Abhiyācaka
4.
Dhamma-saṅghaṃ
M0.38 vanditvāna ,Sabba-lokassa nāyakaṃ ;
Yācito tikakrapa-therena ,
Māṇavena ca dhīmatā .
5.
Uttānameva saṅkhepaṃ ,
Nānā-sattha-sudhāritaṃ ;
Nara-dakkhaṃ likhissami ,
Passantu dhīra-māmakā .
6.
Kosajjaṃ
M0.41 bhayato disvā ,Vīriyañjāpi khemato ;
Āraddhavīriyā hotha ;
Esā buddhānusāsanī .
7.
Vīriyavā
M0.42 kho bhikkhave ariyasāvako ,Akusalaṃ pajahati , kusalaṃ bhāveti ;
Sāvajjaṃ pajahati , anavajjaṃ bhāveti ,
Suddhamattānaṃ pariharatīti .
Vīriyavato
M0.43 kiṃ nāma kammaṃ na sijjhati ;Purisakāro
M0.44 nāma na nassati ,Sukhe patiṭṭhāpetīti jānāmi .
8.
Yathā
M0.46 khittaṃ nabhe leḍḍu ,Dhuvaṃ patati bhūmiyaṃ ;
Tatheva buddha-seṭṭhānaṃ ,
Vacanaṃ dhuva-sassataṃ .
9.
A-dvejjhavacanā
M0.48 buddhā ,A-moghavacanā jinā .
10.
Sussusā
M0.49 labhate paññaṃ ,Uṭṭhātā vindate dhanaṃ ;
Tasmā pāḷiṃ guruṃ katvā ,
Imaṃ passāhi sobhaṇaṃ .
11.
Sussusā
M0.51 suta-buddhinī ,Sutaṃ paññāya vaḍḍhanaṃ ;
Paññāya atthaṃ jānāti ,
Ñāto attho sukhāvaho .
12.
Satataṃjjhāyanaṃ
M0.52 vāda ,Para-tantavalokanaṃ ;
Sabbijjācera-sevāca ,
Buddhi-mati-karo guṇo .
13.
Ati-dīghova
M0.53 nīgho hi ,Kusīto hīna-vīriyo ;
Tasmā vīriyaṃ katvāna ,
Vijjaṃ esantu sādhavo .
14.
Suporiso
M0.55 tāva sippaṃ ,Uggaṇheyya paraṃ dhanaṃ ;
Gaveseyya tato mantaṃ ,
Katheyya sacca-bhāsitaṃ .
15.
Pathamaṃ
M0.56 na parājaye sippaṃ ,Dutīyaṃ na parājaye dhanaṃ ;
Tatīyaṃ na parājaye dhanaṃ ,
Catutthamatthaṃ kiṃ karissati .
16.
Sobhanti
M0.58 a-milātāni ,Pupphāniva pilandhituṃ ;
Tathā sobhanti dārakā ,
Yobbaneyeva sikkhituṃ .
17.
Tasmā
M0.59 have guṇādhāraṃ ,Paññā-vaḍḍhanamuttamaṃ ;
Sikkheyya matimā poso ,
Patthento hitamattano .
18.
Alaṃ
M0.60 vāyamituṃ sippe ,Attha-kāmena jantunā ;
Kataṃ vijaññā vijjādi ,
Vayo te mā upajjhagā .
19.
Vijjaṃ
M0.62 sikkhe , care sīlaṃ ,Dhīrena saha saṃvase ;
Dhanācaye , kare kammaṃ ,
Piyaṃ vācañca saṃvade .
20.
Na
M0.64 tveva supituṃ hoti ,Ratti nakkhatta-mālinī ;
Paṭijaggitumevesā ,
Ratti hoti vijānataṃ .
21.
Uṭṭhāhatha
M0.65 nisīdatha ,Ko attho supitena vo ;
Sādhu kho sippa-vijjāhvā ,
Vijjaṃ sikkhatha santataṃ .
22.
Ārabbhatha
M0.67 sadā puttā ,Bahussutaṃ gavesituṃ ;
Yasmā loke sippavantā ,
Sabbā-disāsu pākaṭā .
23.
Sakyarūpaṃ
M0.68 pure santaṃ ,Mayā sippaṃ na sikkhitaṃ ;
Kicchā vutti a-sippassa ,
Iti pacchā nutappati .
24.
Lokatthaṃ
M0.75 loka-kammantaṃ ,Icchanto pariyesituṃ ;
Niccameva vīriyañca ,
Atthaṃ mantañja cintaye .
25.
Dhanavā
M0.76 guṇavā loke ,Sabbā-disāya pākaṭo ;
Sīlavā paññavā macco ,
Sabba-lokehi pūjito .
26.
Sajīvati
M0.77 yaso yassa ,Kitti yassa sajīvati ;
Yasa-kitti vihīnassa ,
Jīvantopi matopamā .
27.
Saddhīdha
M0.79 vittaṃ purisassa seṭṭhaṃ ,Dhammo suciṇṇo sukhamāvahāti ;
Saccaṃ have sādutaraṃ rasānaṃ ,
Paññājīviṃ jīvitamāhu seṭṭhanti .
28.
Satimato
M0.81 sadā bhaddaṃ ,Satimā sukhamedhati ;
Satimato suve seyyo ,
Verā ca parimuccati .
29.
Mā
M0.83 vo khaṇaṃ virādhetha ,Khaṇātītā hi socare ;
Sadatthe vāyameyyātha ,
Khaṇo vo paṭipādito .
30.
Yathicchitaṃ
M0.84 na pappoti ,A-phiyo nāvikoṇṇave ;
Tathevāvīriyopettha ,
Tasmārabheyya sāsanaṃ .
31.
Vāyametheva
M0.87 puriso ,Yāva atthassa nipphadā ;
Nipphannasobhaṇo attho ,
Khantā bhiyyo na vijjati .
32.
Sameva
M0.88 ñāṇa-vāyāme ,Sukhāvaho su-maṅgalo ;
Ñunedhike tathā no hi ,
Dvayena sādhu sampadā .
33.
Kāya-kammāni
M0.90 sijjhanti ,Vacī-kammāni vīriyaṃ ;
Na hi kiccāni cintāhi ,
Kareyyāthīdha vāyamaṃ .
34.
Paṭikacceva
M0.91 kareyya ,Taṃ jaññā hitamattano ;
Na sākaṭikacintāya ,
Mandā dhīro parakkame .
35.
Thirena
M0.95 saka-kammena ,Vaḍḍhatiyeva saṃ phalaṃ ;
A-thirena alasena ,
Kara-kammaṃ phalañca no .
36.
Āsīsetheva
M0.96 puriso ,Na nibbindeyya paṇḍito ;
Passāmi vohaṃ attānaṃ ,
Yathā icchiṃ tathā ahu .
37.
Aṇaṇo
M0.98 ñātīnaṃ hoti ,Devānaṃ pitunañca so ;
Karaṃ purisa-kiccāni ,
Na ca pacchānutappati .
38.
Hiyyoti
M0.99 hiyyati poso ,Karissāmi pareti yo ;
Ajja kattabba kammaṃ sve ,
So tato parihāyati .
39.
So
M0.101 a-ppamatto a-kuddho ,Tāta kiccāni kāraya ;
Vāyāmassu sa-kiccesu ,
Nālaso vindate sukhaṃ .
40.
Hīna-jaccopi
M0.102 ce hoti ,Uṭṭhātā dhitimā naro ;
Ācāra-sīla-sampanno ,
Nise aggīva bhāsati .
41.
Yo
M0.104 pubbe karaṇīyāni ,Pacchā so kātumicchati ;
Varuṇakaṭṭhabhañjova ,
Sa pacchā anutappati .
42.
Uṭṭhānakālamhi
M0.105 anuṭṭhahāno ,Yuvā balī ālasiyaṃ upeto ;
A-puṇṇasaṅkappamano kusīto ,
Paññāya maggaṃ alaso na vindati .
43.
Dummedho
M0.107 puriso loke ,Kusīto hīna-vīriyo ;
Appassuto anācāro ,
Parihāyati vuḍḍhiyā .
44.
Appassutāyaṃ
M0.108 puriso ,Balībaddova jīrati ;
Maṃsāni tassa vaḍḍhanti ,
Paññā tassa na vaḍḍhati .
45.
Yassa
M0.109 manussa-bhūtassa ,Natthi bhogā ca sippakaṃ ;
Kiṃphalaṃ tassa mānussaṃ ,
Dvipādaṭṭho hi so migo .
46.
Yo
M0.111 ca vassasataṃ jīve ,Kusīto hīna-vīriyo ;
Ekāhaṃ jīvitaṃ seyyo ,
Vīriyārabbhato daḷaṃ .
47.
Yo
M0.112 ca dhamma-vibhaṅgaññū ,Kāluṭṭhāyī a-tandito ;
Anuṭṭhahati kālena ,
Phalaṃ tassa samijjhati .
48.
A-caritvā
M0.126 brahmacariyaṃ ,A-laddhā yobbane dhanaṃ ;
Jiṇṇakoñcāva jhāyanti ,
Khīṇamaccheva pallale .
49.
A-caritvā
M0.127 brahmacariyaṃ ,A-laddhā yobbane dhanaṃ ;
Sentti cāpātikhīṇāva ,
Purāṇāni anutthunaṃ .
50.
Appakenāpi
M0.132 medhāvī ,Pābhatena vicakkhaṇo ;
Samuṭṭhāpeti attānaṃ ,
Aṇuṃ aggiṃva sandhamaṃ .
51.
Vāyāmetheva
M0.138 puriso ,Na nibbindeyya paṇḍito ;
Vāyāmassa phalaṃ passa ,
Bhuttā ambā anītihaṃ .
52.
Anuṭṭhahaṃ
M0.140 a-vāyāmaṃ ,Sukhaṃ yatrādhi gacchati ;
Suvira tattha gacchāhi ,
Mañca tattheva pāpaya .
53.
Yatthālaso
M0.142 anuṭṭhātā ,Accantaṃ sukhamedhati ;
Suvira tattha gacchāhi ,
Mañca ttattheva pāpaya .
54.
Adhippāya-phalaṃ
M0.143 loke ,Dhītimanttassa sijjhati ;
Vīriyameva kattabbaṃ ,
Etaṃ buddhehi vaṇṇitaṃ .