Paṭhamanissaggiyapācittiyasikkhāpadavaṇṇanā
Tiṃsa
M0.190V0.179 nissaggiyā dhammā , bhikkhunīnaṃ pakāsitā ;Ye tesaṃ dāni bhavati , ayaṃ saṃvaṇṇanākkamo .
733. Āmattikāpaṇan ti amattāni vuccanti bhājanāni ;
tāni ye vikkiṇanti , te vuccanti āmattikā ;
tesaṃ āpaṇo āmattikāpaṇo ;
taṃ vā pasāressantīti attho .
734. Pattasannicayaṃ kareyyāti pattasannidhiṃ kareyya ;
ekāhaṃ anadhiṭṭhahitvā vā avikappetvā vā pattaṃ ṭhapeyyāti attho .
Sesaṃ mahāvibhaṅge vuttanayeneva veditabbaṃ .
Ayameva hi viseso – tattha dasāhaṃ parihāro , idha ekāhampi natthi .
Sesaṃ tādisameva .
Idampi kathinasamuṭṭhānaṃ – kāyavācato kāyavācācittato ca samuṭṭhāti , akiriyaṃ , nosaññāvimokkhaṃ , acittakaṃ , paṇṇattivajjaṃ , kāyakammaṃ , vacīkammaṃ , ticittaṃ , tivedananti .
Paṭhamasikkhāpadaṃ .