhena , etthetaṃ uparujjhati ’’.

1044.

‘‘ Ye ca saṅkhātadhammāse , ye ca sekhā puthū idha ;

Tesaṃ me nipako iriyaṃ , puṭṭho pabrūhi mārisa ’’.

1045.

‘‘ KāmesuV0.232 nābhigijjheyya , manasānāvilo siyā ;

Kusalo sabbadhammānaṃ , sato bhikkhu paribbaje ’’ ti .

Ajitamāṇavapucchā paṭhamā niṭṭhitā .

2. Tissametteyyamāṇavapucchā

1046.

‘‘ KodhaM0.435P0.199 santusito loke ,( iccāyasmā tissametteyyo )

Kassa no santi iñjitā ;

Ko ubhantamabhiññāya , majjhe mantā na lippati [ limpati ( ka .)];

Kaṃ brūsi mahāpurisoti , ko idha sibbinimaccagā ’’.

1047.

‘‘ Kāmesu brahmacariyavā ,( metteyyāti bhagavā )

Vītataṇho sadā sato ;

SaṅkhāyaT0.532 nibbuto bhikkhu , tassa no santi iñjitā .

1048.

‘‘ So ubhantamabhiññāya , majjhe mantā na lippati ;

Taṃ brūmi mahāpurisoti , so idha sibbinimaccagā ’’ ti .

Tissametteyyamāṇavapucchā dutiyā niṭṭhitā .

3. Puṇṇakamāṇavapucchā

1049.

‘‘ Anejaṃ mūladassāviṃ ,( iccāyasmā puṇṇako )

Atthi [ atthī ( syā .)] pañhena āgamaṃ ;

KiṃV0.233 nissitāP0.200 isayo manujā , khattiyā brāhmaṇā devatānaṃ ;

Yaññamakappayiṃsu puthūdha loke , pucchāmi taṃ bhagavā brūhi me taṃ ’’.

1050.

‘‘ Ye kecime isayo manujā ,( puṇṇakāti bhagavā )

Khattiyā brāhmaṇā devatānaṃ ;

Yaññamakappayiṃsu puthūdha loke , āsīsamānā puṇṇaka itthattaṃ [ itthabhāvaṃ ( sī . syā .)];

Jaraṃ sitā yaññamakappayiṃsu ’’.

1051.

‘‘ YeM0.436 kecime isayo manujā ,( iccāyasmā puṇṇako )

Khattiyā brāhmaṇā devatānaṃ ;

YaññamakappayiṃsuT0.533 puthūdha loke , kaccissu te bhagavā yaññapathe appamattā ;

Atāruṃ jātiñca jarañca mārisa , pucchāmi taṃ bhagavā brūhi me taṃ ’’.

1052.

‘‘ Āsīsanti thomayanti , abhijappanti juhanti ;( Puṇṇakāti bhagavā )

Kāmābhijappanti paṭicca lābhaṃ , te yājayogā bhavarāgarattā ;

Nātariṃsu jātijaranti brūmi ’’.

1053.

‘‘ TeP0.201 ce nātariṃsu yājayogā ,( iccāyasmā puṇṇako )

Yaññehi jātiñca jarañca mārisa ;

Atha ko carahi devamanussaloke , atāri jātiñca jarañca mārisa ;

Pucchāmi taṃ bhagavā brūhi me taṃ ’’.

1054.

‘‘ Saṅkhāya lokasmi paroparāni [ parovarāni ( sī . syā .)],( puṇṇakāti bhagavā )

Yassiñjitaṃ natthi kuhiñci loke ;

Santo vidhūmo anīgho nirāso , atāri so jātijaranti brūmī ’’ ti .

Puṇṇakamāṇavapucchā tatiyā niṭṭhitā .

4. Mettagūmāṇavapucchā

1055.

‘‘ PucchāmiV0.234T0.534 taṃ bhagavā brūhi me taṃ ,( iccāyasmā mettagū )

Maññāmi taṃ vedaguṃ bhāvitattaṃ ;

Kuto nu dukkhā samudāgatā ime , ye keci lokasmimanekarūpā ’’.

1056.

‘‘ DukkhassaM0.437P0.202 ve maṃ pabhavaṃ apucchasi ,( mettagūti bhagavā )

Taṃ te pavakkhāmi yathā pajānaṃ ;

Upadhinidānā pabhavanti dukkhā , ye keci lokasmimanekarūpā .

1057.

‘‘ Yo ve avidvā upadhiṃ karoti , punappunaṃ dukkhamupeti mando ;

Tasmā pajānaṃ upadhiṃ na kayirā , dukkhassa jātippabhavānupassī ’’.

1058.

‘‘ Yaṃ taṃ apucchimha akittayī no , aññaṃ taṃ pucchāma [ pucchāmi ( sī . pī .)] tadiṅgha brūhi ;

Kathaṃ nu dhīrā vitaranti oghaṃ , jātiṃ jaraṃ sokapariddavañca ;

Taṃ me muni sādhu viyākarohi , tathā hi te vidito esa dhammo ’’.

1059.

‘‘ KittayissāmiT0.535 te dhammaṃ ,( mettagūti bhagavā )

Diṭṭhe dhamme anītihaṃ ;

Yaṃ viditvā sato caraṃ , tare loke visattikaṃ ’’.

1060.

‘‘ Tañcāhaṃ abhinandāmi , mahesi dhammamuttamaṃ ;

Yaṃ viditvā sato caraṃ , tare loke visattikaṃ ’’.

1061.

‘‘ Yaṃ kiñci sampajānāsi ,( mettagūti bhagavā )

Uddhaṃ adho tiriyañcāpi majjhe ;

EtesuP0.203 nandiñca nivesanañca , panujja viññāṇaṃ bhave na tiṭṭhe .

1062.

‘‘ EvaṃvihārīV0.235 sato appamatto , bhikkhu caraṃ hitvā mamāyitāni ;

Jātiṃ jaraṃ sokapariddavañca , idheva vidvā pajaheyya dukkhaṃ ’’.

1063.

‘‘ EtābhinandāmiM0.438 vaco mahesino , sukittitaṃ gotamanūpadhīkaṃ ;

Addhā hi bhagavā pahāsi dukkhaṃ , tathā hi te vidito esa dhammo .

1064.

‘‘ Te cāpi nūnappajaheyyu dukkhaṃ , ye tvaṃ muni aṭṭhitaṃ ovadeyya ;

Taṃ taṃ namassāmi samecca nāga , appeva maṃ bhagavā aṭṭhitaṃ ovadeyya ’’.

1065.

‘‘ YaṃT0.536 brāhmaṇaṃ vedagumābhijaññā , akiñcanaṃ kāmabhave asattaṃ ;

Addhā hi so oghamimaṃ atāri , tiṇṇo ca pāraṃ akhilo akaṅkho .

1066.

‘‘ Vidvā ca yo [ so ( sī . syā . pī .)] vedagū naro idha , bhavābhave saṅgamimaṃ visajja ;

SoP0.204 vītataṇho anīgho nirāso , atāri so jātijaranti brūmī ’’ ti .

Mettagūmāṇavapucchā catutthī niṭṭhitā .

5. Dhotakamāṇavapucchā

1067.

‘‘ Pucchāmi taṃ bhagavā brūhi me taṃ ,( iccāyasmā dhotako )

Vācābhikaṅkhāmi mahesi tuyhaṃ ;

Tava sutvāna nigghosaṃ , sikkhe nibbānamattano ’’.

1068.

‘‘ Tenahātappaṃ karohi ,( dhotakāti bhagavā ) idheva nipako sato ;

Ito sutvāna nigghosaṃ , sikkhe nibbānamattano ’’.

1069.

‘‘ PassāmahaṃM0.439 devamanussaloke , akiñcanaṃ brāhmaṇamiriyamānaṃ ;

Taṃ taṃ namassāmi samantacakkhu , pamuñcaT0.537 maṃ sakka kathaṃkathāhi ’’.

1070.

‘‘ NāhaṃV0.236 sahissāmi [ samissāmi ( syā .), gamissāmi ( sī .), samīhāmi ( pī .)] pamocanāya , kathaṃkathiṃ dhotaka kañci loke ;

Dhammañca seṭṭhaṃ abhijānamāno [ ājānamāno ( sī . syā . pī .)], evaṃ tuvaṃ oghamimaṃ taresi ’’.

1071.

‘‘ Anusāsa brahme karuṇāyamāno , vivekadhammaṃ yamahaṃ vijaññaṃ ;

YathāhaṃP0.205 ākāsova abyāpajjamāno , idheva santo asito careyyaṃ ’’.

1072.

‘‘ Kittayissāmi te santiṃ ,( dhotakāti bhagavā ) diṭṭhe dhamme anītihaṃ ;

Yaṃ viditvā sato caraṃ , tare loke visattikaṃ ’’.

1073.

‘‘ Tañcāhaṃ abhinandāmi , mahesi santimuttamaṃ ;

Yaṃ viditvā sato caraṃ , tare loke visattikaṃ ’’.

1074.

‘‘ Yaṃ kiñci sampajānāsi ,( dhotakāti bhagavā )

Uddhaṃ adho tiriyañcāpi majjhe ;

Etaṃ viditvā saṅgoti loke , bhavābhavāya mākāsi taṇhan ’’ ti .

Dhotakamāṇavapucchā pañcamī niṭṭhitā .

6. Upasīvamāṇavapucchā

1075.

‘‘ EkoT0.538 ahaṃ sakka mahantamoghaṃ ,( iccāyasmā upasīvo )

Anissito no visahāmi tārituṃ ;

Ārammaṇaṃ brūhi samantacakkhu , yaṃ nissito oghamimaṃ tareyyaṃ ’’.

1076.

‘‘ ĀkiñcaññaṃM0.440 pekkhamāno satimā ,( upasīvāti bhagavā )

Natthīti nissāya tarassu oghaṃ ;

KāmeP0.206 pahāya virato kathāhi , taṇhakkhayaṃ nattamahābhipassa ’’[ rattamahābhipassa ( syā .), rattamahaṃ vipassa ( ka .)].

1077.

‘‘ SabbesuV0.237 kāmesu yo vītarāgo ,( iccāyasmā upasīvo )

Ākiñcaññaṃ nissito hitvā maññaṃ ;

Saññāvimokkhe parame vimutto [ dhimutto ( ka .)], tiṭṭhe nu so tattha anānuyāyī ’’[ anānuvāyī ( syā . ka .)].

1078.

‘‘ Sabbesu kāmesu yo vītarāgo ,( upasīvāti bhagavā )

Ākiñcaññaṃ nissito hitvā maññaṃ ;

Saññāvimokkhe parame vimutto , tiṭṭheyya so tattha anānuyāyī ’’.

1079.

‘‘ Tiṭṭhe ce so tattha anānuyāyī , pūgampiT0.539 vassānaṃ samantacakkhu ;

Tattheva so sītisiyā vimutto , cavetha viññāṇaṃ tathāvidhassa ’’.

1080.

‘‘ Accī yathā vātavegena khittā [ khittaṃ ( syā .), khitto ( pī .)],( upasīvāti bhagavā )

Atthaṃ paleti na upeti saṅkhaṃ ;

EvaṃP0.207 munī nāmakāyā vimutto , atthaṃ paleti na upeti saṅkhaṃ ’’.

1081.

‘‘ Atthaṅgato so uda vā so natthi , udāhu ve sassatiyā arogo ;

Taṃ me munī sādhu viyākarohi , tathā hi te vidito esa dhammo ’’.

1082.

‘‘ AtthaṅgatassaM0.441 na pamāṇamatthi ,( upasīvāti bhagavā )

Yena naṃ vajjuṃ taṃ tassa natthi ;

Sabbesu dhammesu samohatesu , samūhatā vādapathāpi sabbe ’’ ti .

Upasīvamāṇavapucchā chaṭṭhī niṭṭhitā .

7. Nandamāṇavapucchā

1083.

‘‘ SantiV0.238 loke munayo ,( iccāyasmā nando )

Janā vadanti tayidaṃ kathaṃsu ;

ÑāṇūpapannaṃT0.540 no muniṃ [ muni no ( syā . ka .)] vadanti , udāhu ve jīvitenūpapannaṃ ’’.

1084.

‘‘ Na diṭṭhiyā na sutiyā na ñāṇena ,( na sīlabbatena )[() natthi sī . -pī potthakesu ]

Munīdha nanda kusalā vadanti ;

VisenikatvāP0.208 anīghā nirāsā , caranti ye te munayoti brūmi ’’.

1085.

‘‘ Ye kecime samaṇabrāhmaṇāse ,( iccāyasmā nando )

Diṭṭhassutenāpi [ diṭṭhena sutenāpi ( sī .), diṭṭhe sutenāpi ( syā . pī . ka .)] vadanti suddhiṃ ;

Sīlabbatenāpi vadanti suddhiṃ , anekarūpena vadanti suddhiṃ ;

Kaccissu te bhagavā tattha yatā carantā , atāru jātiñca jarañca mārisa ;

Pucchāmi taṃ bhagavā brūhi me taṃ ’’.

1086.

‘‘ YeM0.442 kecime samaṇabrāhmaṇāse ,( nandāti bhagavā )

Diṭṭhassutenāpi vadanti suddhiṃ ;

Sīlabbatenāpi vadanti suddhiṃ , anekarūpena vadanti suddhiṃ ;

Kiñcāpi te tattha yatā caranti , nāriṃsu jātijaranti brūmi ’’.

1087.

‘‘ YeT0.541 kecime samaṇabrāhmaṇāse ,( iccāyasmā nando )

Diṭṭhassutenāpi vadanti suddhiṃ ;

Sīlabbatenāpi vadanti suddhiṃ , anekarūpena vadanti suddhiṃ ;

Te ce muni [ sace muni ( sī .)] brūsi anoghatiṇṇe , athaP0.209 ko carahi devamanussaloke ;

Atāri jātiñca jarañca mārisa , pucchāmi taṃ bhagavā brūhi me taṃ ’’.

1088.

‘‘ Nāhaṃ sabbe samaṇabrāhmaṇāse ,( nandāti bhagavā )

Jātijarāya nivutāti brūmi ;

YeV0.239 sīdha diṭṭhaṃva sutaṃ mutaṃ vā , sīlabbataṃ vāpi pahāya sabbaṃ ;

Anekarūpampi pahāya sabbaṃ , taṇhaṃ pariññāya anāsavāse ;

Te ve narā oghatiṇṇāti brūmi ’’.

1089.

‘‘ Etābhinandāmi vaco mahesino , sukittitaṃ gotamanūpadhīkaṃ ;

Ye sīdha diṭṭhaṃ va sutaṃ mutaṃ vā , sīlabbataṃ vāpi pahāya sabbaṃ ;

AnekarūpampiT0.542 pahāya sabbaṃ , taṇhaṃ pariññāya anāsavāse ;

Ahampi te oghatiṇṇāti brūmī ’’ ti .

Nandamāṇavapucchā sattamā niṭṭhitā .

8. Hemakamāṇavapucchā

1090.

‘‘ YeM0.443 me pubbe viyākaṃsu ,( iccāyasmā hemako )

HuraṃP0.210 gotamasāsanā ;

Iccāsi iti bhavissati , sabbaṃ taṃ itihītihaṃ ;

Sabbaṃ taṃ takkavaḍḍhanaṃ , nāhaṃ tattha abhiramiṃ .

1091.

‘‘ Tvañca me dhammamakkhāhi , taṇhānigghātanaṃ muni ;

Yaṃ viditvā sato caraṃ , tare loke visattikaṃ ’’.

1092.

‘‘ Idha diṭṭhasutamutaviññātesu , piyarūpesu hemaka ;

Chandarāgavinodanaṃ , nibbānapadamaccutaṃ .

1093.

‘‘ Etadaññāya ye satā , diṭṭhadhammābhinibbutā ;

Upasantā ca te sadā , tiṇṇā loke visattikan ’’ ti .

Hemakamāṇavapucchā aṭṭhamā niṭṭhitā .

9. Todeyyamāṇavapucchā

1094.

‘‘ YasmiṃV0.240T0.543 kāmā na vasanti ,( iccāyasmā todeyyo )

Taṇhā yassa na vijjati ;

Kathaṃkathā ca yo tiṇṇo , vimokkho tassa kīdiso ’’.

1095.

‘‘ YasmiṃP0.211 kāmā na vasanti ,( todeyyāti bhagavā )

Taṇhā yassa na vijjati ;

Kathaṃkathā ca yo tiṇṇo , vimokkho tassa nāparo ’’.

1096.

‘‘ Nirāsaso so uda āsasāno , paññāṇavā so uda paññakappī ;

Muniṃ ahaṃ sakka yathā vijaññaṃ , taṃ me viyācikkha samantacakkhu ’’.

1097.

‘‘ NirāsasoM0.444 so na ca āsasāno , paññāṇavā so na ca paññakappī ;

Evampi todeyya muniṃ vijāna , akiñcanaṃ kāmabhave asattan ’’ ti .

Todeyyamāṇavapucchā navamā niṭṭhitā .

10. Kappamāṇavapucchā

1098.

‘‘ MajjheT0.544 sarasmiṃ tiṭṭhataṃ ,( iccāyasmā kappo )

Oghe jāte mahabbhaye ;

Jarāmaccuparetānaṃ , dīpaṃ pabrūhi mārisa ;

Tvañca me dīpamakkhāhi , yathāyidaṃ nāparaṃ siyā ’’.

1099.

‘‘ MajjheV0.241P0.212 sarasmiṃ tiṭṭhataṃ ,( kappāti bhagavā )

Oghe jāte mahabbhaye ;

Jarāmaccuparetānaṃ , dīpaṃ pabrūmi kappa te .

1100.

‘‘ Akiñcanaṃ anādānaṃ , etaṃ dīpaṃ anāparaṃ ;

Nibbānaṃ iti [ nibbānamīti ( sī .)] naṃ brūmi , jarāmaccuparikkhayaṃ .

1101.

‘‘ Etadaññāya ye satā , diṭṭhadhammābhinibbutā ;

Na te māravasānugā , na te mārassa paddhagū ’’ ti [ paṭṭhagūti ( syā . ka .)].

Kappamāṇavapucchā dasamā niṭṭhitā .

11. Jatukaṇṇimāṇavapucchā

1102.

‘‘ Sutvānahaṃ vīramakāmakāmiṃ ,( iccāyasmā jatukaṇṇi )

Oghātigaṃ puṭṭhumakāmamāgamaṃ ;

Santipadaṃ brūhi sahajanetta , yathātacchaṃT0.545 bhagavā brūhi me taṃ .

1103.

‘‘ BhagavāM0.445 hi kāme abhibhuyya iriyati , ādiccova pathaviṃ tejī tejasā ;

Parittapaññassa me bhūripañña , ācikkha dhammaṃ yamahaṃ vijaññaṃ ;

Jātijarāya idha vippahānaṃ ’’.

1104.

‘‘ KāmesuP0.213 vinaya gedhaṃ ,( jatukaṇṇīti bhagavā ) nekkhammaṃ daṭṭhu khemato ;

Uggahītaṃ nirattaṃ vā , mā te vijjittha kiñcanaṃ .

1105.

‘‘ Yaṃ pubbe taṃ visosehi , pacchā te māhu kiñcanaṃ ;

Majjhe ce no gahessasi , upasanto carissasi .

1106.

‘‘ SabbasoV0.242 nāmarūpasmiṃ , vītagedhassa brāhmaṇa ;

Āsavāssa na vijjanti , yehi maccuvasaṃ vaje ’’ ti .

Jatukaṇṇimāṇavapucchā ekādasamā niṭṭhitā .

12. Bhadrāvudhamāṇavapucchā

1107.

‘‘ Okañjahaṃ taṇhacchidaṃ anejaṃ ,( iccāyasmā bhadrāvudho )

Nandiñjahaṃ oghatiṇṇaṃ vimuttaṃ ;

Kappañjahaṃ abhiyāce sumedhaṃ , sutvānaT0.546 nāgassa apanamissanti ito .

1108.

‘‘ Nānājanā janapadehi saṅgatā , tava vīra vākyaṃ abhikaṅkhamānā ;

Tesaṃ tuvaṃ sādhu viyākarohi , tathā hi te vidito esa dhammo ’’.

1109.

‘‘ Ādānataṇhaṃ vinayetha sabbaṃ ,( bhadrāvudhāti bhagavā )

Uddhaṃ adho tiriyañcāpi majjhe ;

YaṃP0.214 yañhi lokasmimupādiyanti , teneva māro anveti jantuṃ .

1110.

‘‘ TasmāM0.446 pajānaṃ na upādiyetha , bhikkhu sato kiñcanaṃ sabbaloke ;

Ādānasatte iti pekkhamāno , pajaṃ imaṃ maccudheyye visattan ’’ ti .

Bhadrāvudhamāṇavapucchā dvādasamā niṭṭhitā .

13. Udayamāṇavapucchā

1111.

‘‘ JhāyiṃV0.243 virajamāsīnaṃ ,( iccāyasmā udayo ) katakiccaṃ anāsavaṃ ;

Pāraguṃ sabbadhammānaṃ , atthi pañhena āgamaṃ ;

Aññāvimokkhaṃ pabrūhi , avijjāya pabhedanaṃ ’’.

1112.

‘‘ PahānaṃT0.547 kāmacchandānaṃ ,( udayāti bhagavā ) domanassāna cūbhayaṃ ;

Thinassa ca panūdanaṃ , kukkuccānaṃ nivāraṇaṃ .

1113.

‘‘ Upekkhāsatisaṃsuddhaṃ , dhammatakkapurejavaṃ ;

Aññāvimokkhaṃ pabrūmi , avijjāya pabhedanaṃ ’’.

1114.

‘‘ KiṃsuP0.215 saṃyojano loko , kiṃsu tassa vicāraṇaṃ ;

Kissassa vippahānena , nibbānaṃ iti vuccati ’’.

1115.

‘‘ Nandisaṃyojano loko , vitakkassa vicāraṇaṃ ;

Taṇhāya vippahānena , nibbānaṃ iti vuccati ’’.

1116.

‘‘ Kathaṃ satassa carato , viññāṇaṃ uparujjhati ;

Bhagavantaṃ puṭṭhumāgamma , taṃ suṇoma vaco tava ’’.

1117.

‘‘ Ajjhattañca bahiddhā ca , vedanaṃ nābhinandato ;

Evaṃ satassa carato , viññāṇaṃ uparujjhatī ’’ ti .

Udayamāṇavapucchā terasamā niṭṭhitā .

14. Posālamāṇavapucchā

1118.

‘‘ YoM0.447V0.244 atītaṃ ādisati ,( iccāyasmā posālo ) anejo chinnasaṃsayo ;

Pāraguṃ sabbadhammānaṃ , atthi pañhena āgamaṃ .

1119.

‘‘ VibhūtarūpasaññissaT0.548 , sabbakāyappahāyino ;

Ajjhattañca bahiddhā ca , natthi kiñcīti passato ;

Ñāṇaṃ sakkānupucchāmi , kathaṃ neyyo tathāvidho ’’.

1120.

‘‘ ViññāṇaṭṭhitiyoP0.216 sabbā ,( posālāti bhagavā ) abhijānaṃ tathāgato ;

Tiṭṭhantamenaṃ jānāti , vimuttaṃ tapparāyaṇaṃ .

1121.

‘‘ Ākiñcaññasambhavaṃ ñatvā , nandī saṃyojanaṃ iti ;

Evametaṃ abhiññāya , tato tattha vipassati ;

Etaṃ [ evaṃ ( syā . ka .)] ñāṇaṃ tathaṃ tassa , brāhmaṇassa vusīmato ’’ ti .

Posālamāṇavapucchā cuddasamā niṭṭhitā .

15. Mogharājamāṇavapucchā

1122.

‘‘ Dvāhaṃ sakkaṃ apucchissaṃ ,( iccāyasmā mogharājā )

Na me byākāsi cakkhumā ;

Yāvatatiyañca devīsi , byākarotīti me sutaṃ .

1123.

‘‘ Ayaṃ loko paro loko , brahmaloko sadevako ;

Diṭṭhiṃ te nābhijānāti , gotamassa yasassino .

1124.

‘‘ EvaṃV0.245P0.217T0.549 abhikkantadassāviṃ , atthi pañhena āgamaṃ ;

Kathaṃ lokaṃ avekkhantaṃ , maccurājā na passati ’’.

1125.

‘‘ SuññatoM0.448 lokaṃ avekkhassu , mogharāja sadā sato ;

Attānudiṭṭhiṃ ūhacca , evaṃ maccutaro siyā ;

Evaṃ lokaṃ avekkhantaṃ , maccurājā na passatī ’’ ti .

Mogharājamāṇavapucchā pannarasamā niṭṭhitā .

16. Piṅgiyamāṇavapucchā

1126.

‘‘ Jiṇṇohamasmi abalo vītavaṇṇo ,( iccāyasmā piṅgiyo )

Nettā na suddhā savanaṃ na phāsu ;

Māhaṃ nassaṃ momuho antarāva

Ācikkha dhammaṃ yamahaṃ vijaññaṃ ;

Jātijarāya idha vippahānaṃ ’’.

1127.

‘‘ Disvāna rūpesu vihaññamāne ,( piṅgiyāti bhagavā )

Ruppanti rūpesu janā pamattā ;

Tasmā tuvaṃ piṅgiya appamatto ,

Jahassu rūpaṃ apunabbhavāya ’’.

1128.

‘‘ Disā catasso vidisā catasso , uddhaṃT0.550 adho dasa disā imāyo ;

NaP0.218 tuyhaṃ adiṭṭhaṃ asutaṃ amutaṃ [ asutaṃ amutaṃ vā ( sī .), asutāmutaṃ vā ( syā .), asutaṃ ’ mutaṃ vā ( pī .)], atho aviññātaṃ kiñcanamatthi [ kiñci matthi ( syā .), kiñci natthi ( pī .), kiñcinamatthi ( ka .)] loke ;

Ācikkha dhammaṃ yamahaṃ vijaññaṃ , jātijarāya idha vippahānaṃ ’’.

1129.

‘‘ TaṇhādhipanneV0.246 manuje pekkhamāno ,( piṅgiyāti bhagavā )

Santāpajāte jarasā parete ;

Tasmā tuvaṃ piṅgiya appamatto , jahassu taṇhaṃ apunabbhavāyā ’’ ti .

Piṅgiyamāṇavapucchā soḷasamā niṭṭhitā .

Pārāyanatthutigāthā

IdamavocaM0.449 bhagavā magadhesu viharanto pāsāṇake cetiye , paricārakasoḷasānaṃ [ paricārakasoḷasannaṃ ( syā . ka .)] brāhmaṇānaṃ ajjhiṭṭho puṭṭho puṭṭho pañhaṃ [ pañhe ( sī . pī .)] byākāsi .

Ekamekassa cepi pañhassa atthamaññāya dhammamaññāya dhammānudhammaṃ paṭipajjeyya , gaccheyyeva jarāmaraṇassa pāraṃ .

Pāraṅgamanīyā ime dhammāti , tasmā imassa dhammapariyāyassa pārāyananteva [ pārāyaṇaṃtveva ( sī . aṭṭha .)] adhivacanaṃ .

1130.

Ajito tissametteyyo , puṇṇako atha mettagū ;

Dhotako upasīvo ca , nando ca atha hemako .

1131.

Todeyya-kappāP0.219 dubhayo , jatukaṇṇī ca paṇḍito ;

Bhadrāvudho udayo ca , posālo cāpi brāhmaṇo ;

MogharājāT0.551 ca medhāvī , piṅgiyo ca mahāisi .

1132.

Ete buddhaṃ upāgacchuṃ , sampannacaraṇaṃ isiṃ ;

Pucchantā nipuṇe pañhe , buddhaseṭṭhaṃ upāgamuṃ .

1133.

Tesaṃ buddho pabyākāsi , pañhe puṭṭho yathātathaṃ ;

Pañhānaṃ veyyākaraṇena , tosesi brāhmaṇe muni .

1134.

Te tositā cakkhumatā , buddhenādiccabandhunā ;

Brahmacariyamacariṃsu , varapaññassa santike .

1135.

EkamekassaV0.247 pañhassa , yathā buddhena desitaṃ ;

Tathā yo paṭipajjeyya , gacche pāraṃ apārato .

1136.

Apārā pāraṃ gaccheyya , bhāvento maggamuttamaṃ ;

Maggo so pāraṃ gamanāya , tasmā pārāyanaṃ iti .

Pārāyanānugītigāthā

1137.

‘‘ Pārāyanamanugāyissaṃ ,( iccāyasmā piṅgiyo )

Yathāddakkhi tathākkhāsi , vimalo bhūrimedhaso ;

Nikkāmo nibbano [ nibbuto ( syā .)] nāgo , kissa hetu musā bhaṇe .

1138.

‘‘ PahīnamalamohassaM0.450P0.220 , mānamakkhappahāyino ;

Handāhaṃ kittayissāmi , giraṃ vaṇṇūpasañhitaṃ .

1139.

‘‘ Tamonudo buddho samantacakkhu , lokantagū sabbabhavātivatto ;

Anāsavo sabbadukkhapahīno , saccavhayoT0.552 brahme upāsito me .

1140.

‘‘ Dijo yathā kubbanakaṃ pahāya , bahupphalaṃ kānanamāvaseyya ;

Evaṃ pahaṃ appadasse pahāya , mahodadhiṃ haṃsoriva ajjhapatto .

1141.

‘‘ Yeme pubbe viyākaṃsu , huraṃ gotamasāsanā ;

Iccāsi iti bhavissati ;

Sabbaṃ taṃ itihitihaṃ , sabbaṃ taṃ takkavaḍḍhanaṃ .

1142.

‘‘ Eko tamanudāsino , jutimā so pabhaṅkaro ;

Gotamo bhūripaññāṇo , gotamo bhūrimedhaso .

1143.

‘‘ YoP0.221 me dhammamadesesi , sandiṭṭhikamakālikaṃ ;

TaṇhakkhayamanītikaṃT0.553 , yassa natthi upamā kvaci ’’.

1144.

‘‘ KiṃnuV0.248 tamhā vippavasasi , muhuttamapi piṅgiya ;

Gotamā bhūripaññāṇā , gotamā bhūrimedhasā .

1145.

‘‘ Yo te dhammamadesesi , sandiṭṭhikamakālikaṃ ;

Taṇhakkhayamanītikaṃ , yassa natthi upamā kvaci ’’.

1146.

‘‘ Nāhaṃ tamhā vippavasāmi , muhuttamapi brāhmaṇa ;

Gotamā bhūripaññāṇā , gotamā bhūrimedhasā .

1147.

‘‘ Yo me dhammamadesesi , sandiṭṭhikamakālikaṃ ;

Taṇhakkhayamanītikaṃ , yassa natthi upamā kvaci .

1148.

‘‘ PassāmiM0.451 naṃ manasā cakkhunāva , rattindivaṃ brāhmaṇa appamatto ;

Namassamāno vivasemi rattiṃ , teneva maññāmi avippavāsaṃ .

1149.

‘‘ Saddhā ca pīti ca mano sati ca , nāpenti me gotamasāsanamhā ;

Yaṃ yaṃ disaṃ vajati bhūripañño , sa tena teneva natohamasmi .

1150.

‘‘ JiṇṇassaP0.222 me dubbalathāmakassa , teneva kāyo na paleti tattha ;

Saṃkappayantāya [ saṃkappayattāya ( sī .)] vajāmi niccaṃ , mano hi me brāhmaṇa tena yutto .

1151.

‘‘ Paṅke sayāno pariphandamāno , dīpā dīpaṃ upaplaviṃ [ upallaviṃ ( syā . niddesa )];

Athaddasāsiṃ sambuddhaṃ , oghatiṇṇamanāsavaṃ ’’.

1152.

‘‘ Yathā ahū vakkali muttasaddho , bhadrāvudho āḷavi gotamo ca ;

Evameva tvampi pamuñcassu saddhaṃ ,

Gamissasi tvaṃ piṅgiya maccudheyyassa pāraṃ ’’[ maccudheyyapāraṃ ( sī .)].

1153.

‘‘ Esa bhiyyo pasīdāmi , sutvāna munino vaco ;

VivaṭṭacchadoT0.554 sambuddho , akhilo paṭibhānavā .

1154.

‘‘ AdhideveV0.249 abhiññāya , sabbaṃ vedi varovaraṃ [ paro varaṃ ( sī . syā .), paro paraṃ ( niddesa )];

Pañhānantakaro satthā , kaṅkhīnaṃ paṭijānataṃ .

1155.

‘‘ AsaṃhīraṃP0.223 asaṅkuppaṃ , yassa natthi upamā kvaci ;

Addhā gamissāmi na mettha kaṅkhā , evaṃ maṃ dhārehi adhimuttacittan ’’ ti .

Pārāyanavaggo pañcamo niṭṭhito .

Suttuddānaṃ –

UragoM0.452 [ imā uddānagāthāyo sī . pī . potthakesu na santi ] dhaniyopi ca , khaggavisāṇo kasi ca ;

Cundo bhavo punadeva , vasalo ca karaṇīyañca ;

Hemavato atha yakkho , vijayasuttaṃ munisuttavaranti .

Paṭhamakaṭṭhavaro varavaggo , dvādasasuttadharo suvibhatto ;

Desito cakkhumatā vimalena , suyyati vaggavaro uragoti .

Ratanāmagandho hirimaṅgalanāmo , sucilomakapilo ca brāhmaṇadhammo ;

Nāvā [ nātha ( ka .)] kiṃsīlauṭṭhahano ca , rāhuloT0.555 ca punapi vaṅgīso .

Sammāparibbājanīyopi cettha , dhammikasuttavaro suvibhatto ;

Cuddasasuttadharo dutiyamhi , cūḷakavaggavaroti tamāhu .

Pabbajjapadhānasubhāsitanāmo , pūraḷāso punadeva māgho ca ;

Sabhiyaṃ keṇiyameva sallanāmo , vāseṭṭhavaro kālikopi ca .

Nālakasuttavaro suvibhatto , taṃ anupassī tathā punadeva ;

Dvādasasuttadharo tatiyamhi , suyyati vaggavaro mahānāmo .

KāmaguhaṭṭhakaduṭṭhakanāmāV0.250 , suddhavaro paramaṭṭhakanāmo ;

Jarā mettiyavaro suvibhatto , pasūramāgaṇḍiyā purābhedo .

KalahavivādoM0.453 ubho viyuhā ca , tuvaṭakaattadaṇḍasāriputtā ;

Soḷasasuttadharo catutthamhi , aṭṭhakavaggavarotiT0.556 tamāhu .

Magadhe janapade ramaṇīye , desavare katapuññanivese ;

Pāsāṇakacetiyavare suvibhatte , vasi bhagavā gaṇaseṭṭho .

10.

Ubhayavāsamāgatiyamhi [ ubhayaṃ vā puṇṇasamāgataṃ yamhi ( syā .)], dvādasayojaniyā parisāya ;

Soḷasabrāhmaṇānaṃ kira puṭṭho , pucchāya soḷasapañhakammiyā ;

Nippakāsayi dhammamadāsi .

11.

Atthapakāsakabyañjanapuṇṇaṃ , dhammamadesesi parakhemajaniyaṃ [ varaṃ khamanīyaṃ ( ka .)];

Lokahitāya jino dvipadaggo , suttavaraṃ bahudhammavicitraṃ ;

Sabbakilesapamocanahetuṃ , desayi suttavaraṃ dvipadaggo .

12.

Byañjanamatthapadaṃ samayuttaṃ [ byañjanamatthapadasamayuttaṃ ( syā .)], akkharasaññitaopamagāḷhaṃ ;

Lokavicāraṇañāṇapabhaggaṃ , desayi suttavaraṃ dvipadaggo .

13.

RāgamaleT0.557 amalaṃ vimalaggaṃ , dosamale amalaṃ vimalaggaṃ ;

Mohamale amalaṃ vimalaggaṃ , lokavicāraṇañāṇapabhaggaṃ ;

Desayi suttavaraṃ dvipadaggo .

14.

KlesamaleM0.454 amalaṃ vimalaggaṃ , duccaritamale amalaṃ vimalaggaṃ ;

Lokavicāraṇañāṇapabhaggaṃ , desayi suttavaraṃ dvipadaggo .

15.

Āsavabandhanayogākilesaṃ , nīvaraṇāni ca tīṇi malāni ;

Tassa kilesapamocanahetuṃ , desayi suttavaraṃ dvipadaggo .

16.

Nimmalasabbakilesapanūdaṃ , rāgavirāgamanejamasokaṃ ;

Santapaṇītasududdasadhammaṃ , desayiT0.558 suttavaraṃ dvipadaggo .

17.

RāgañcaV0.251 dosakamabhañjitasantaṃ [ dosañca bhañjitasantaṃ ( syā .)], yonicatuggatipañcaviññāṇaṃ ;

Taṇhāratacchadanatāṇalatāpamokkhaṃ [ taṇhātalaratacchedanatāṇapamokkhaṃ ( syā .)], desayi suttavaraṃ dvipadaggo .

18.

Gambhīraduddasasaṇhanipuṇaṃ , paṇḍitavedaniyaṃ nipuṇatthaṃ ;

Lokavicāraṇañāṇapabhaggaṃ , desayi suttavaraṃ dvipadaggo .

19.

Navaṅgakusumamālagīveyyaṃ , indriyajhānavimokkhavibhattaṃ ;

Aṭṭhaṅgamaggadharaṃ varayānaṃ , desayi suttavaraṃ dvipadaggo .

20.

SomupamaṃM0.455 vimalaṃ parisuddhaṃ , aṇṇavamūpamaratanasucittaṃ ;

Pupphasamaṃ ravimūpamatejaṃ , desayi suttavaraṃ dvipadaggo .

21.

Khemasivaṃ sukhasītalasantaṃ , maccutatāṇaparaṃ paramatthaṃ ;

Tassa sunibbutadassanahetuṃ , desayi suttavaraṃ dvipadaggoti .

Suttanipātapāḷi niṭṭhitā .

Issues

Select Version

Suttanipātapāḷi

Suttanipātapāḷi