Suttasādhanavaṇṇanā
296. Na
V0.151 vattabbaṃ ‘‘ atītaṃ atthi anāgataṃ atthī ’’ ti suttasādhanāya pucchā paravādissa , paṭiññā sakavādissa .Puna attano laddhiṃ nissāya yaṃkiñci , bhikkhave , rūpan ti anuyogo paravādisseva .
Dutiyanaye pucchā sakavādissa , paṭiññā itarassa .
Evaṃ sabbattha pucchā ca paṭiññā ca veditabbā .
Yaṃ panetaṃ paravādinā anāgatassa atthibhāvasādhanatthaṃ ‘‘ nanu vuttaṃ bhagavatā kabaḷīkāre , ce , bhikkhave ’’ ti suttassa pariyosāne atthi tattha āyatiṃ punabbhavābhinibbattītiādi dassitaṃ na taṃ anāgatassa atthibhāvasādhakaṃ
M0.156 .Tañhi hetūnaṃ pariniṭṭhitattā avassaṃ bhāvitaṃ sandhāya tattha vuttaṃ .
Ayaṃ suttādhippāyo .
Sesaṃ sabbattha uttānatthamevāti .
Sabbamatthītikathāvaṇṇanā niṭṭhitā .