Sīla-niddesa
291.
Pamādaṃ
M0.526 bhayato disvā ,A-ppamādañca khemato ;
Bhāvetha aṭṭhaṅgikaṃ maggaṃ ,
Esā buddhānusāsanī .
292.
Hīnena
M0.528 brahma-cariyena ,Khattiye upapajjati ;
Majjhimena ca devattaṃ ,
Uttamena vi-sujjhati .
Ka .
Nagare
M0.532 bandhumatiyā ,Bandhumā nāma khattiyo ;
Divase puṇṇamāya so ,
Upagacchi uposathaṃ .
Kha .
Ahaṃ tena samayena ,
Gumbha-dāsī ahaṃ tahiṃ ;
Disvā sa-rājakaṃ senaṃ ,
Evāhaṃ cintayiṃ tadā .
Ga .
Rājāpi
M0.533 rajjaṃ chaṭṭetvā ,Upagacchi uposathaṃ ;
Sa-phalaṃ nūna taṃ kammaṃ ,
Jana-kāyo pamodito .
Gha .
Yoniso
M0.534 paccavekkhitvā ,Duggaccañca daliddataṃ ;
Mānasaṃ sampahaṃsitvā ,
Upagacchimu posathaṃ .
Ṅa .
Ahaṃ
M0.535 uposathaṃ katvā ,Sammā-sambuddhasāsane ;
Tena kammena su-katena ,
Tāvatiṃsaṃ agacchahaṃ .
Ca .
Tattha me su-kataṃ byamhaṃ ,
Ubbha-yojanamuggataṃ ;
Kūṭāgāra-varūpetaṃ ,
Mahāsanasu-bhūsitaṃ .
Cha .
Accharā
M0.536 sata-sahassā ,Upatiṭṭhanti maṃ sadā ;
Aññe deve atikkamma ,
Atirocāmi sabbadā .
Ja .
Catusaṭṭhi-deva-rājūnaṃ
M0.537 ,Mahesittamakārayiṃ ;
Tesaṭṭhi-cakkavattinaṃ ,
Mahesittamakārayiṃ .
Jha .
Suvaṇṇa-vaṇā
M0.538 hutvāna ,Bhavesu saṃsarāmahaṃ ;
Sabbattha pavarā homi ,
Uposathassidaṃ phalaṃ .
Ña .
Hatthi-yānaṃ assa-yānaṃ ,
Ratha-yānañca sivikaṃ ;
Labhāmi sabbametampi ,
Uposathassidaṃ phalaṃ .
Ṭa .
Soṇṇa-mayaṃ
M0.539 rūpi-mayaṃ ,Athopi phalikā-mayaṃ ;
Lohitaṅga-mayañceva ,
Sabbaṃ paṭilabhāmahaṃ .
Ṭha .
Koseyya-kambaliyāni
M0.540 ,Khoma-kappāsikāni ca ;
Mahagghāni ca vatthāni ,
Sabbaṃ paṭilabhāmahaṃ .
Ḍa .
Annaṃ
M0.541 pānaṃ khādanīyaṃ ,Vatthaṃ senāsanāni ca ;
Sabbametaṃ paṭilabhe ,
Uposathassidaṃ phalaṃ .
Ḍha .
Vara-gandhañca mālañca ,
Cuṇṇakañcha vilepanaṃ ;
Sabbametaṃ paṭilabhe ,
Uposathassidaṃ phalaṃ .
Ṇa .
Kūṭāgārañca
M0.542 pāsādaṃ ,Maṇḍapaṃ hammiyaṃ guhaṃ ;
Sabbametaṃ paṭilabhe ,
Uposathassidaṃ phalaṃ .
Ta .
Jātiyā
M0.543 satta-vassāhaṃ ,Pabbajiṃ ana-gāriyaṃ ;
Aḍḍha-māse a-sappatte ,
Ara hattaṃ apāpuṇiṃ .
Tha .
Kilesā
M0.544 jhāpitā mayhaṃ ,Bhavā sabbe samūhatā ;
Sabbāsava-parikkhīṇā ,
Natthi dāni puna-bbhavo .
Da .
Eka-navutito
M0.545 kappe ,Yaṃ kammamakariṃ tadā ;
Duggatiṃ nābhijānāmi ,
Uposathassidaṃ phalaṃ .
Dha .
Svāgataṃ
M0.546 vata me āsi ,Mama buddhassa santike ;
Tisso vijjā anu-pattā ,
Kataṃ buddhassa sāsanaṃ .
Na .
Paṭisambhidā catasso ,
Vimokāpi ca aṭṭhime ;
Chaḷābhiññā sacchikatā ,
Kataṃ buddhassa sāsanaṃ .
293.
Ñātīnañca
M0.547 piyo hoti ,Mittesu ca virocati ;
Kāyassa bhedā su-gatiṃ ,
Upapajjati sīlavā .
294.
Nibbānaṃ
M0.549 patthayantena samādinnaṃ ,Pañca-sīlampi adhi-sīlaṃ ;
Dasa-sīlampi adhi-sīlameva .
Ka .
Nagare
M0.554 candavatiyā ,Bhaṭako āsahaṃ tadā ;
Para-kammāyane yutto ,
Pabbajjaṃ na labhāmahaṃ .
Kha .
Mahandhakāra-pihitā
M0.555 ,Tividhaggīhi ḍayhare ;
Kena nukho upāyena ,
Vi-saṃyutto bhave ahaṃ .
Ga .
Deyyadhammo
M0.556 ca me natthi ,Bhaṭako dukkhito ahaṃ ;
Yaṃ nūnāhaṃ pañca-sīlaṃ ,
Rakkheyyaṃ paripūrayaṃ .
Gha .
Anomadassissa munino ,
Nisabho nāma sāvako ;
Tamahaṃ upasaṅkamma ,
Pañca-sikkhāpadaggahiṃ .
Ṅa .
Vassa-sata-sahassāni
M0.557 ,Āyu vijjati tāvade ;
Tāvatā pañca-sīlāni ,
Paripuṇṇāni gopayiṃ .
Ca .
Maccu-kālamhi
M0.558 sampatte ,Devā assāsayanti maṃ ;
Ratho sahassa-yutto te ,
Mārisassa upaṭṭhito .
Cha .
Vattante
M0.559 carime citte ,Mama sīlaṃ anussariṃ ;
Tena kammena su-katena ,
Tāvatiṃsaṃ agacchahaṃ .
Ja .
Tiṃsakhattuñca devindo ,
Deva-rajjamakārayiṃ ;
Dibba-sukhaṃ anubhaviṃ ,
Accharāhi purakkhatto .
Jha .
Pañca-sattatikhatttu-ñca
M0.560 ,Cakkavattī ahosahaṃ ;
Padesa-rajjaṃ vipulaṃ ,
Gaṇanāto a-saṅkhayaṃ .
Ña .
Deva-lokā
M0.561 cavitvāna ,Sukka-mūlena codito ;
Pure vesāliyaṃ jāto ,
Mahā-kule su-aḍḍhake .
Ṭa .
Vassūpanāyike kāle ,
Dibbante jina-sāsane ;
Mātā ca me pitā ceva ,
Pañca-sikkhāpadaggahuṃ .
Ṭha .
Saha
M0.562 sutvānahaṃ sīlaṃ ,Mama sīlaṃ anussariṃ ;
Ekāsane nisīditvā ,
Arahattamapāpuṇiṃ .
Ḍa .
Jātiyā
M0.563 pañca-vassena ,Arahattamapāpuṇiṃ ;
Upasampādayi buddho ,
Guṇamaññāya cakkhumā .
Ḍha .
Paripuṇṇāni
M0.564 gopetvā ,Pañca-sikkhāpadānahaṃ ;
A-parimeyyito kappe ,
Vinipātaṃ na gacchahaṃ .
Ṇa .
Svāhaṃ yasamanubhaviṃ ,
Tesaṃ sīlāna vāhasā ;
Kappa-koṭipi kittento ,
Kittaye eka-desakaṃ .
Ta .
Pañca-sīlāni
M0.565 gopetvā ,Tayo hetū labhāmahaṃ ;
Dīghāyuko mahā-bhogo ,
Tikkha-pañño bhavāmahaṃ .
Tha .
Saṃkittento
M0.566 ca sabbesaṃ ,Adhi-mattañca porisaṃ ;
Bhavābhave saṃsaritvā ,
Ete ṭhāne labhamahaṃ .
Da .
A-parimeyya-sīlesu
M0.567 ,Vattantā jina-sāvakā ;
Bhavesu yadi rajjeyyuṃ ,
Vipāko kīdiso bhave .
Dha .
Su-ciṇṇaṃ me pañca-sīlaṃ ,
Bhaṭakena tapassinā ;
Tena sīlenahaṃ ajja ,
Mocayiṃ sabba-bandhanā .
Na .
A-parimeyyito
M0.568 kappe ,Pañca-sīlāni gopayiṃ ;
Duggatiṃ nābhijānāmi ,
Pañca-sīlānidaṃ phalaṃ .
Pa .
Paṭisambhidā
M0.569 catasso ,Vimokkhāpi ca aṭṭhime ;
Chaḷābhiññā sacchikatā ,
Kataṃ buddhassa sāsanaṃ .
Ka .
Taṃ
M0.572 namassanti te vijjā ,Sabbe bhūmā ca khattiyā ;
Cattāro ca mahā-rājā ,
Tidasā ca yasassino ;
Atha ko nāma so yakkho ,
Yaṃ tvaṃ sakka namassasi .
Kha .
Maṃ
M0.574 namassanti te-vijjā ,Sabbe bhūmā ca khattiyā ;
Cattāro ca mahā-rājā ,
Tidasā ca yasassino .
Ga .
Ahañca
M0.575 sīla-sampanne ,Ciraratta-samāhite ;
Sammā pabbajite vande ,
Brahma-cariya parāyane .
Gha .
Ye
M0.576 gahaṭṭhā puñña-karā ,Sīlavanto upāsakā ;
Dhammena dāraṃ posenti ,
Te namassāmi mātali .
Ṅa .
Seṭṭhā
M0.577 hi kira lokasmiṃ ,Ye tvaṃ sakka namassasi ;
Ahampi te namassāmi ,
Ye namassasi vāsava .
1.
Pālitattheranāgena
M0.580 ,Visuddhārāmavāsinā ;
Suticchitānamatthāya ,
Katā naradakkhadīpanī .
2.
Pubbācariya-sīhānaṃ
M0.581 ,Ālambitvāna nissayaṃ ;
Pālito nāma yo thero ,
Imaṃ gantha su-lekhanī ;
Sundarameva passituṃ ,
Yuñjeyyāthīdha sādhave .
‘‘ Chappadikā ’’.
3.
Imaṃ
M0.582 ganthaṃ vācuggato ,Sace bhavasi māṇava ;
Puṇnamāyaṃ yathā cando ,
Ati-suddho virocati ;
Tatheva tvaṃ puṇṇa-mano ,
Viroca siriyā dhuvaṃ .
4.
Su-niṭṭhito
M0.583 ayaṃ gantho ,Sakkarāje dajhamphiye ;
Poṭṭhapādamhi sūramhi ,
Kālapakkhe catuddasiṃ .
5.
Sañcitetaṃ
M0.584 mayā puññaṃ ,Taṃ-kammena varena ca ;
Ciraṃ tiṭṭhatu saddhammo ,
A-verā hontu pāṇino .
6.
Imaṃ
M0.585 ganthaṃ passitvāna ,Hontu sabbepi jantuno ;
Sukhitā dhammikā ñāṇī ,
Dhammaṃ pāletu patthivo .
7.
Nibbānaṃ
M0.586 patthayantena ,Sīlaṃ rakkhantu sajjanā ;
Ñatvā dhammaṃ sukhāvahaṃ ,
Pāpuṇantu anāsavaṃ .
8.
Aṭṭha-kaṇḍa-maṇḍitāya
M0.587 ,Dakkhaya attha-dīpako ;
Nara-sāro ayaṃ gantho ,
Cira-kālaṃ patiṭṭhatu .
9.
Yāvatā canda-sūriyā ,
Nāgaccheyyuṃ mahī-tale ;
Pamoditā imaṃ ganthaṃ ,
Dissantu naya-kovidā .
10.
Sammā
M0.588 chandenimaṃ gantha ,Vācentā pariyāpuṇā ;
Pasannenānāyāsena ,
Patvā sukhena kovidaṃ .
11.
Candādiccāva
M0.589 ākāse ,Bahussutehi sampadā ;
Visesa-puggalā hutvā ,
Pappontu amataṃ padaṃ .
12.
Ukkaṭṭha-dhamma-dānena
M0.590 ,Pāpuṇeyyamanuttaraṃ ;
Liṅga-sampatti-medhāvī ,
Takkī-paññā su-pesalī .