Kāyakhamanīya-niddesa
234.
Abhivādana-sīlissa
M0.420 ,Niccaṃ vuḍḍhāpacāyino ;
Cattāro dhammā vaḍḍhanti ,
Āyu vaṇṇo sukhaṃ balaṃ .
235. Pañcime
M0.421 bhikkhave dhammā āyussā , katame pañca .Sappāya-kārī hoti .
Sappāyeca mattaṃ jānāti .
Pariṇattabhojī ca hoti .
Kāla-cārī ca , brahma-cārīca .
Ime kho bhikkhave pañca dhammā āyussāti .
236. Pañcime
M0.424 bhikkhave dhammā āyussā , katame pañca .Sappāya-kārī hoti .
Sappāyeca mattaṃ jānāti .
Pariṇatabhojīcahoti .
Sīlavāca , kalyāṇa mittoca .
Ime kho bhikkhave pañca dhammā āyussāti .
237.
Pañca-sīlaṃ
M0.427 samādāya ,Samaṃ katvā dine dine ;
Satimā paññavā hutvā ,
Care sabbiriyāpathe .
238. Pañcime
M0.428 bhikkhave caṅkame ānisaṃsā , katame pañca , addhānakkhamo hoti .Padhānakkhamo hoti .
Appābādho hoti .
Asitaṃpītaṃkhāyitaṃsāyitaṃ sammā pariṇāmaṃ gacchati .
Caṅkamādhigato samādhi ciraṭṭhitiko hoti .
Imekho bhikkhave pañca caṅkame āni saṃsāti .
239.
Parissāvana-dānañca
M0.431 ,Āvāsa-dānameva ca ;
Gilāna-vatthu-dānañca ,
Dātabbaṃ manujādhipa .
240.
Kātabbaṃ
M0.432 jiṇṇakāvāsaṃ ,Paṭisaṅkharaṇaṃ tathā ;
Pañca-sīla-samādānaṃ ,
Katvā taṃ sādhu-rakkhitaṃ ;
Uposathopavāso ca ,
Kātabboposathe iti .
241.
Ati-bhottā
M0.434 roga-mūlaṃ ,Āyukkhayaṃ karoti ve ;
Tasmā taṃ ati-bhuttiṃva ,
Parihareyya paṇḍito .
242.
A-jiṇṇe
M0.435 bhojanaṃ visaṃ ,Dulladdhe a-vicārake ;
Jiṇṇe su-laddhe vicāre ,
Na vajjaṃ sabba-bhojanaṃ .
243.
Cattāro
M0.437 pañca ālope ,Ābhutvā udakaṃ pive ;
Alaṃ phāsu-vihārāya ;
Pahitattassa bhikkhuno .
244.
Manujassa
M0.438 sadā satimato ,Mattaṃ jānato laddha-bhojanaṃ ;
Tanukassa bhavanti vedanā ,
Sanikaṃ jīrati āyu pālayaṃ .
245.
Garūnaṃ
M0.440 aḍḍha-sohiccaṃ ,Lahūnaṃ nāti-kittiyā ;
Mattā-pamāṇaṃ niddiṭṭhaṃ ,
Sukhaṃ jīrati tāvatā .
246.
Toyābhāve
M0.441 pipāsattā ,Khaṇā pāṇehi muccate ;
Tasmā sabbāsuvatthāsu ,
Deyyaṃ vāriṃ pipāsaye .
247.
Sītodakaṃ
M0.442 payo khuddaṃ ,Ghatamekekaso dviso ;
Tisso samaggamatha vā ,
Page pitaṃ yuvattadaṃ .
248.
Annaṃ
M0.444 brahmā rase viṇhu ,Bhutte ceva mahesaro ;
Evaṃ ñatvātu yo bhuñje ,
Anna-dosaṃ na limpate .
249.
Kattikassantimo
M0.445 bhāgo ,Yaṃ cādo miga-māsajo ;
Tāvubho yama-dāṭhākhyo ,
Laghvāhārova jīvati .
250.
Satthānukula-cariyā
M0.447 ,Cittaññāvasavattinā ;
Buddhi-rakkhilitatthena ,
Paripuṇṇaṃ rasāyanaṃ .
250.
A-jātiyā
M0.448 a-jātānaṃ ,Jātānaṃ vinivattiyā ;
Rogānaṃ yo vidhi diṭṭho ,
Taṃ sukhatthī samācare .
252.
Ārogyaṃ
M0.449 paramā lābhā ,Santuṭṭhi paramaṃ dhanaṃ ;
Vissāsā paramā ñāti ,
Nibbānaṃ paramaṃ sukhaṃ .