3. Chattamāṇavakavimānavatthu
886.
‘‘ Ye
P0.80 vadataṃ pavaro manujesu , sakyamunī bhagavā katakicco ;Pāragato balavīriyasamaṅgī [ balavīrasamaṅgī ( ka .)], taṃ sugataṃ saraṇatthamupehi .
887.
‘‘ Rāgavirāgamanejamasokaṃ , dhammamasaṅkhatamappaṭikūlaṃ ;
Madhuramimaṃ paguṇaṃ suvibhattaṃ , dhammamimaṃ saraṇatthamupehi .
888.
‘‘ Yattha
P0.81 ca dinna mahapphalamāhu , catūsu sucīsu purisayugesu ;Aṭṭha ca puggaladhammadasā te , saṅghamimaṃ saraṇatthamupehi .
889.
‘‘ Na
M0.77 tathā tapati nabhe sūriyo , cando ca na bhāsati na phusso ;Yathā atulamidaṃ mahappabhāsaṃ , ko
T0.95 nu tvaṃ tidivā mahiṃ upāgā . 890.
‘‘ Chindati
V0.58 raṃsī pabhaṅkarassa , sādhikavīsatiyojanāni ābhā ;Rattimapi yathā divaṃ karoti , parisuddhaṃ vimalaṃ subhaṃ vimānaṃ .
891.
‘‘ Bahupadumavicitrapuṇḍarīkaṃ , vokiṇṇaṃ kusumehi nekacittaṃ ;
Arajavirajahemajālachannaṃ , ākāse tapati yathāpi sūriyo .
892.
‘‘ Rattambarapītavasasāhi , agarupiyaṅgucandanussadāhi ;
Kañcanatanusannibhattacāhi , paripūraṃ gaganaṃva tārakāhi .
893.
‘‘ Naranāriyo [ naranārī ( ka .), nāriyo (?)] bahuketthanekavaṇṇā , kusumavibhūsitābharaṇettha sumanā ;
Anilapamuñcitā pavanti [ pavāyanti ( ka .)] surabhiṃ , tapaniyavitatā suvaṇṇachannā [ suvaṇṇacchādanā ( sī .)].
894.
‘‘ Kissa saṃyamassa [ samadamassa ( sī .)] ayaṃ vipāko , kenāsi kammaphalenidhūpapanno ;
Yathā
T0.96 ca te adhigatamidaṃ vimānaṃ , tadanupadaṃ avacāsi iṅgha puṭṭho ’’ ti . 895.
‘‘ Sayamidha [ yamidha ( sī . syā . pī .)] pathe samecca māṇavena , satthānusāsi anukampamāno ;
Tava ratanavarassa dhammaṃ sutvā , karissāmīti ca bravittha chatto .
896.
‘‘ Jinavarapavaraṃ
M0.78 [ jinapavaraṃ ( syā . ka .)] upehi [ upemi ( bahūsu )] saraṇaṃ , dhammañcāpi tatheva bhikkhusaṅghaṃ ;Noti paṭhamaṃ avocahaṃ [ avocāhaṃ ( sī . syā . ka .)] bhante , pacchā te vacanaṃ tathevakāsiṃ .
897.
‘‘ Mā ca pāṇavadhaṃ vividhaṃ carassu asuciṃ ,
Na hi pāṇesu asaññataṃ avaṇṇayiṃsu sappaññā ;
Noti paṭhamaṃ avocahaṃ bhante ,
Pacchā te vacanaṃ tathevakāsiṃ .
898.
‘‘ Mā
P0.82 ca parajanassa rakkhitampi , ādātabbamamaññitho [ mamaññittha ( sī . pī .)] adinnaṃ ;Noti paṭhamaṃ avocahaṃ bhante , pacchā vacanaṃ tathevakāsiṃ .
899.
‘‘ Mā ca parajanassa rakkhitāyo , parabhariyā agamā anariyametaṃ ;
Noti paṭhamaṃ avocahaṃ bhante , pacchā te vacanaṃ tathevakāsiṃ ;
900.
‘‘ Mā ca vitathaṃ aññathā abhāṇi ,
Na
T0.97 hi musāvādaṃ avaṇṇayiṃsu sappaññā ;Noti paṭhamaṃ avocahaṃ bhante , pacchā te vacanaṃ tathevakāsiṃ .
901.
‘‘ Yena ca purisassa apeti saññā , taṃ majjaṃ parivajjayassu sabbaṃ ;
Noti paṭhamaṃ avocahaṃ bhante , pacchā te vacanaṃ tathevakāsiṃ .
902.
‘‘ Svāhaṃ idha pañca sikkhā karitvā , paṭipajjitvā tathāgatassa dhamme ;
Dvepathamagamāsiṃ coramajjhe , te maṃ tattha vadhiṃsu bhogahetu .
903.
‘‘ Ettakamidaṃ
M0.79V0.59 anussarāmi kusalaṃ , tato paraṃ na me vijjati aññaṃ ;Tena sucaritena kammunāhaṃ [ kammanāhaṃ ( sī .)], uppanno [ upapanno ( bahūsu )] tidivesu kāmakāmī .
904.
‘‘ Passa khaṇamuhuttasaññamassa , anudhammappaṭipattiyā vipākaṃ ;
Jalamiva yasasā samekkhamānā , bahukā maṃ pihayanti hīnakammā .
905.
‘‘ Passa katipayāya desanāya , sugatiñcamhi
T0.98 gato sukhañca patto ;Ye ca te satataṃ suṇanti dhammaṃ , maññe te amataṃ phusanti khemaṃ .
906.
‘‘ Appampi kataṃ mahāvipākaṃ , vipulaṃ hoti [ vipulaphalaṃ ( ka .)] tathāgatassa dhamme ;
Passa katapuññatāya chatto , obhāseti pathaviṃ yathāpi sūriyo .
907.
‘‘ Kimidaṃ kusalaṃ kimācarema , icceke hi samecca mantayanti ;
Te mayaṃ punareva [ punapi (?)] laddha mānusattaṃ , paṭipannā viharemu sīlavanto .
908.
‘‘ Bahukāro
P0.83 anukampako ca satthā , iti me sati agamā divā divassa ;Svāhaṃ upagatomhi saccanāmaṃ , anukampassu punapi suṇemu [ suṇoma ( sī .), suṇomi ( syā .)] dhammaṃ .
909.
‘‘ Ye
M0.80 cidha [ yedha ( sī . syā . pī .), ye idha ( ka .)] pajahanti kāmarāgaṃ , bhavarāgānusayañca pahāya mohaṃ ;Na ca te punamupenti gabbhaseyyaṃ , parinibbānagatā hi sītibhūtā ’’ ti .
Chattamāṇavakavimānaṃ tatiyaṃ .