အရူပသဟဂတာနန္တိ၊ ကား။ ရူပတော၊ ကသိုဏ်းရုပ်မှ။

ရူပတော အညံ န ရူပံ။ ။ အရူပသဟဂတာနံ၌ အရူပံကို "န+ ရူပံ" ဟု ဝစနတ္ထ ပြုရသော်လည်း အ-သဒ္ဒါသည် ပဋိသေဓအနက်မျှကို မဟော။ အည- အနက် အပိုအလွန် ပါသော ပဋိသေဓ အနက်ဟောတည်း။ ထို့ကြောင့် "ရူပတော အညံ" ဟု အဓိပ္ပါယတ္ထကို ပြသည်။ ဝစနတ္ထမှာ "န+ရူပံ" ပင်တည်း။ ဤသို့ အနက်မယူပဲ "န+ရူပံ- ရုပ် မဟုတ်" ဟု ပဋိသေဓ သာမညအနက်ကို ယူလိုက်လျှင် နာမ်ခန္ဓာလေးပါး နိဗ္ဗာန်တရာတို့ကို အရကောက် ရလိမ့်မည်။ ဤနေရာ၌ကား ကသိုဏ်းရုပ် အာရုံမှ တမျိုးတခြားသော ကောင်းကင်ပညတ် စသော အာရုံကို အရကောက်ရမည်ဖြစ်သောကြောင့် "အ" အတွက် အညအနက်, အပို အလွန် ပါသော ပဋိသေဓ- အနက်ကို ယူရသည်။

အနုဋီကာ။ ။ ရူပတော အညံ န ရူပန္တိ တတ္ထ ရူပပဋိဘာဂံ (ကသိုဏ်းရုပ်နှင့် အသားတူ ပဋိဘာဂ နိမိတ်ဖြစ်သော) ကသိဏရူပါဒိ (ကို) ရူပသဒ္ဒေန ဂဟိတန္တိ တဒညံ (ထို ကသိုဏ်းရုပ် အစရှိသည်မှ တပါးသော) ပဌမ တတိယရုပ္ပဝိသယမတ္တံ အရူပက္ခန္ဓ နိဗ္ဗာနဝိနိမုတ္တံ (နာမ်ခန္ဓာလေးပါး နိဗ္ဗာန်တရားမှ လွတ်သော ပဌမာရုပ္ပအာရုံ တတိယာရုပ္ပအာရုံမျှကို) အရူပသဒ္ဒေန ဂဟိတံ ဒဋ္ဌဗ္ဗံ။

အညံ၊ တပါးသော ကောင်းကင် ပညတ် အစရှိသော အာရုံသည်။ [အရူပ- ၌စပ်။] ရူပံ၊ ကသိုဏ်းရုပ်သည်။ န၊ မဟုတ်။ ဣတိ၊ ဤ ဝစနတ္ထကြောင့်။ အရူပံ၊ အရူပ မည်၏။

ပန၊ အဟုတ်ကား။ ဧသ (ဧသော)၊ ဤ သမာပတ်တရားသည်။ နာဂရိကစောက္ခဓမ္မော၊ မြို့ကြီးသူ, မြို့ကြီးသားတို့၏ သန့်ရှင်းသော သဘောတရားနှင့်တူသည်။

နာဂရိကစောက္ခဓမ္မော။ ။ စောက္ခ- သဒ္ဒါသည် သန့်ရှင်းစင်ကြယ်ခြင်း အနက်ကို ဟော၏။ "အစောက္ခံ စောက္ခသင်္ခါတံ၊ အသုစိ သုစိသမ္မတံ" စသော ပါဠိတော်ကို ကြည့်ပါ။ နာဂရိကာနံ+ စောက္ခဓမ္မော၊ မြို့ကြီးသူ မြို့ကြီးသားတို့၏ သန့်ရှင်းစင်ကြယ်သော သဘောသည် အနည်းငယ် သော အကြောင်းကြောင့် ပျက်တတ်သသကဲ့သို့ ထို့အတူ မွန်မြတ်သော ဤ သမာပတ် တရားသဘောသည်လည်း အနည်းငယ်သော အကြောင်းကြောင့် ပျက်စီးတတ်၏- ဟူလို။ ထို့ကြောင့် "အပ္ပမတ္တကေနပိ ကိစ္စကရဏီယေန ဝါ ဝတ္တဘောဒမတ္တကေန ဝါ နဿတိ" ဟု မိန့်သည်။

မူကွဲပါဌ်။ ။ "နားရိကစောက္ခဓမ္မော" ဟု ရှေးမူဟောင်းရှိ၏။ ပြင်ထားအပ် သော စာအုပ်များ၌ "န ဂရုကမောက္ခဓမ္မော" ဟု ရှိသည်။ ဤ ပြင်ထားအပ်သော ပါဠိသည် "န" ဟူသော ပဋိသေဓတပုဒ်, "ဂရုကမောက္ခဓမ္မော" တပုဒ် ဤ ၂ ပုဒ်နောက် "ပနေသ" ဟု ရှိခြင်းကြောင့် စာသွားထုံးစံမကျပါ၊ စာသွားထုံးစံမှာ "န ပနေသ" ဟု ဆက်၍ နေရ၏။ "ဂရုကမောက္ခဓမ္မော"ဟူသော ပါဠိအသုံးလည်း ပိဋကတ်၌ ရှိတတ်သော ပါဠိမဟုတ်။ "ဂရုကဓမ္မ မောက္ခဓမ္မ" ဟုသာ သုံးစွဲရိုးဖြစ်ပါသည်။ ထို့ပြင် တတြိဒံ ဝတ္ထု၌ န နဿတိနှင့် လျော်အောင် သမာပတ် မပျက်ပုံကို မပြ။ "သော အပ္ပေတုံ အသေက္ကောန္တော (ပေ) တတ္တဘေဒေါ နူခေါ အတ္ထိ" ဟု သမာပတ်ပျက်ပုံကိုသာ ပြပါသည်။ ထို့ကြောင့် ပဌမ န နှင့်တွဲ၍ နဿတိဟု အနက်ပေးရခြင်းလည်း နောက်ဝတ္ထုနှင့် မလျော်ပါ။ သို့ဖြစ်၍ ရှေးမူဟောင်းပါဌ်သာ ကောင်းသည်ဟု မှတ်ပါ။

(ဟုတွာ၊ ၍။) အပ္ပမတ္တကေနပိ၊ အနည်းငယ်သော အတိုင်းအရှည် ရှိသည်လည်း ဖြစ်သော။ ဝါ၊ အနည်းငယ်မျှလည်း ဖြစ်သော။ ကိစ္စကရဏီယေန ဝါ၊ ပြုဖွယ်ကိစ္စကြောင့် သော်၎င်း။ ဝတ္တဘေဒေ မတ္တကေနဝါ၊ ဝတ်ပျက်ခြင်းမျှကြောင့် သော်၎င်း။ နဿတိ၊ ပျောက်ပျက်တတ်၏။

ဟိ၊ မှန်။

အယံ ဟိ (ပေ) ဝိမုတ္တော။ ။ "ဒွိဟ ဘာဂေဟိဒွေ ဝါရ‌" တို့သည် ဥဘတော ဘာဂ ပုဒ်၏ အဖွင့်တည်း။ ထိုတွင် "ဒွိဟိ ဘာဂေဟိ" ဟူသည် အရူပသမာပတ်အမဖို့, မဂ်အဖို့တည်း။ အရူပသမာပတ်ကို ရသောအခါရူပကာယမှ တကြိမ်လွတ်၏။ မဂ်ကို ရသောအခါ ကိသေသာ ဟူသော နာမကာယမှ တကြိမ် လွတ်၏။ ဤသို့ ၂ ပါးသော အဖို့တို့ဖြင့် နှစ်ကြိမ်တိုင်တိုင် ကိလေသာတို့မှ လွတ်သောကြော်င့ "ဥဘတောဘာဂ ဝိမုတ္တ" ဟူသော အမည်ကို ရသည်။ ဤအဓိပ္ပာယ် အရ" ဥဘတော ဥဘတော ဘာဂါစ ဥဘတော ဘာဂါ" ဟု ဧကဒေသသရူပေကသေသ် ပြု။ "ဥဘတော ဘာဂေဟိ၊ ၂ ကြိမ် အားဖြင့် ၂ ပါးသော အဖို့တို့ဖြင့် + ဝိမုတ္တော ဥဘတော ဘာဂဝိမုတ္တော" ဟု ပြုပါ။

ဋီကာ။ ။ ဥဘတော၊ ဥဘယထာ ၂ ပါးစုံသော အခြင်းအရာအားဖြင့် (၂ ကြိမ်တိုင်တိုင် ဟူလို)။ ဥဘောဟိ ဘာဂေဟိ +ဝိမုတ္တောတိ ဥဘတော ဘာဂဝိမုတ္တာ၊ ဧကဒေသသရူပေကဒေသ နယေန (ဥဘတော တပုဒ်ကို ချေ၍ ဥဘတောဘဂ) တစိတ်ကြွင်းသော နည်းဖြင့်။ ဥဘတော ဘာဂဝိမုတ္တ မည်၏။ [မဇ္ဈိမပဏ္ဏာသ, ဘိက္ခဝဂ္ဂ, ကိဋာဂိရိသုတ် အဖွင့်။]

အယံ၊ ဤ ပုဂ္ဂိုလ်သည်။ ဒွီဟိ၊ ၂ ပါးလည်း ကုန်သော။ ဘာဂေဟိ၊ ဝိက္ခမ္ဘနအဖို့, သမုစ္ဆေဒ အဖို့တို့ဖြင့်။ ဒွေ ဝါရေ၊ နှစ်ကြိမ်တို့ တိုင်တိုင်။ ဝိမုတ္တော၊ ကိလေသာတို့မှ လွတ်ပြီ။ ဣတိ၊ ကြောင့်။ ဥဘတော ဘာဂဝိမုတ္တော၊ ဥဘတော ဘာဂဝိမုတ္တ ပုဂ္ဂိုလ်မည်၏။ ဝါ၊ ၂ ပါးသော ဝိက္ခမ္ဘနအဖို့, သမုစ္ဆေဒ အဖို့ တို့ဖြင့် နှစ်ကြိမ် ကိလေသာတို့မှ လွတ်ပြိး ပုဂ္ဂိုလ် မည်၏။

(ကိံ)၊ သမာပတ္တိယာ၊ ဈာန်သမာပတ်ဖြင့်။ `သမာပတ္တိယာ ဝိက္ခမ္ဘနဝိမောက္ခေန**။ ။ ဈာန်သမာပတ်သည် နီဝရဏ ကိလေ သာတို့ကို ဝိက္ခမ္ဘနမဟာန် အားဖြင့် ပယ်ခွါနိုင်၏။ ထို့ကြောင့် သမာပတ္တိယာ ကို ဝိက္ခမ္ဘနဝိမောက္ခေန ၌ စပ်ပါ။ ဝိက္ခမ္ဘနအားဖြင့် ပယ်ခွါဟူသည် ရူပကာယကို ပယ်ခွါခြင်းမဟုတ်, ကိလေသာတို့ကို ပယ်ခွါခြင်းတည်း။ ထို့ကြောင့် "ဝိမောက္ခ" ဟူသည်လည်း ကိလေသာတို့မှ လွတ်ခြင်းပင် တည်း။ ဤ ဝိက္ခမ္ဘနဝိမောက္ခေနသည် ဝိမုတ္တော၏ သရူပက္ချာဝိသေသန ဖြစ်ရကား "ဝိမုတ္တော" အရ ကိလေသာတို့မှ လွတ်ခြင်း ကို ယူရသည်။ မဂ္ဂေန သမုစ္ဆေဒ ဝိမောက္ခေန ၌လည်း ဤနည်းကို မှီပါ။

ဋီကာ။ ။ ပဌမတ္ထေရဝါဒ ဒွီဟိ ဘာဂေဟိ ဝိမုတ္တော ဥဘတောဘာဂ ဝိမုတ္တော၊ တတ္ထ ဝိမုတ္တောတိ ကိလေသေဟိ ဝိမုတ္တော။ ဤ ဋီကာ အရ ဝိက္ခမ္ဘန ဝိမောဥ္ခ, သမုစ္ဆေဒ ဝိမောက္ခ ၂ ဖို့ကို" ဥဘတော ဘာဂေဟိ" ဟုမှတ်ပါ။ ဝိက္ခမ္ဘန ဝိမောက္ခ အားဖြင့် တကြိမ်, သမုစ္ဆေဒဝိမောက္ခ အားဖြင့် တကြိမ်ကို "ဒွေ ဝါရေ" ဟု မှတ်ပါ။ (အာဟ၊ ပြီ)။