Bhikkhunīupasampadānujānanaṃ

Author： _System_Pali_VRI_ @ Administrator

Bhikkhunīupasampadānujānanaṃ

404. Atha kho mahāpajāpati gotamī yena bhagavā tenupasaṅkami , upasaṅkamitvā bhagavantaṃ abhivādetvā ekamantaṃ aṭṭhāsi .

Ekamantaṃ ṭhitāT2.328 kho mahāpajāpatī gotamī bhagavantaṃ etadavoca –

‘‘ kathāhaṃ , bhante , imāsu sākiyānīsuP2.257 paṭipajjāmī ’’ ti ?

Atha kho bhagavā mahāpajāpatiṃ gotamiṃ dhammiyā kathāya sandassesi samādapesi samuttejesi sampahaṃsesi .

Atha kho mahāpajāpati gotamī bhagavatā dhammiyā kathāya sandassitā samādapitā samuttejitā sampahaṃsitā bhagavantaṃ abhivādetvā padakkhiṇaṃ katvā pakkāmi .

Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi –

‘‘ anujānāmi , bhikkhave , bhikkhūhi bhikkhuniyo upasampādetun ’’ ti .

Atha kho tā bhikkhuniyo mahāpajāpatiṃ gotamiṃ etadavocuṃ –

‘‘ ayyā anupasampannā , mayañcamhā upasampannā ;

evañhi bhagavatā paññattaṃ bhikkhūhi bhikkhuniyo upasampādetabbā ’’ ti .

Atha kho mahāpajāpati gotamīM0.448 yenāyasmā ānando tenupasaṅkami , upasaṅkamitvāV0.421 āyasmantaṃ ānandaṃ abhivādetvā ekamantaṃ aṭṭhāsi .

Ekamantaṃ ṭhitā kho mahāpajāpati gotamī āyasmantaṃ ānandaṃ etadavoca –

‘‘ imā maṃ , bhante ānanda , bhikkhuniyo evamāhaṃsu –

‘ ayyā anupasampannā , mayañcamhā upasampannā ;

evañhi bhagavatā paññattaṃ bhikkhūhi bhikkhuniyo upasampādetabbā ’’’ ti .

Atha kho āyasmā ānando yena bhagavā tenupasaṅkami , upasaṅkamitvā bhagavantaṃ abhivādetvā ekamantaṃ nisīdi .

Ekamantaṃ nisinno kho āyasmā ānando bhagavantaṃT2.329 etadavoca –

‘‘ mahāpajāpati , bhante , gotamī evamāha –

‘ imā maṃ , bhante ānanda , bhikkhuniyo evamāhaṃsu – ayyā anupasampannā , mayañcamhā upasampannā ;

evañhi bhagavatā paññattaṃ bhikkhūhi bhikkhuniyo upasampādetabbā ’’’ ti .

‘‘ Yadaggena , ānanda , mahāpajāpatiyā gotamiyā aṭṭha garudhammā paṭiggahitā , tadeva sā [ tadevassā ( ka .)] upasampannā ’’ ti .

405. Atha kho mahāpajāpati gotamī yenāyasmā ānando tenupasaṅkami , upasaṅkamitvā āyasmantaṃ ānandaṃ abhivādetvā ekamantaṃ aṭṭhāsi .

Ekamantaṃ ṭhitā kho mahāpajāpati gotamī āyasmantaṃ ānandaṃ etadavoca –

‘‘ ekāhaṃ , bhante ānanda , bhagavantaṃ varaṃ yācāmi .

Sādhu , bhante , bhagavā anujāneyya bhikkhūnañca bhikkhunīnañca yathāvuḍḍhaṃ abhivādanaṃ paccuṭṭhānaṃ añjalikammaṃ sāmīcikamman ’’ ti .

Atha kho āyasmā ānando yena bhagavā tenupasaṅkami , upasaṅkamitvā bhagavantaṃ abhivādetvā ekamantaṃ nisīdi .

Ekamantaṃ nisinno kho āyasmā ānando bhagavantaṃ etadavoca –

‘‘ mahāpajāpati , bhante , gotamī evamāha –

‘ ekāhaṃ , bhante ānanda , bhagavantaṃ varaṃ yācāmi .

Sādhu , bhante , bhagavā anujāneyya bhikkhūnañca bhikkhunīnañca yathāvuḍḍhaṃ abhivādanaṃ paccuṭṭhānaṃ añjalikammaṃ sāmīcikamman ’’’ ti .

‘‘ Aṭṭhānametaṃ , ānanda , anavakāsoP2.258 , yaṃ tathāgato anujāneyya mātugāmassa abhivādanaṃ paccuṭṭhānaṃ añjalikammaṃ sāmīcikammaṃ .

Imehi nāma , ānanda , aññatitthiyā durakkhātadhammā mātugāmassa abhivādanaṃT2.330 paccuṭṭhānaṃ añjalikammaṃM0.449 sāmīcikammaṃ na karissantiV0.422 ;

kimaṅgaṃ pana tathāgato anujānissati mātugāmassa abhivādanaṃ paccuṭṭhānaṃ añjalikammaṃ sāmīcikamman ’’ ti ?

Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi –

‘‘ na , bhikkhave , mātugāmassa abhivādanaṃ paccuṭṭhānaṃ añjalikammaṃ sāmīcikammaṃ kātabbaṃ .

Yo kareyya , āpatti dukkaṭassā ’’ ti .

Atha kho mahāpajāpati gotamī yena bhagavā tenupasaṅkami , upasaṅkamitvā bhagavantaṃ abhivādetvā ekamantaṃ aṭṭhāsi .

Ekamantaṃ ṭhitā kho mahāpajāpati gotamī bhagavantaṃ etadavoca –

‘‘ yāni tāni , bhante , bhikkhunīnaṃ sikkhāpadāni bhikkhūhi sādhāraṇāni , kathaṃ mayaṃ , bhante , tesu sikkhāpadesu paṭipajjāmā ’’ ti ?

‘‘ Yāni tāni , gotami , bhikkhunīnaṃ sikkhāpadāni bhikkhūhi sādhāraṇāni , yathā bhikkhū sikkhanti tathā tesu sikkhāpadesu sikkhathā ’’ ti .

‘‘ Yāni pana tāni , bhante , bhikkhunīnaṃ sikkhāpadāni bhikkhūhi asādhāraṇāni , kathaṃ mayaṃ , bhante , tesu sikkhāpadesu paṭipajjāmā ’’ ti ?

‘‘ Yāni tāni , gotami , bhikkhunīnaṃ sikkhāpadāni bhikkhūhi asādhāraṇāni , yathāpaññattesu sikkhāpadesu sikkhathā ’’ ti .

406.[ a . ni .8.53] Atha kho mahāpajāpati gotamī yena bhagavā tenupasaṅkami , upasaṅkamitvā bhagavantaṃ abhivādetvā ekamantaṃ aṭṭhāsi .

Ekamantaṃ ṭhitā kho mahāpajāpati gotamī bhagavantaṃ etadavoca –

‘‘ sādhu me , bhante , bhagavā saṃkhittena dhammaṃ desetu , yamahaṃ bhagavato dhammaṃT2.331 sutvā ekā vūpakaṭṭhā appamattā ātāpinī pahitattā vihareyyan ’’ ti .

‘‘ Ye kho tvaṃ , gotami , dhamme jāneyyāsi – ime dhammā sarāgāya saṃvattanti no virāgāya , saññogāya saṃvattanti no visaññogāya , ācayāya saṃvattanti no apacayāya , mahicchatāya saṃvattanti no appicchatāya , asantuṭṭhiyā saṃvattanti no santuṭṭhiyā , saṅgaṇikāya saṃvattanti no pavivekāya , kosajjāya saṃvattanti no vīriyārambhāya , dubbharatāyaP2.259 saṃvattanti no subharatāya ;

ekaṃsena , gotami , dhāreyyāsi – neso dhammo , neso vinayo , netaṃ satthusāsananti .

Ye ca kho tvaṃ , gotami , dhamme jāneyyāsi – ime dhammā virāgāya saṃvattanti no sarāgāya , visaññogāya saṃvattanti no saññogāya , apacayāya saṃvattanti no ācayāya , appicchatāya saṃvattanti noM0.450 mahicchatāya , santuṭṭhiyā saṃvattanti no asantuṭṭhiyā , pavivekāya saṃvattanti no saṅgaṇikāya , vīriyārambhāyaV0.423 saṃvattanti no kosajjāya , subharatāya saṃvattanti no dubbharatāya ;

ekaṃsena , gotami , dhāreyyāsi – eso dhammo , eso vinayo , etaṃ satthusāsanan ’’ ti .

407. Tena kho pana samayena bhikkhunīnaṃ pātimokkhaṃ na uddisīyati .

Bhagavato etamatthaṃ ārocesuṃ … pe …T2.332 ‘‘ anujānāmi , bhikkhave , bhikkhunīnaṃ pātimokkhaṃ uddisitun ’’ ti .

Atha kho bhikkhūnaṃ etadahosi –

‘‘ kena nu kho bhikkhunīnaṃ pātimokkhaṃ uddisitabban ’’ ti ?

Bhagavato etamatthaṃ ārocesuṃ .

‘‘ Anujānāmi , bhikkhave , bhikkhūhi bhikkhunīnaṃ pātimokkhaṃ uddisitun ’’ ti .

Tena kho pana samayena bhikkhū bhikkhunupassayaṃ upasaṅkamitvā bhikkhunīnaṃ pātimokkhaṃ uddisanti .

Manussā ujjhāyanti khiyyanti vipācenti –

‘‘ jāyāyo imā imesaṃ , jāriyo imā imesaṃ , idāni ime imāhi saddhiṃ abhiramissantī ’’ ti !

Bhagavato etamatthaṃ ārocesuṃ .

‘‘ Na , bhikkhave , bhikkhūhi bhikkhunīnaṃ pātimokkhaṃ uddisitabbaṃ .

Yo uddiseyya , āpatti dukkaṭassa .

Anujānāmi , bhikkhave , bhikkhunīhi bhikkhunīnaṃ pātimokkhaṃ uddisitun ’’ ti .

Bhikkhuniyo na jānanti –

‘‘ evaṃ pātimokkhaṃ uddisitabban ’’ ti .

Bhagavato etamatthaṃ ārocesuṃ .

‘‘ Anujānāmi , bhikkhave , bhikkhūhi bhikkhunīnaṃ ācikkhituṃ –

‘ evaṃ pātimokkhaṃ uddiseyyāthā ’’’ ti .

408. Tena kho pana samayena bhikkhuniyo āpattiṃ na paṭikaronti .

Bhagavato etamatthaṃ ārocesuṃ .

‘‘ Na , bhikkhave , bhikkhuniyā āpatti na paṭikātabbā .

Yā na paṭikareyya , āpatti dukkaṭassā ’’ ti .

Bhikkhuniyo na jānanti –

‘‘ evaṃ āpatti paṭikātabbā ’’ tiT2.333 .

Bhagavato etamatthaṃ ārocesuṃ .

‘‘ Anujānāmi , bhikkhave , bhikkhūhi bhikkhunīnaṃ ācikkhituṃ –

‘ evaṃ āpattiṃ paṭikareyyāthā ’’’ ti .

AthaP2.260 kho bhikkhūnaṃ etadahosi –

‘‘ kena nu kho bhikkhunīnaṃ āpatti paṭiggahetabbā ’’ ti ?

Bhagavato etamatthaṃ ārocesuṃ .

‘‘ Anujānāmi , bhikkhave , bhikkhūhi bhikkhunīnaṃ āpattiṃ paṭiggahetun ’’ ti .

Tena kho pana samayena bhikkhuniyo rathikāyapi byūhepi siṅghāṭakepi bhikkhuṃ passitvā pattaṃ bhūmiyaṃ nikkhipitvā ekaṃsaṃ uttarāsaṅgaṃ karitvā ukkuṭikaṃM0.451 nisīditvā añjaliṃ paggahetvā āpattiṃ paṭikaronti .

Manussā ujjhāyanti khiyyanti vipācenti –

‘‘ jāyāyo imā imesaṃ , jāriyo imā imesaṃ , rattiṃ vimānetvā idāni khamāpentī ’’ ti .

Bhagavato etamatthaṃ ārocesuṃV0.424 .

‘‘ Na , bhikkhave , bhikkhūhi bhikkhunīnaṃ āpatti paṭiggahetabbā .

Yo paṭiggaṇheyya , āpatti dukkaṭassa .

Anujānāmi , bhikkhave , bhikkhunīhi bhikkhunīnaṃ āpattiṃ paṭiggahetun ’’ ti .

Bhikkhuniyo na jānanti –

‘‘ evaṃ āpatti paṭiggahetabbā ’’ ti .

Bhagavato etamatthaṃ ārocesuṃ .

‘‘ Anujānāmi , bhikkhave , bhikkhūhi bhikkhunīnaṃ ācikkhituṃ –

‘ evaṃ āpattiṃ paṭiggaṇheyyāthā ’’’ ti .

409. Tena kho pana samayena bhikkhunīnaṃ kammaṃ na kariyatiT2.334 .

Bhagavato etamatthaṃ ārocesuṃ .

‘‘ Anujānāmi , bhikkhave , bhikkhunīnaṃ kammaṃ kātun ’’ ti .

Atha kho bhikkhūnaṃ etadahosi –

‘‘ kena nu kho bhikkhunīnaṃ kammaṃ kātabban ’’ ti ?

Bhagavato etamatthaṃ ārocesuṃ .

‘‘ Anujānāmi , bhikkhave , bhikkhūhi bhikkhunīnaṃ kammaṃ kātun ’’ ti .

Tena kho pana samayena katakammā bhikkhuniyo rathikāyapi byūhepi siṅghāṭakepi bhikkhuṃ passitvā pattaṃ bhūmiyaṃ nikkhipitvā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā khamāpenti ‘ evaṃ nūna kātabban ’ ti maññamānā .

Manussā tatheva ujjhāyanti khiyyanti vipācenti –

‘‘ jāyāyo imā imesaṃ , jāriyo imā imesaṃ , rattiṃ vimānetvā idāni khamāpentī ’’ ti .

Bhagavato etamatthaṃ ārocesuṃ .

‘‘ Na , bhikkhave , bhikkhūhi bhikkhunīnaṃ kammaṃ kātabbaṃ .

Yo kareyya , āpatti dukkaṭassa .

Anujānāmi , bhikkhave , bhikkhunīhi bhikkhunīnaṃ kammaṃ kātun ’’ ti .

Bhikkhuniyo na jānanti –

‘‘ evaṃ kammaṃ kātabban ’’ ti .

Bhagavato etamatthaṃ ārocesuṃ .

‘‘ Anujānāmi , bhikkhave , bhikkhūhi bhikkhunīnaṃ ācikkhituṃ –

‘ evaṃ kammaṃ kareyyāthā ’’’ ti .

410. Tena kho pana samayena bhikkhuniyo saṅghamajjhe bhaṇḍanajātāP2.261 kalahajātā vivādāpannā aññamaññaṃ mukhasattīhi vitudantā viharanti .

Na sakkonti taṃ adhikaraṇaṃ vūpasametuṃ .

BhagavatoT2.335 etamatthaṃ ārocesuṃ .

‘‘ Anujānāmi , bhikkhave , bhikkhūhi bhikkhunīnaṃ adhikaraṇaṃ vūpasametun ’’ ti .

TenaM0.452 kho pana samayena bhikkhū bhikkhunīnaṃ adhikaraṇaṃ vūpasamenti .

Tasmiṃ kho pana adhikaraṇe vinicchiyamāne dissanti bhikkhuniyo kammappattāyopi āpattigāminiyopi .

Bhikkhuniyo evamāhaṃsu –

‘‘ sādhu , bhante , ayyāva bhikkhunīnaṃ kammaṃ karontu , ayyāva bhikkhunīnaṃ āpattiṃ paṭiggaṇhantu ;

evañhi bhagavatā paññattaṃ bhikkhūhi bhikkhunīnaṃ adhikaraṇaṃV0.425 vūpasametabban ’’ ti .

Bhagavato etamatthaṃ ārocesuṃ .

‘‘ Anujānāmi , bhikkhave , bhikkhūhi bhikkhunīnaṃ kammaṃ āropetvā bhikkhunīnaṃ niyyādetuṃ – bhikkhunīhi bhikkhunīnaṃ kammaṃ kātuṃ , bhikkhūhi bhikkhunīnaṃ āpattiṃ āropetvā bhikkhunīnaṃ niyyādetuṃ , bhikkhunīhi bhikkhunīnaṃ āpattiṃ paṭiggahetun ’’ ti .

Tena kho pana samayena uppalavaṇṇāya bhikkhuniyā antevāsinī bhikkhunī satta vassāni bhagavantaṃ anubandhā hoti vinayaṃ pariyāpuṇantī .

Tassā muṭṭhassatiniyā gahito gahito mussati .

Assosi kho sā bhikkhunī –

‘‘ bhagavā kira sāvatthiṃ gantukāmo ’’ ti .

Atha kho tassā bhikkhuniyā etadahosi –

‘‘ ahaṃ kho satta vassāni bhagavantaṃ anubandhiṃ vinayaṃ pariyāpuṇantī .

Tassā me muṭṭhassatiniyā gahito gahito mussati .

Dukkaraṃ kho pana mātugāmena yāvajīvaṃ satthāraṃT2.336 anubandhituṃ .

Kathaṃ nu kho mayā paṭipajjitabban ’’ ti ?

Atha kho sā bhikkhunī bhikkhunīnaṃ etamatthaṃ ārocesi .

Bhikkhuniyo bhikkhūnaṃ etamatthaṃ ārocesuṃ .

Bhikkhū bhagavato etamatthaṃ ārocesuṃ .

‘‘ Anujānāmi , bhikkhave , bhikkhūhi bhikkhunīnaṃ vinayaṃ vācetun ’’ ti .

Paṭhamabhāṇavāro niṭṭhito .

Issues

Select Version

Cūḷavaggapāḷi

Cūḷavaggapāḷi