10. Saṃvarakathāvaṇṇanā
379. Idāni saṃvarakathā nāma hoti .
Tattha yesaṃ tāvatiṃse deve upādāya tatuttari devesu yasmā te pañca verāni na samācaranti , tasmā saṃvaro atthīti laddhi , te sandhāya pucchā
V0.171 sakavādissa , verasamudācāraṃ apassato paṭiññā itarassa .Tato yasmā saṃvaro nāma saṃvaritabbe asaṃvare sati hoti , tasmā asaṃvarapucchā sakavādissa , devesu pāṇātipātādīnaṃ abhāvena paṭikkhepo itarassa .
Atthi manussesūtiādi saṃvare sati asaṃvarassa asaṃvare ca sati saṃvarassa pavattidassanatthaṃ vuttaṃ .
380. Pāṇātipātā veramaṇīti ādipañhesu pāṇātipātādīnaṃ asamācaraṇavasena paṭiññā , pāṇātipātādīnaṃ natthitāya paṭikkhepo veditabbo .
Paṭilomapañhā uttānatthāyeva .
Avasāne natthi devesu saṃvaro tipañhe
P0.72 pāṇātipātādīni katvā puna tato saṃvarābhāvaṃ sandhāya paṭiññā sakavādissa .Tato chalavasena
M0.176 yadi saṃvaro natthi , sabbe devā pāṇātipātinotiādipucchā paravādissa .Devānaṃ verasamudācārassa abhāvena paṭikkhepo sakavādissa .
Nahevan ti vacanamattaṃ gahetvā laddhipatiṭṭhāpanaṃ paravādissa .
Evaṃ patiṭṭhitā pana laddhi appatiṭṭhitāva hotīti .
Saṃvarakathāvaṇṇanā .