8. Ambavimānavatthu

Tác giả： _System_Pali_VRI_ @ Administrator

783.

‘‘ DibbaṃP0.67 te ambavanaṃ rammaṃ , pāsādettha mahallako ;

Nānāturiyasaṅghuṭṭho , accharāgaṇaghosito .

784.

‘‘ Padīpo cettha jalati , niccaṃ sovaṇṇayo mahā ;

Dussaphalehi rukkhehi , samantā parivārito .

785.

‘‘ KenaM0.65 tetādiso vaṇṇo … pe … vaṇṇo ca te sabbadisā pabhāsatī ’’ ti ;

787.

Sā devatā attamanā … pe …T0.81 yassa kammassidaṃ phalaṃ .

788.

‘‘ Ahaṃ manussesu manussabhūtā , purimāya jātiyā manussaloke ;

Vihāraṃ saṅghassa kāresiṃ , ambehi parivāritaṃ .

789.

‘‘ Pariyosite vihāre , kārente niṭṭhite mahe ;

Ambehi chādayitvāna [ ambe acchādayitvāna ( sī . syā .), ambehacchādayitvāna ( pī . ka .)], katvā dussamaye phale .

790.

‘‘ Padīpaṃ tattha jāletvā , bhojayitvā gaṇuttamaṃ ;

Niyyādesiṃ taṃ saṅghassa , pasannā sehi pāṇibhi .

791.

‘‘ Tena me ambavanaṃ rammaṃ , pāsādettha mahallako ;

Nānāturiyasaṅghuṭṭho , accharāgaṇaghosito .

792.

‘‘ PadīpoP0.68 cettha jalati , niccaṃ sovaṇṇayo mahā ;

Dussaphalehi rukkhehi , samantā parivārito .

793.

‘‘ Tena metādiso vaṇṇo … pe … vaṇṇo ca me sabbadisā pabhāsatī ’’ ti .

Ambavimānaṃ aṭṭhamaṃ .