Pakiṇṇaka-niddesa

253.

KumudaṃM0.460 ko pabodhayi ,

Nātho ravindu paṇḍito ;

Kamalaṃ ko kumudaṃ ko ,

Narapaṃ ko pabodhayi .

254.

CittenaM0.462 niyyati loko ,

Cittena parikassati ;

Cittassa eka-dhammassa ,

Sabbeva vasamanvagū .

255.

SamaṇoM0.464 rājānurājā ,

Senāpati mahā-matto ;

Dhammaṭṭho paṇḍito disvā ,

Paccakkhatthaṃ na kāriyā .

256.

DīpoM0.465 nava-disaṃ tejo ,

Na heṭṭhā ca tathā sakaṃ ;

Para-vajjaṃ vidū passe ,

Saka-vajjaṃpi passatu .

257.

Sa-phalaṃM0.467 paṇḍito loke ,

Sa-kāraṇaṃ vacaṃ bhaṇe ;

A-kāraṇaṃphalaṃ bālo ,

Idaṃ ubhaya-lakkhaṇaṃ .

258.

TassaM0.468 vācāya jāneyya ,

Kuṭilaṃ bāla-paṇḍitaṃ ;

Vācā-rūpaṃ mittaṃ kare ,

Vācā-rūpaṃ dhuvaṃ jahe .

259.

DuccintitassaM0.470 cintā ca ,

Dubbhāsitassa bhāsanā ;

Dukkammassa katañcāti ,

Etaṃ bālassa lakkhaṇaṃ .

260.

Su-cintitassaM0.471 cintā ca ,

Su-bhāsitassa bhāsanā ;

Su-kammassa katañcāti ,

Etaṃ dhīrassa lakkhaṇaṃ .

261.

A-nayaṃM0.473 nayati dummedho ,

A-dhurāyaṃ ni-yuñjati ;

Dunnayo seyyaso hoti ,

Sammā vutto pakuppati ;

Vinayaṃ so na jānāti ,

Sādhu tassa a-dassanaṃ .

262.

NayaṃM0.476 nayati medhāvī ,

A-dhurāyaṃ na yuñjati ;

Su-nayo seyyaso hoti ,

Sammā vutto na kuppati ;

Vinayaṃ so pajānāti ,

Sādhu tena samāgamo .

263.

A-nāyakāM0.479 vinassanti ,

Nassanti bahu-nāyakā ;

Thī-nāyakā vinassanti ,

Nassanti susu-nāyakā .

264.

JeṭṭhoM0.481 kammesu nīcānaṃ ,

Jānaṃjānaṃva ācare ;

A-jānevaṃ kare jānaṃ ,

Nīco eti bhayaṃ piyaṃ .

265.

KammaṃM0.482 dujjana-sāruppaṃ ,

Dudhā sujana-sāruppaṃ ;

Dujjanaṃ tesu dukkamme ,

Su-kamme sujanaṃ icche .

266.

PaṇḍitoM0.484 verī bālo ca ,

Dujjayo bāla-verito ;

Paṇḍitaṃ-verī pamādena ,

Na taṃ jayo hi sabbadā .

267.

GuyhassaM0.485 hi guyhameva sādhu ,

Na hi guyhassa pasatthamāvi-kammaṃ ;

A-nipphannatāya saheyya dhīro ,

Nipphannatthova yathā-sukhaṃ bhaṇeyya .

268.

GuyhamatthaṃM0.486 na vivareyya ,

Rakkheyya naṃ yathā nidhiṃ ;

Na hī pātukato sādhu ,

Guyho attho pajānatā .

269.

ThiyāM0.487 guyhaṃ na saṃseyya ,

A-mittassa ca paṇḍito ;

Yo cāmisena saṃhīro ,

Hadaya-ttheno ca yo naro .

270.

ViviccaM0.489 bhāseyya divā rahassaṃ ,

Rattiṃ giraṃ nāti-velaṃ pamuñce ;

Upassutikā hi suṇanti mantaṃ ,

Tasmā hi manto khippamupeti bhedaṃ .

271.

NaM0.491 pakāsati guyhaṃ yo ,

So guyhaṃ paṭiguyhati ;

Bhayesu na jahe kicce ,

Su-mittonucaro bhave .

272.

KarotiM0.492 dukkaraṃ sādhuṃ ,

Ujuṃ khamati dukkhamaṃ ;

Duddadaṃ sāmaṃ dadāti ,

Yo su-mitto have bhave .

273.

Piya-vācāM0.494 sadā mitto ,

Piya-vatthuṃ na yācanā ;

Icchāgatena dānena ,

Su-daḷho su-ppiyo have ;

Tadaṅgato ca hīnena ,

A-ppiyo bhijjano bhave .

274.

DehītiM0.496 yācane hirī ,

Sirī ca kāya-devatā ;

Palāyanti siricchito ,

Na yāce para-santakaṃ .

275.

SvānoM0.497 laddhāna nimmaṃsaṃ ,

Aṭṭhiṃ tuṭṭho pamodati ;

Sakantikaṃ migaṃ sīho ,

Hitvā hatthiṃnudhāvati .

276.

EvaṃM0.499 chandānurūpena ,

Jano āsīsate phalaṃ ;

Mahā chandā mahantaṃva ,

Hīnaṃva hīna-chandakā .

277.

Nānā-chandāM0.501 mahārāja ,

Ekāgāre vasāmase ;

Ahaṃ gāma-varaṃ icche ,

Brāhmaṇī ca gavaṃ sataṃ .

278.

PuttoM0.502 ca ājañña-rathaṃ ,

Kaññā ca maṇi-kuṇḍalaṃ ;

Yā cesā puṇṇakā jammī ,

Ujukkhalaṃbhi-kaṅkhati .

279.

ṬhānaṃM0.504 mitte dhane kamme ,

Satussāhe su-labbhitaṃ ;

Taṃ daḷhaṃ dukkaraṃ kare ,

Paññā-sati-samādhinā .

280.

BhesajjeM0.505 vihite suddha ,

Buddhādi-ratanattaye ;

Pasādamācare niccaṃ ,

Sajjane sa-guṇepi ca .

281.

RājāM0.507 raṭṭhena dhātuso ,

Bālo pāpehi dummano ,

Alaṅkārena itthīpi ,

Kāmehi ca na tappati .

282.

AppicchoM0.508 ca dhutaṅgena ,

Āraddho vīriyena hi ;

Visārado parisāya ,

Pariccāgena dāyako ;

Savanena su-dhammaṃpi ,

Na tappativa paṇḍito .

283.

JeṭṭhassaM0.510 sitaṃ hasitaṃ ,

Majjhassa madhurassaraṃ ;

Loke aṃsa-siro-kampaṃ ,

Jammassa apa-hassitaṃ ;

Etesaṃ ati-hassitaṃ ,

Hāso hoti yathākkamaṃ .

284.

NatthiM0.513 duṭṭhe nayo atthi ,

Na dhammo na su-bhāsitaṃ ;

Nikkamaṃ duṭṭhe yuñjeyya ,

So hi sabbhiṃ na rañjati .

285.

DullabhaṃM0.515 pakatiṃ vācaṃ ,

Dullabho khemako suto ;

Dullabhā sadisī jāyā ,

Dullabho sa-jano piyo .

286.

DhajoM0.516 rathassa paññāṇaṃ ,

Dhūmo paññāṇamaggino ;

Rājā raṭṭhassa paññāṇaṃ ,

Bhattā paññāṇamitthiyā .

287.

DunnāriyāM0.518 kulaṃ suddhaṃ ,

Putto nassati lālanā ;

Samiddhi a-nayā bandhu ,

Pavāsā madanā hirī .

288.

MātāM0.520 pitā ca puttānaṃ ,

Novāde bahu-sāsannaṃ ;

Paṇḍitā mātaro appaṃ ,

Vadeyyuṃ vajja-dīpanaṃ .

289.

LāḷayeM0.522 pañcha-vassāni ,

Dasa-vassāni tāḷaye ;

Patte tu soḷase vasse ,

Puttaṃ mittaṃvadācare .

290.

LālaneM0.523 dhītaraṃ dosā ,

Pālane bahavo guṇā ;

Dhītuyā kiriyaṃ niccaṃ ,

Passantu suṭṭhu mātaro .

ItiM0.525 pakiṇṇaka-niddeso nāma

Sattamā paricchedo .

Issues

Naradakkhadīpanī

Naradakkhadīpanī