Mahātaṇhāsaṅkhayasutta
Pucchā – mahātaṇhāsaṅkhayasuttaṃ panāvuso bhagavatā kattha kaṃ ārabbha kismiṃ vatthusmiṃ bhāsitaṃ .
Vissajjanā – sāvatthiyaṃ bhante sātiṃ bhikkhuṃ kevaṭṭaputtaṃ ārabbha bhāsitaṃ .
Sātissa bhante bhikkhuno kevaṭṭaputtassa evarūpaṃ pāpakaṃ diṭṭhigataṃ uppannaṃ hoti ‘‘ tathāhaṃ bhagavatā dhammaṃ desitaṃ ājānāmi , yathā tadevidaṃ viññāṇaṃ sandhāvati
M1.135 saṃsarati anaññan ’’ ti .Tasmiṃ bhante vatthusmiṃ bhāsitaṃ .
Pucchā – atha
M1.136 kho āvuso bhagavā kathaṃ bhikkhū āmantetvā ca paṭipucchitvā ca anattabhāvadīpikaṃ dhammakathaṃ kathesi .Vissajjanā – atha bhante bhagavā bhikkhū ‘‘ taṃ kiṃ maññatha bhikkhave , apināyaṃ sāti bhikkhu kevaṭṭaputto usmīkatopi ismiṃ dhammavinaye ’’ ti āmantetvā , tumhepi me bhikkhave evaṃ dhammaṃ desitaṃ ājānāthatyādinā bhikkhū paṭipucchitvā ca yaṃ yadeva bhikkhave paccayaṃ paṭicca uppajjati viññāṇaṃ , tena teneva viññāṇaṃ tveva saṅkhyaṃ gacchati , cakkhuñca paṭicca rūpe
M1.137 ca uppajjati viññāṇaṃ cakkhuviññāṇaṃ tveva saṅkhyaṃ gacchati , evamādinā bhante anattatādīpikaṃ dhammiṃ kathaṃ kathesi .