10. Kappamāṇavapucchā
117.
‘‘ Majjhe sarasmiṃ tiṭṭhataṃ ,[ iccāyasmā kappo ]
Oghe jāte mahabbhaye ;
Jarāmaccuparetānaṃ , dīpaṃ pabrūhi mārisa ;
Tvañca me dīpamakkhāhi , yathāyidaṃ nāparaṃ siyā ’’.
118.
‘‘ Majjhe sarasmiṃ tiṭṭhataṃ ,[ kappāti bhagavā ]
Oghe jāte mahabbhaye ;
Jarāmaccuparetānaṃ , dīpaṃ pabrūmi kappa te .
119.
‘‘ Akiñcanaṃ
V0.14M0.16 anādānaṃ , etaṃ dīpaṃ anāparaṃ ;Nibbānaṃ iti naṃ brūmi , jarāmaccuparikkhayaṃ .
120.
‘‘ Etadaññāya ye satā , diṭṭhadhammābhinibbutā ;
Na te māravasānugā , na te mārassa paṭṭhagū ’’ ti [ paddhagū ( sī .)].
Kappamāṇavapucchā dasamā .