问题
编辑器
设置
版本
选择版本
နိဿယ
မြန်မာဘာသာ
Vimānavatthupāḷi
Vimānavatthupāḷi

6. Pāyāsivaggo

作者： _System_Pali_VRI_ @ Administrator

6. Pāyāsivaggo

1. Paṭhamaagāriyavimānavatthu

1048.
‘‘ YathāT0.117V0.70P0.101 vanaṃ cittalataṃ pabhāsati [ pakāsati ( ka .)], uyyānaseṭṭhaṃ tidasānamuttamaṃ ;
Tathūpamaṃ tuyhamidaṃ vimānaṃ , obhāsayaṃ tiṭṭhati antalikkhe .
1049.
‘‘ Deviddhipattosi mahānubhāvo , manussabhūto kimakāsi puññaṃ ;
Kenāsi evaṃ jalitānubhāvo , vaṇṇo ca te sabbadisā pabhāsatī ’’ ti .
1050.
SoM0.96 devaputto attamano , moggallānena pucchito ;
Pañhaṃ puṭṭho viyākāsi , yassa kammassidaṃ phalaṃ .
1051.
‘‘ Ahañca bhariyā ca manussaloke , opānabhūtā gharamāvasimha ;
Annañca pānañca pasannacittā , sakkacca dānaṃ vipulaṃ adamha .
1052.
‘‘ Tena metādiso vaṇṇo … pe … vaṇṇo ca me sabbadisā pabhāsatī ’’ ti .
Paṭhamaagāriyavimānaṃ paṭhamaṃ .

2. Dutiyaagāriyavimānavatthu

1054.
‘‘ YathāP0.102 vanaṃ cittalataṃ pabhāsati , uyyānaseṭṭhaṃ tidasānamuttamaṃ ;
TathūpamaṃT0.118 tuyhamidaṃ vimānaṃ , obhāsayaṃ tiṭṭhati antalikkhe .
1055.
‘‘ Deviddhipattosi mahānubhāvo , manussabhūto kimakāsi puññaṃ ;
Kenāsi evaṃ jalitānubhāvo , vaṇṇo ca te sabbadisā pabhāsatī ’’ ti .
1056.
So devaputto attamano … pe … yassa kammassidaṃ phalaṃ .
1057.
‘‘ Ahañca bhariyā ca manussaloke , opānabhūtā gharamāvasimha ;
Annañca pānañca pasannacittā , sakkacca dānaṃ vipulaṃ adamha .
1058.
‘‘ Tena metādiso vaṇṇo … pe … vaṇṇo ca me sabbadisā pabhāsatī ’’ ti .
Dutiyaagāriyavimānaṃ dutiyaṃ .

3. Phaladāyakavimānavatthu

1060.
‘‘ UccamidaṃV0.71M0.97P0.103 maṇithūṇaṃ vimānaṃ , samantato soḷasa yojanāni ;
Kūṭāgārā sattasatā uḷārā , veḷuriyathambhā rucakatthatā subhā .
1061.
‘‘ Tatthacchasi pivasi khādasi ca , dibbāT0.119 ca vīṇā pavadanti vagguṃ ;
Aṭṭhaṭṭhakā sikkhitā sādhurūpā , dibbā ca kaññā tidasacarā uḷārā ;
Naccanti gāyanti pamodayanti .
1062.
‘‘ Deviddhipattosi mahānubhāvo , manussabhūto kimakāsi puññaṃ ;
Kenāsi evaṃ jalitānubhāvo , vaṇṇo ca te sabbadisā pabhāsatī ’’ ti .
1063.
So devaputto attamano … pe … yassa kammassidaṃ phalaṃ .
1064.
‘‘ Phaladāyī phalaṃ vipulaṃ labhati , dadamujugatesu pasannamānaso ;
So hi pamodati [ modati ( sī . syā . pī .)] saggagato tidive [ tattha ( ka .)], anubhoti ca puññaphalaṃ vipulaṃ .
1065.
‘‘ Tavevāhaṃ [ tathevāhaṃ ( sī . syā . pī .)] mahāmuni , adāsiṃ caturo phale .
1066.
‘‘ Tasmā hi phalaṃ alameva dātuṃ , niccaṃ manussena sukhatthikena ;
Dibbāni vā patthayatā sukhāni , manussasobhaggatamicchatā vā .
1067.
‘‘ TenaT0.120 metādiso vaṇṇo … pe …
Vaṇṇo ca me sabbadisā pabhāsatī ’’ ti .
Phaladāyakavimānaṃ tatiyaṃ .

4. Paṭhamaupassayadāyakavimānavatthu

1069.
‘‘ CandoM0.98P0.104 yathā vigatavalāhake nabhe , obhāsayaṃ gacchati antalikkhe ;
Tathūpamaṃ tuyhamidaṃ vimānaṃ , obhāsayaṃ tiṭṭhati antalikkhe .
1070.
‘‘ Deviddhipattosi mahānubhāvā , manussabhūto kimakāsi puññaṃ ;
Kenāsi evaṃ jalitānubhāvo , vaṇṇo ca te sabbadisā pabhāsatī ’’ ti .
1071.
So devaputto attamano … pe … yassa kammassidaṃ phalaṃ .
1072.
‘‘ Ahañca bhariyā ca manussaloke , upassayaṃ arahato adamha ;
Annañca pānañca pasannacittā , sakkacca dānaṃ vipulaṃ adamha .
1073.
‘‘ TenaV0.72 metādiso vaṇṇo … pe … vaṇṇo ca me sabbadisā pabhāsatī ’’ ti .
Paṭhamaupassayadāyakavimānaṃ catutthaṃ .

5. Dutiyaupassayadāyakavimānavatthu

1075.
SūriyoT0.121P0.105 yathā vigatavalāhake nabhe … pe ….
( Yathā purimavimānaṃ tathā vitthāretabbaṃ ).
1079.
‘‘ Tena metādiso vaṇṇo … pe … vaṇṇo ca me sabbadisā pabhāsatī ’’ ti .
Dutiyaupassayadāyakavimānaṃ pañcamaṃ .

6. Bhikkhādāyakavimānavatthu

1081.
‘‘ UccamidaṃM0.99 maṇithūṇaṃ vimānaṃ , samantato dvādasa yojanāni ;
Kūṭāgārā sattasatā uḷārā , veḷuriyathambhā rucakatthatā subhā .
1082.
‘‘ DeviddhipattosiP0.106 mahānubhāvo , manussabhūto kimakāsi puññaṃ ;
Kenāsi evaṃ jalitānubhāvo , vaṇṇo ca te sabbadisā pabhāsatī ’’ ti .
1083.
So devaputto attamano … pe … yassa kammassidaṃ phalaṃ .
1084.
‘‘ Ahaṃ manussesu manussabhūto , disvāna bhikkhuṃ tasitaṃ kilantaṃ ;
Ekāhaṃ bhikkhaṃ paṭipādayissaṃ , samaṅgi bhattena tadā akāsiṃ .
1085.
‘‘ TenaT0.122 metādiso vaṇṇo … pe … vaṇṇo ca me sabbadisā pabhāsatī ’’ ti .
Bhikkhādāyakavimānaṃ chaṭṭhaṃ .

7. Yavapālakavimānavatthu

1087.
‘‘ Uccamidaṃ maṇithūṇaṃ vimānaṃ … pe … vaṇṇo ca te sabbadisā pabhāsatī ’’ ti .
1089.
So devaputto attamano … pe … yassa kammassidaṃ phalaṃ .
1090.
‘‘ AhaṃV0.73 manussesu manussabhūto , ahosiṃ yavapālako ;
Addasaṃ virajaṃ bhikkhuṃ , vippasannamanāvilaṃ .
1091.
‘‘ TassaP0.107 adāsahaṃ bhāgaṃ , pasanno sehi pāṇibhi ;
Kummāsapiṇḍaṃ datvāna , modāmi nandane vane .
1092.
‘‘ TenaM0.100 metādiso vaṇṇo … pe … vaṇṇo ca me sabbadisā pabhāsatī ’’ ti .
Yavapālakavimānaṃ sattamaṃ .

8. Paṭhamakuṇḍalīvimānavatthu

1094.
‘‘ Alaṅkato malyadharo suvattho , sukuṇḍalī kappitakesamassu ;
Āmuttahatthābharaṇo yasassī , dibbeT0.123 vimānamhi yathāpi candimā .
1095.
‘‘ Dibbā ca vīṇā pavadanti vagguṃ , aṭṭhaṭṭhakā sikkhitā sādhurūpā ;
Dibbā ca kaññā tidasacarā uḷārā , naccanti gāyanti pamodayanti .
1096.
‘‘ Deviddhipattosi mahānubhāvo , manussabhūto kimakāsi puññaṃ ;
Kenāsi evaṃ jalitānubhāvo , vaṇṇo ca te sabbadisā pabhāsatī ’’ ti .
1097.
So devaputto attamano … pe … yassa kammassidaṃ phalaṃ .
1098.
‘‘ Ahaṃ manussesu manussabhūto , disvāna samaṇe sīlavante ;
Sampannavijjācaraṇe yasassī , bahussute taṇhakkhayūpapanne ;
Annañca pānañca pasannacitto , sakkacca dānaṃ vipulaṃ adāsiṃ .
1099.
‘‘ TenaP0.108 metādiso vaṇṇo … pe … vaṇṇo ca me sabbadisā pabhāsatī ’’ ti .
Paṭhamakuṇḍalīvimānaṃ aṭṭhamaṃ .

9. Dutiyakuṇḍalīvimānavatthu

1101.
‘‘ AlaṅkatoT0.124M0.101 malyadharo suvattho , sukuṇḍalī kappitakesamassu ;
Āmuttahatthābharaṇo yasassī , dibbe vimānamhi yathāpi candimā .
1102.
‘‘ Dibbā ca vīṇā pavadanti vagguṃ , aṭṭhaṭṭhakā sikkhitā sādhurūpā ;
Dibbā ca kaññā tidasacarā uḷārā , naccanti gāyanti pamodayanti .
1103.
‘‘ Deviddhipattosi mahānubhāvo , manussabhūto kimakāsi puññaṃ ;
Kenāsi evaṃ jalitānubhāvo , vaṇṇo ca te sabbadisā pabhāsatī ’’ ti .
1104.
So devaputto attamano … pe … yassa kammassidaṃ phalaṃ .
1105.
‘‘ AhaṃV0.74 manussesu manussabhūto , disvāna samaṇe sādhurūpe [ sīlavante ( ka .)];
Sampannavijjācaraṇe yasassī , bahussute sīlavante pasanne [ sīlavatūpapanne ( ka . sī . ka .)];
Annañca pānañca pasannacitto , sakkaccaT0.125 dānaṃ vipulaṃ adāsiṃ .
1106.
‘‘ TenaP0.109 metādiso vaṇṇo … pe … vaṇṇo ca me sabbadisā pabhāsatī ’’ ti .
Dutiyakuṇḍalīvimānaṃ navamaṃ .

10.( Uttara ) pāyāsivimānavatthu

1108.
‘‘ YāM0.102 devarājassa sabhā sudhammā , yatthacchati devasaṅgho samaggo ;
Tathūpamaṃ tuyhamidaṃ vimānaṃ , obhāsayaṃ tiṭṭhati antalikkhe .
1109.
‘‘ Deviddhipattosi mahānubhāvo , manussabhūto kimakāsi puññaṃ ;
Kenāsi evaṃ jalitānubhāvo , vaṇṇo ca te sabbadisā pabhāsatī ’’ ti .
1110.
So devaputto attamano … pe … yassa kammassidaṃ phalaṃ .
1111.
‘‘ Ahaṃ manussesu manussabhūto , rañño pāyāsissa ahosiṃ māṇavo ;
Laddhā dhanaṃ saṃvibhāgaṃ akāsiṃ , piyā ca me sīlavanto ahesuṃ ;
Annañca pānañca pasannacitto , sakkaccaT0.126 dānaṃ vipulaṃ adāsiṃ .
1112.
‘‘ Tena metādiso vaṇṇo … pe .
P0.110 … vaṇṇo ca me sabbadisā pabhāsatī ’’ ti .
( Uttara ) pāyāsivimānaṃ [ uttaravimānaṃ ( sī . syā . aṭṭha .)] dasamaṃ .
Pāyāsivaggo chaṭṭho niṭṭhito .
Tassuddānaṃ –
Dve agārino phaladāyī , dve upassayadāyī bhikkhāya dāyī ;
Yavapālako ceva dve , kuṇḍalino pāyāsīti [ pāṭhabhedo natthi ];
Purisānaṃ dutiyo vaggo pavuccatīti .