Cāritta-niddesa

100.

AttāM0.213 hi attano nātho ,

Ko hi nātho paro siyā ;

Attanā hi sudantena ,

Nāthaṃ labhati dullabhaṃ .

101.

AttānañceM0.214 piyaṃ jaññā ,

Rakkheyya naṃ surakkhitaṃ ;

Tiṇṇamaññataraṃ yāmaṃ ,

Paṭijaggeyya paṇḍito .

102.

AttanāM0.216 kurute lakkhiṃ ,

A-lakkhiṃ kurutettanā ;

Na hi lakkhiṃ a-lakkhiṃ vā ,

Añño aññassa kārako .

103.

NaM0.218 pīḷitā atta-dukkhena dhīrā ,

Sukhapphalaṃ kammaṃ pariccajanti ;

Sammohitāvāpi sukhena mattā ,

Na pāpa-kammañca samācaranti .

104.

YoM0.219 neva nindaṃ nappasaṃsaṃ ,

Ādiyati garahaṃ nopi pūjaṃ ;

Sirīca lakkhīca apeti tamhā ,

Āpo suvuṭṭhīva yathā thalamhā .

105.

SādhuM0.221 dhammaruci rājā ,

Sādhu paññāṇavā naro ;

Sādhu mittānama-ddubbho ,

Pāpassa a-karaṃ sukhaṃ .

106.

KalyāṇakārīM0.222 kalyāṇaṃ ,

Pāpakārī ca pāpakaṃ ;

Yādisaṃ vapatte bījaṃ ,

Tādisaṃ vahate phalaṃ .

107.

JīvaṃM0.224 paññāya rakkheyya ,

Dhanaṃ kammena rakkhaye ;

Evaṃ hyarogo sukhito ,

Porāṇaka-vaco idaṃ .

108.

AnupubbenaM0.226 medhāvī ,

Thokaṃ thokaṃ khaṇe khaṇe ;

Kammāro rajatasseva ,

Niddame malamattano .

109.

VācānurakkhīM0.228 manasā susaṃvuto ,

Kāyena ca nākusalaṃ kayirā ;

Etetayo kammapathevisodhaye ,

Ārādhaye maggamisi-ppaveditaṃ .

110.

A-santeM0.230 nopaseveyya ,

Sante seveyya paṇḍito ;

A-santo nirayaṃ yanti ,

Santo pāpenti suggatiṃ .

111.

A-karontopiM0.232 ce pāpaṃ ,

Karontaṃ mupasevati ;

Saṅkiyo hoti pāpasmiṃ ,

A-vaṇṇo cassa rūhati .

112.

SaṅghāgatoM0.233 aniṭṭhehi ,

Ambopi madhurapphalo ;

Tittapubbova pā eva ,

Manusso tu sa-jīvako .

113.

Nihīna-sevitoM0.234 poso ,

Nihīyati ca sabbadā ;

Kadāci na ca hāyetha ,

Tulyasevīpi attanā .

114.

Vaṇṇa-gandha-rasopetoM0.237 ,

Amboyaṃ ahuvā pure ;

Tameva pūjaṃ labhamāno ;

Kenambo kaṭukapphalo .

115.

Pucimanda-parivāroM0.238 ,

Ambo te dadhivāhana ;

Mūlaṃ mūlena saṃsaṭṭhaṃ ,

Sākhā sākhaṃ nisevare ;

Asātta-sannivāsena ,

Tenambo kaṭukapphalo .

116.

Pāmokkha-bhajanaṃM0.240 khippaṃ ,

Attha-kāmo su-vuḍḍhiyaṃ ;

Bhaje uttari attanā ,

Tasmā udeti paṇḍito .

117.

KācoM0.241 kañcana-saṃsaggā ,

Dhatte māra-katiṃ jutiṃ ;

Tathā saṃsannidhānena ,

Mūḷho yāti pavīṇataṃ .

118.

KīṭopiM0.243 sumano-saṅgā ,

Ārohati sataṃ siro ;

Asmāpi yāti devatvaṃ ,

Mahabbhi suppatiṭṭhito .

119.

SabbhirevaM0.245 samāsetha ,

Sabbhi kubbetha sandhavaṃ ;

Sataṃ saddhammamaññāya ,

Paññaṃ labhati nāññato .

120.

SabbhirevaM0.246 samāsetha ,

Sabbhi kubbetha sandhavaṃ ;

Sataṃ saddhammamaññāya ,

Sabba-dukkhā pamuccatti .

121.

SakiṃdevaM0.247 kulaputta ,

Sabbhi hoti samāgamo ;

Sā naṃ saṅgati pāleti ,

Nāsabbhi bahu saṅgamo .

122.

SeyyoM0.249 a-mitto medhāvī ,

Yañce bālānukampako .

123.

SīlavantaṃM0.250 paññavantaṃ ,

Divā nissaya-dāyakaṃ ;

Bahussutaṃ gavesanto ,

Bhajeyya attha-māmako .

124.

Pāpa-mitteM0.251 vivajjetvā ,

Bhajeyyuttama-puggalaṃ ;

Ovāde cassa tiṭṭheyya ,

Patthento a-calaṃ sukhaṃ .

125.

NaM0.253 bhaje pāpake mitte ,

Na bhaje purisādhame ;

Bhajetha mittte kalyāṇe ,

Bhajetha purisuttame .

126.

AnavajjaṃM0.254 mukhamboja ,

Manavajjā ca bhāratī ;

Alaṅkatāva sobhante ,

Kiṃsu te niralaṅkatā .

127.

NaM0.256 hi vaṇṇena sampannā ,

Mañjukā piya-dassinā ;

Kharā vācā piyā hoti ,

Asmiṃ loke paramhi ca .

128.

NanuM0.257 passasimaṃ kāḷiṃ ,

Dubbaṇṇaṃ tilakāhataṃ ;

Kolilaṃ saṇha-vācena ,

Bahūnaṃ pāṇinaṃ piyaṃ .

129.

TasmāM0.257 sakhila-vācāya ,

Manta-bhāṇī anuddhato ;

Atthaṃ dhammañca dīpeti ,

Madhuraṃ tassa bhāsitaṃ .

130.

TamevaM0.260 vācaṃ bhāseyya ,

Yā sattānaṃ na tāpaye ;

Pare ca na vihiṃseyya ,

Sā ve vācā subhāsitā .

131.

PiyaṃM0.261 vācaṃva bhāseyya ,

Yā vācā paṭinanditā ;

Yaṃ anādāya pāpāni ;

Paresaṃ bhāsate piyaṃ .

132.

SaccaṃM0.262 ve amatā vācā ,

Esa dhammo sanantano ;

Sacce atthe ca dhamme ca ,

Āhu santo patiṭṭhitā .

133.

SubhāsitañcaM0.264 dhammañca ,

Piyañca saccameva ca ;

Catu-aṅgehi sampannaṃ ,

Vācaṃ bhāseyya paṇḍito .

134.

ManāpamevaM0.265 bhāseyya ,

Nāmanāpaṃ kudācanaṃ ;

Manāpaṃ bhāsamānassa ,

Siddhaṃ piyosadhaṃ bhave .

135.

YaṃM0.266 vadeyya taṃ kareyya ,

Yaṃ na vade na taṃ kare ;

A-karontaṃ bhāsamānaṃ ,

Parijānanti paṇḍitā .

136.

RahovādaṃM0.268 na bhāseyya ,

Na sammukhā khiṇaṃ bhaṇe ;

A-taramānova bhaṇeyya ,

Taramānova no bhaṇe .

137.

MāvocaM0.269 pharusaṃ kiñci ,

Vuttā paṭivadeyyuṃ taṃ ;

Dukkhā hi sārambhakathā ,

Paṭidaṇḍā phuseyyuṃ taṃ .

138.

Saka-yuttaṃM0.270 kare kammaṃ ,

Saka-yuttaṃ vaciṃ bhaṇe ;

A-yuttake dhanaṃ naṭṭhaṃ ,

A-yutte jīvitaṃ khaye .

139.

YeM0.272 vuḍḍhamapacāyanti ,

Narā dhammassa dhakāvidā ;

Diṭṭhe dhammeva pāsaṃsā ,

Samparāye ca suggatiṃ .

140.

Porī-kathaṃ-vaM0.274 bhāseyya ,

Yuttā kathā hi pūrino ;

Bhāti-mattañca bhātāti ,

Pitu-mattaṃ pitā iti .

141.

DānañcaM0.275 piya-vajjañca ,

Attha-cariyā ca yā idha ;

Samānattatā dhammesa ,

Tattha tattha yathārahaṃ .

142.

SakiṃM0.277 vadanti rājāno ,

Sakiṃṃ samaṇa-brāhmaṇā ;

Sakiṃva purisā loke ,

Esadhammo sanantano .

143.

Eka-vācaṃvaM0.278 dvevācaṃ ,

Bhaṇeyya anukampako ;

Taduttari na bhāseyya ,

Dāsovayyassa santike .

144.

TassevaM0.279 tena pāpiyo ,

Yo kuddhaṃ paṭikujjhatti ;

Kuddhaṃ a-paṭikujjhanto ,

Saṅgāmaṃ jeti dujjayaṃ .

145.

UbhinnamatthaṃM0.281 carati ,

Attano ca parassa ca ;

Paraṃ saṃkupitaṃ ñatvā ,

Yo sato upasammati .

AttānaṃM0.282 rakkhanto paraṃ rakkhati ,

Paraṃ rakkhanto attānaṃ rakkhati .

146.

Sīla-samādhi-paññānaṃM0.283 ,

Khantī padhāna-kāraṇaṃ ;

Sabbepi kusalā dhammā ,

Khantyāyattāva vaḍḍhare .

147.

Khamā-khagga-karetassaM0.284 ,

Dujjano kiṃ karissati ;

A-tiṇe patito vahni ,

Sayamevūpasammati .

148.

SussusāM0.285 savaṇañceva ,

Gahaṇaṃ dhāraṇaṃ tathā ;

Uhāpohatthaviññāṇaṃ ,

Tatva-ññāṇañcadhīguṇaṃ .

149.

YasseteM0.286 caturo dhammā ,

Atthi posesu paṇḍita ;

Saccaṃ dhammo dhīti cāgo ,

Diṭṭhaṃ so ativattati .

150.

VejjoM0.288 purohito mantī ,

Vedaññotra catutthako ;

Pabhāta-kāle daṭṭhabbā ,

Niccaṃ sva-sīrimicchatā .

151.

MittānaṃM0.289 santikaṃ gacche ,

Kāle na rattiyaṃ kisaṃ ;

Ce bahuṃ bhijje cinitvā ,

Taṃ mittesu samākare .

152.

NaM0.291 paresaṃ vilomāni ,

Na paresaṃ katākataṃ ;

Attanova avekkheyya ,

Katāni a-katāni ca .

153.

Desa-jāti-pubbe-carāM0.293 ,

Anu-carā jano kare ;

Paresaṃ vedhakaṃ māyaṃ ,

Taṃ jānitvā sakhaṃ kare .

154.

ParittaṃM0.294 dārumāruyha ,

Yathā sīde mahaṇṇave ;

Evaṃ kusītamāgamma ,

Sādhu-jīvīpi sīdati ;

Tasmā taṃ parivajjeyya ,

Kusītaṃ hīna-vīriyaṃ .

155.

AlasañcaM0.296 pamādo ca ,

Anuṭṭhānaṃ a-saṃyamo ;

Niddā tandi ca te chidde ,

Sabbaso taṃ vivajjaye .

156.

CajeyyaM0.297 dummittaṃ bālaṃ ,

Āsīvisaṃva māṇavo ;

Bhañjeyya pāpakaṃ kammaṃ ,

Naḷāgāraṃva kuñjaro .

157.

NaM0.299 hi aññañña-cittānaṃ ,

Itthīnaṃ purisāna vā ;

Nānāvīkatvā saṃsaggaṃ ,

Tādisaṃ pica nāsmase .

158.

NāsmaseM0.300 kata-pāpamhi ,

Nāsmase alika-vādine ;

Nāsmate attatthapaññamhi ,

Atta-santepi nāsmate .

159.

GhatāsanaṃM0.301 kuñjaraṃ kaṇha-sappaṃ ,

Muddhā-bhisittaṃ pamadā ca sabbā ;

Ete naro niccasato bhajetha ,

Tesaṃ have dubbidū sabba-bhāvo .

160.

ItthīnaṃM0.303 dujjanāna-ñca ,

Vissāso no-pa pajjate ;

Vise siṅgimhi nadiyaṃ ,

Roge rāja-kulamhi ca .

161.

Itthi-dhuttoM0.304 surā-dhutto ,

Akkha-dhutto ca yo naro ;

Laddhaṃ laddhaṃ vināseti ,

Taṃ parābhavato mukhaṃ .

162.

Pāpa-mittoM0.306 pāpa-sakho ,

Pāpa-ācāra gocaro ;

Asmā lokā paramhā ca ,

Ubhayā dhaṃsate naro .

163.

MaccherenaM0.307 yasaṃ hataṃ ,

Kuppanena guṇo hato ;

Kūṭena nassate saccaṃ ,

Khuddena dhamma-rakkhanaṃ .

164.

Akkha-devīM0.309 dhanāni ca ,

Vināso hoti āpadā ;

Ṭhiti hatā pamādo ca ,

Dvijaṃ bhikkhuñca nassati .

165.

PesuññenaM0.310 kulaṃ hataṃ ,

Mānena hitamattano ;

Duccaritena mānuso ,

Daliddāyādaro hato .

166.

A-mānanāM0.312 yattha siyā ,

Santānaṃpi vimānanā ;

Hīna-sammānanāvāpi ,

Na tattha vasatiṃ vase .

167.

YatthālasoM0.313 ca dakkho ca ,

Sūro bhīru ca pūjiyā ;

Na tattha santo vasanti ,

A-visesa-kare nare .

168.

NoM0.315 ce assa sakā-buddhi ,

Vinayo vā su-sikkhito ;

Vane andha-mahiṃsova ,

Careyya bahuko jano .

169.

PhalaṃM0.316 ve kadaliṃ hanti ,

Phalaṃ veḷuṃ phalaṃ naḷaṃ ;

Sakkāro kā-purisaṃ hanti ,

Gabbho assatariṃ yathā .

170.

Vajjañca vajjato ñatvā ,

A-vajjañca a-vajjato ;

Sammādiṭṭhi-samādānā ,

Sattā gacchantti suggatiṃ .

Issues

Naradakkhadīpanī

Naradakkhadīpanī