Gharāvāsa-niddesa

171.

DukkhaṃM0.319 gahabbataṃ sādhu ,

Saṃvibhajjañca bhojanaṃ ;

A-hāso attha-lobhesu ,

Attha-byāpatti abyatho .

172.

YodhaM0.321 sītañca uṇhañca ,

Tiṇā bhiyyo na maññati ;

Karaṃ purisa-kiccāni ,

So sukhā na vihāyati .

173.

PaṇḍitoM0.322 sīla-sampanno ,

Saṇhā ca paṭibhānavā ;

Nivāta-vutti atthaddho ,

Tādiso labhate yasaṃ .

174.

UṭṭhānakoM0.324 analaso ,

Āpadāsu na vedhati ;

Acchinnavutti medhāvī ,

Tādiso labhate yasaṃ .

175.

SaṅgāhakoM0.325 mitta-karo ,

Vadaññū vītta-maccharo ;

Netā vi-netā anu-netā ,

Tādiso labhate yasaṃ .

176.

UṭṭhānavakoM0.327 satīmato ,

Suci-kammassa nisammakārino ;

Saññatassa dhamma-jīvino ,

A-ppamattassa yasobhi-vaḍḍhati .

177.

DvevaM0.329 tāta padākāni ,

Yattha sabbaṃ patiṭṭhitaṃ ;

A-laddhassa ca yo lābho ,

Laddhassa anurakkhaṇā .

178.

CatudhāM0.330 vibhaje bhoge ,

Paṇḍito gharamāvasaṃ ;

Ekena bhogaṃ bhuñjeyya ,

Dvīhi kammaṃ payojaye ;

Catutthañca nidhāpeyya ,

Āpadāsu bhavissati .

179.

AñjanānaṃM0.332 khayaṃ disvā ,

Upacikānañca ācayaṃ ;

Madhūnañca samāhāraṃ ,

Paṇḍitto gharamāvase .

180.

VibhavaṃM0.335 rakkhato laddhaṃ ,

Parihāni na vijjati ;

Ārakkhamhi a-santamhi ,

Laddhaṃ laddhaṃ vinassati .

181.

PaññāM0.337 natthi dhanaṃ natthi ,

Yassa loke na vindati ;

Putta-dārā na pīyanti ,

Tassa mittaṃ sukhāvahaṃ .

182.

CattāroM0.339 ca veditabbā ,

Mittā ceva suhadā ca ;

Upakāro suhadopi ,

Samāna-sukha-dukkho ca ;

Atthakkhāyīnukampako ,

Tathā mitto veditabbo .

183.

BhogāM0.342 naṭṭhena jiṇṇena ,

A-mitena ca bhojane ;

Na tiṭṭhanti ciraṃ disvā ,

Taṃ paṇḍito ghare vase .

184.

Ati-sītaṃM0.343 ati-uṇhaṃ ,

Ati-sāyamidaṃ ahu ;

Iti vissaṭṭha-kammantte ,

Atthā accenti māṇave .

185.

NaM0.345 divā suppa-sīlena ,

Rattinaṭṭhānadessinā ;

Niccaṃ mattena soṇḍena ,

Sakkā āvasituṃ gharaṃ .

186.

HanantiM0.346 bhogā dummedhaṃ ,

No ce pāra-gavesino ;

Bhoga-taṇhāya dummedho ,

Hanti aññeva attanaṃ .

187.

DujjīvitamajīvimhāM0.348 ,

Yesaṃ no na dadāmase ;

Vijjamānesu bhogesu ,

Dīpaṃ nā kamha mattano .

188.

Saṭṭhi-vassa-sahassāniM0.349 ,

Paripuṇṇāni sabbaso ;

Niraye paccamānānaṃ ,

Kadā anto bhavissati .

189.

NatthiM0.350 anto kuto anto ,

Na anto patidissati ;

Tadā hi pakataṃ pāpaṃ ,

Mama tuyhañce mārisā ;

190.

SohaṃM0.351 nūna ito gantā ,

Yoni laddhāna mānusaṃ ;

Vadaññū sīla-sampanno ,

Kāhāmi kusalaṃ bahuṃ .

191.

MāM0.352 gijjhe paccaye macco ,

Bahu-dosā hi paccayā ;

Caranto paccaye ñāyā ,

Ubhayatthāpi vaḍḍhati .

192.

A-laddhāM0.354 vittaṃ tappati ,

Pubbe a-samudānitaṃ ;

Na pubbe dhanamesissaṃ ,

Iti pacchānutappati .

193.

KūṭavedīM0.356 pure āsiṃ ,

Pisuṇo piṭṭhi-maṃsiko ;

Caṇḍo ca pharuso cāpi ,

Iti pacchānutappati .

194.

PāṇātipātīM0.357 pure āsiṃ ,

Luddo cāpi anariyo ;

Bhūtānaṃ nānukampiyaṃ ,

Iti pacchānutappati .

195.

BahūsuM0.359 vata santīsu ,

Anāpādāsu itthisu ;

Para-dāraṃ asevissaṃ ,

Iti pacchānutappati .

196.

BahumhiM0.360 tava santamhi ,

Anna-pāne upaṭṭhite ;

Na pubbe adadaṃ dānaṃ ,

Iti pacchānutappati .

197.

MātaraṃM0.362 pitarañcāpi ,

Jiṇṇakaṃ gata-yobbanaṃ ;

Pahu santo na posissaṃ ,

Iti pacchānukappati .

198.

ĀcariyamanusatthāraṃM0.363 ,

Sabba-kāma-rasāharaṃ ;

Pitaraṃ atimaññissaṃ ,

Iti pacchānutappati .

199.

SamaṇeM0.365 brāhmaṇe cāpi ,

Sīlavante bahussute ;

Na pubbe payirupāsissaṃ ,

Iti pacchānutappati .

200.

SādhuM0.366 hoti tapo ciṇṇo ,

Santo ca payirupāsito ;

Na pubbeva tapociṇṇo ,

Iti pacchānutappati .

201.

YoM0.368 ca etāni ṭhānāni ,

Yoniso paṭipajjati ;

Karaṃ purisa-kiccāni ,

Sa pacchā nānutappati .

202.

NaM0.370 sādhāraṇa-dārassa ,

Na bhuñje sādhumekako ;

Na seve lokāyatikaṃ ,

Netaṃ paññāya vaḍḍhanaṃ .

203.

SīlavāM0.372 vatta-sampanno ,

A-ppamatto vicakkhaṇo ;

Nivātta-vutti atthaddho ,

Surato sakhito mudu .

204.

SaṅgahetāM0.374 ca mittānaṃ ,

Saṃvibhāgī vīdhānavā ;

Tappeyya anna-pānena ,

Sadā samaṇa-brāhmaṇe .

205.

Dhamma-kāmoM0.376 sutā-dhāro ,

Bhaveyya paripucchako ;

Sakkaccaṃ payirupāseyya ,

Sīlavante bahussutte .

206.

GharamāvasamānassaM0.377 ,

Gahaṭṭhassa sakaṃ gharaṃ ;

Khemā vutti siyā evaṃ ,

Evaṃ nu assa saṅgaho .

207.

A-byapajjoM0.378 siyā evaṃ ,

Sacca-vādī ca māṇavo ;

Asmā lokā paraṃ lokaṃ ,

Evaṃ pecca na socati .

208.

SukhāM0.379 matteyyatā loke ,

Atho petteyyatā sukhā ;

Sukhā sāmaññatā loke ,

Atho brahmaññatā sukhā .

209.

PathavīM0.381 veḷukaṃ pattaṃ ,

Cakkavāḷaṃ sucipphalaṃ ;

Sineru vammiko khuddo ,

Samuddo pātiko yathā .

210.

BrahmātiM0.382 mātā-pitaro ,

Pubbācariyāti vuccare ;

Āhuneyyā ca puttānaṃ ,

Pajānamanukampakā .

211.

TasmāM0.384 hi ne namaseyya ,

Sakkareyya ca paṇḍito ;

Annena atho pānena ,

Vatthena sayanena ca .

Issues

Naradakkhadīpanī

Naradakkhadīpanī