Ānāpānassatisutta
Pucchā – ānāpānassatisuttaṃ
M2.197 panāvuso bhagavatā kattha kaṃ ārabbha kismiṃ vatthusmiṃ bhāsitaṃ .Vissajjanā – sāvatthiyaṃ bhante sambahule bhikkhū ārabbha bhāsitaṃ , therā bhante bhikkhū nave bhikkhū ovadanti anusāsanti , appekacce therā bhikkhū dasapi bhikkhū ovadanti anusāsanti , appekacce therā bhikkhū vīsampi bhikkhū ovadanti anusāsanti , appekacce therā bhikkhū tiṃsampi bhikkhū ovadanti anusāsanti , appekacce therā bhikkhū cattārīsampi bhikkhū ovadanti anusāsanti , te ca bhante navā bhikkhū therehi bhikkhūhi ovadiyamānā anusāsiyamānā uḷāraṃ pubbenāparaṃ visesaṃ jānanti , tasmiṃ bhante vatthusmiṃ bhāsitaṃ .