Māgaṇḍiyasutta
Pucchā – māgaṇḍiyasuttaṃ
M2.33 panāvuso bhagavatā kattha kaṃ ārabbha kismiṃ vatthusmiṃ bhāsitaṃ .Vissajjanā – kurūsu bhante kammāsadhamme nāma kurūnaṃ nigame bhāradvāja gottassa brāhmaṇassa agyāgāre tiṇasanthārake māgaṇḍiyaṃ paribbājakaṃ ārabbha bhāsitaṃ .
Māgaṇḍiyo bhante paribbājako bhagavantaṃ ‘‘ bhūnahu samaṇo gotamo ’’ ti vadesi , tasmiṃ bhante vaṭṭhusmiṃ bhāsitaṃ .
Pucchā – kathañcāvuso
M2.36 bhagavā tattha māgaṇḍiyassa paribbājakassa samanuyuñjitvā samanuyuñjitvā dhammaṃ desesi .Vissajjanā –
‘‘ cakkhuṃ kho māgaṇḍiya rūpārataṃ rūpasammuditaṃ , taṃ tathāgatassa dantaṃ guttaṃ rakkhitaṃ saṃvutaṃ , tassa ca saṃvarāya dhammaṃ desetī ’’ ti evamādinā bhante tattha bhagavā māgaṇḍiyassa paribbājakassa samanuyuñjitvā samanuyuñjitvā dhammaṃ desesi .
Pucchā – evaṃ
M2.39 kho āvuso māgaṇḍiyena paribbājakena ‘‘ nakiñci bho gotamā ’’ ti yathābhūtaṃ paṭissute kathaṃ bhagavā attanopi na kiñci kenacipi vattabbataṃ pakāsesi .Vissajjanā – evaṃ kho bhante māgaṇḍiyena paribbājakena nakiñci bhogotamāti yathābhūtaṃ paṭissute ‘‘ ahaṃ kho pana māgaṇḍiya pubbe agāriyabhūto samāno pañcahi kāmaguṇehi samappito samaṅgībhūto paricāresiṃ cakkhuviññeyyahi rūpehi iṭṭhehi manāpehi piyarūpehi kāmūpasaṃhitehi rajanīyehī ’’ ti evamādinā bhagavā attanopi na kiñci kenacipi vattabbataṃ pakāsesi .
Pucchā – imasmiṃ
M2.42 sutte pariyosānapucchaṃ pucchissāmi imañca panāvuso dhammadesanaṃ sutvā māgaṇḍiyo paribbājako imasmiṃ dhammavinaye pasanno hutvā kīdisaṃ pasannākāramakāsi .Vissajjanā – imaṃ
M2.43 ca pana bhante dhammadesanaṃ sutvā māgaṇḍiyo paribbājako ‘ abhikkantaṃ bho gotama abhikkantaṃ bho gotamā ’’ ti evamādinā imasmiṃ dhammavinaye pasanno pasannākāramakāsi .