Paññā-niddesa

55.

PaññaṃM0.144 pathamamesehi ,

Paññā-balaṃ bahuttamaṃ ;

Kula-putta balaṃ paññā ,

Kiṃhināma na sādhyati .

56.

Aneka-saṃsayucchediM0.146 ,

Parokkhatthassa dassakaṃ ;

Sabbassa locanaṃ satthaṃ ,

Yassa natthyandhameva so .

57.

PaññāM0.148 sutaṃ vinicchindi ,

Kitti-siloka-vaḍḍhanī ;

Paññāsahito naro idha ,

Api sukhānivindati .

58.

Sabbaññubuddha-paccekaM0.149 ,

Catusacca-sutā iti ;

Catu-buddhesu ekova ,

Bahussuto naro bhave .

59.

LekhachekoM0.150 vācacheko ,

Ganthacheko suvācako ;

Vidhāyakacheko sūro ,

Niddukkhova sakammani .

60.

PaññāM0.152 hi seṭṭhā kusalā vadanti ,

Nakkhatta-rājāriva tārakānaṃ ;

Sīlaṃ sirīcāpi satañca dhammo ,

Anvāyikā paññāvato bhavanti .

61.

SevethaM0.154 buddhe nipuṇe bahussutte ,

Uggāhako ca paripucchako ;

Suṇeyya sakkaccaṃ subhāsitāni ,

Evaṃ karo paññavā hoti macco .

62.

VayenaM0.156 yasa-pucchāhi ,

Tiṭṭha-vāsena yoniso ;

Sākacchā snehasaṃsevā ,

Patirūpa-vāsenaca .

63.

Etāni aṭṭhaṭhānāni ,

Buddhi-visada-kāraṇā ;

Yesaṃ etāni sambhonti ,

Tesaṃ buddhi pabhijjati .

64. CattāromeM0.158 bhikkhave dhammā paññāvuddhiyā saṃvattanti .

Katame cattāro .

Sappurisasaṃsevo saddhammasavanaṃ yoniso manasikāro dhammānudhamma-paṭipatti .

Ime kho bhikkhave cattāro dhammā paññā-vuddhiyā saṃvattantītti .

65.

Cakkhupasāda-sampannoM0.160 ,

Acchimantañca passati ;

Andhaṃ kāṇaṃ su-passantaṃ ,

Andho sabbaṃ na passati .

66.

PassattiM0.161 passo passantaṃ ,

A-passantañca passati ;

A-passanto a-passantaṃ ,

Passantañca na passati .

67.

PākaṭaṃM0.162 a-paṭicchannaṃ ,

Rūpaṃ pasāda-cakkhunā ;

Nāññaṃ passatti sabbaṃpi ,

Tathato ñāṇa-cakkhunā .

68.

SujanāsujanāM0.164 sabbe ,

Guṇenāpi vivekino ;

Vivekaṃ na samāyanti ,

A-vivekījanantike .

69.

YoM0.165 ca uppatitaṃ atthaṃ ,

Na khippamanubujjhati ;

A-mittavasamanveti ,

Pacchā ca anutappati .

70.

EvaṃM0.166 mahiddhikā paññā ,

Nipuṇā sādhucintinī ;

Diṭṭhadhamma-hitatthāya ,

Samparāya-sukhāya vā .

71.

TaṃM0.168 balānaṃ balaṃ seṭṭha ,

Agga paññābalaṃ balaṃ ;

Paññābalenupatthaddho ,

Etthaṃ vindati paṇḍitto .

72.

YenaM0.170 ñāṇena bujjhanti ,

Ariyā kata-kiccataṃ ;

Taṃ ñāṇa-ratanaṃ laddhaṃ ,

Vāyāmetha jinorasā .

73.

PaññāratanamālassaM0.171 ,

Na ciraṃ vattate bhavo ;

Khippaṃ dasseti amataṃ ,

Na ca so rocate bhave .

74.

PamādamanuyuñjantiM0.173 ,

Bālā dummedhino janā ;

Appamādañca medhāvī ,

Dhanaṃ seṭṭhaṃva rakkhati .

75.

Dhana-puñña-dhī-lābhenaM0.174 ,

Kālaṃ khiyyati paṇḍito ;

Kīḷanena ca dummedho ,

Niddāya kalahena vā .

76.

PamādaṃM0.176 appamādena ,

Yadā nūdati paṇḍito ;

Paññāpāsāda-māruyha ,

A-soko sokiniṃ pajaṃ ,

Pabbataṭṭhova bhūmaṭṭhe ,

Dhīro bāle avekkhati .

77.

NattiM0.178 attasamaṃ pemaṃ ,

Natthi dhaññasamaṃ dhanaṃ ;

Natthi paññāsamā ābhā ,

Vuṭṭhi ve paramā sarā .

78.

DiṭṭheM0.180 dhamme ca yo attho ,

Yo cattho samparāyiko ;

Atthābhisamayā dhīro ,

Paṇḍitoti pavuccati .

79.

NaM0.181 tena paṇḍito hoti ,

Yāvatā bahu bhāsati ;

Khemī a-verī a-bhayo ,

Paṇḍitotti pavuccati .

80.

YamhiM0.183 saccañca dhammo ca ,

A-hiṃsā saṃyamo damo ;

Sa ve vantamalo dhīro ,

Thero iti pavuccatti .

81.

Saka-guṇaṃM0.185 saka-dosaṃ ,

Yo jānāti sapaṇḍito ;

Para-guṇaṃ para-dosaṃ ,

Yo jānāti sapaṇḍito .

82.

Sati-vīriya-paññāyaM0.186 ,

Yo karoti iriyāpathe ;

So paṇḍito have bhave ,

Ubhayattha-pariggaho .

83.

KataññūM0.187 vijjā-sampanno ,

Jātimā dhanavā have ;

So vicāraṇa-sīlo ca ,

Niddukkho paṇḍito bhave .

SabbeM0.189 kammassakā sattā ,

Kammaṃ satte vibhajjati .

84.

Yo passati paccakkhatthaṃ ,

Yo ca saṃsāratthaṃ tesu ;

Pacchimova pūjanīyo ,

Ubhayattha-sudiṭṭhattā .

85.

AppenaM0.191 anavajjena ,

Santuṭṭho sulabhena ca ;

Mattaññū subharo hutvā ,

Careyya paṇḍito naro .

86.

AttānamevaM0.192 pathamaṃ ,

Patirūpe nivesaye ;

Athaññamanusāseyya ,

Na kilisseyya paṇḍito .

87.

Uttama-parisāyaM0.193 ve ,

Utttamaṃ vācamuttamo ;

Bhaṇeyyākhepa-vitthāraṃ ,

Sā anagghyā lokattaye .

88.

PaṇḍitassaM0.194 subhāsittaṃ ,

Paṇḍitova sujāniyā ;

Dummedho taṃ na jānāti ,

Dhīro dhīraṃ mamāyati .

89.

YenaM0.196 kenaci vaṇṇena ,

Paro labhati rūppanaṃ ;

Attho vācāya ce hoti ,

Taṃ na bhāseyya paṇḍito .

90.

BhuñjanatthaṃM0.197 kathanatthaṃ ,

Mukhaṃ hotītti no vade ;

Yaṃvā taṃvā mukhāruḷhaṃ ,

Vacanaṃ paṇḍito naro .

91.

Para-sattittoM0.198 sa-sattiṃ ,

Dujjāno hi naro mite ;

Ce jāne saka-sattiṃca ,

Kā kathā para-sattiyā .

92.

Katta-guṇaṃM0.199 paresaṃ yo ,

Paṭikaroti paṇḍito ;

Jānāti so ācikkhati ,

Na bālo guṇa-māmako .

93.

PabhūtaṃM0.200 neva kātabbaṃ ,

Bhavissaṃ neva cintaye ;

Vattamānena kālena ,

Vicaranti vicakkhaṇā .

94.

DhammesuM0.201 sati icchitā ,

Rasesu loṇamicchitaṃ ;

Rāja-kiccesu amaccaṃ ,

Sabba-ṭhānesu paṇḍitaṃ .

95.

KhattiyoM0.203 seṭṭho jane tasmiṃ ,

Ye gottapaṭisārino ;

Vijjā-caraṇa-sampanno ,

So seṭṭho deva-mānuse .

96.

SambuddhoM0.204 dvipadaṃ seṭṭho ,

Ājānīyo catuppadaṃ ;

Sussusā seṭṭhā bhariyānaṃ ,

Yo ca puttānamassavo .

97.

SātthakoM0.207 ca a-sammoho ,

Sappāyo gocaro tathā ;

Cattārimāni sikkheyyuṃ ,

Sampajaññābhivaḍḍhakā .

98.

PaññañcaM0.208 kho a-sussusaṃ ,

Na koci adhigacchati ;

Bahussutaṃ anāgamma ,

Dhammaṭṭhaṃ a-vinibbhajaṃ .

99.

AdhippāyoM0.210 sudubbodho ,

Yasmā vijjati pāḷiyaṃ ;

Tasmā upaṭṭhahaṃ gaṇhe ,

Garuṃ garumataṃ vidū .

Issues

Naradakkhadīpanī

Naradakkhadīpanī