14. Mahārathavimānavatthu

1015.

‘‘ SahassayuttaṃV0.67P0.94 hayavāhanaṃ subhaṃ , āruyhimaṃ sandanaṃ nekacittaṃ ;

Uyyānabhūmiṃ abhito anukkamaṃ , purindado bhūtapatīva vāsavo .

1016.

‘‘ Sovaṇṇamayā te rathakubbarā ubho , phalehi [ thalehi ( sī .)] aṃsehi atīva saṅgatā ;

Sujātagumbā naravīraniṭṭhitā , virocatī pannaraseva cando .

1017.

‘‘ SuvaṇṇajālāvatatoM0.91 ratho ayaṃ , bahūhi nānāratanehi cittito ;

Sunandighoso ca subhassaro ca , virocatī cāmarahatthabāhubhi .

1018.

‘‘ Imā ca nābhyo manasābhinimmitā , rathassa pādantaramajjhabhūsitā ;

Imā ca nābhyo satarājicittitā , sateratā vijjurivappabhāsare .

1019.

‘‘ AnekacittāvatatoT0.111 ratho ayaṃ , puthū ca nemī ca sahassaraṃsiko ;

Tesaṃ saro suyyati [ sūyati ( sī .)] vaggurūpo , pañcaṅgikaṃ turiyamivappavāditaṃ .

1020.

‘‘ SirasmiṃP0.95 cittaṃ maṇicandakappitaṃ , sadā visuddhaṃ ruciraṃ pabhassaraṃ ;

Suvaṇṇarājīhi atīva saṅgataṃ , veḷuriyarājīva atīva sobhati .

1021.

‘‘ Ime ca vāḷī maṇicandakappitā , ārohakambū sujavā brahūpamā .

Brahā mahantā balino mahājavā , mano tavaññāya tatheva siṃsare [ sabbare ( ka .), sappare (?)].

1022.

‘‘ Ime ca sabbe sahitā catukkamā , mano tavaññāya tatheva siṃsare ;

Samaṃ vahantā mudukā anuddhatā , āmodamānā turagāna [ turaṅgāna ( ka .)] muttamā .

1023.

‘‘ Dhunanti vagganti patanti [ pavattanti ( pī . ka .)] cambare , abbhuddhunantā sukate piḷandhane ;

Tesaṃ saro suyyati vaggurūpo , pañcaṅgikaṃT0.112 turiyamivappavāditaṃ .

1024.

‘‘ RathassaM0.92 ghoso apiḷandhanāna ca , khurassa nādo [ nādī ( syā .), nādi ( pī . ka .)] abhihiṃsanāya ca ;

Ghoso suvaggū samitassa suyyati , gandhabbatūriyāni vicitrasaṃvane .

1025.

‘‘ Rathe ṭhitā tā migamandalocanā , āḷārapamhā hasitā piyaṃvadā ;

Veḷuriyajālāvatatā tanucchavā , sadeva gandhabbasūraggapūjitā .

1026.

‘‘ Tā rattarattambarapītavāsasā , visālanettā abhirattalocanā ;

Kule sujātā sutanū sucimhitā , rathe ṭhitā pañjalikā upaṭṭhitā .

1027.

‘‘ Tā kambukeyūradharā suvāsasā , sumajjhimā ūruthanūpapannā ;

Vaṭṭaṅguliyo sumukhā sudassanā , rathe ṭhitā pañjalikā upaṭṭhitā .

1028.

‘‘ Aññā suveṇī susu missakesiyo , samaṃ vibhattāhi pabhassarāhi ca ;

Anubbatā tā tava mānase ratā , rathe ṭhitā pañjalikā upaṭṭhitā .

1029.

‘‘ ĀveḷiniyoV0.68 padumuppalacchadā , alaṅkatā candanasāravāsitā [ vositā ( syā .), bhūsitā ( ka .)];

AnubbatāT0.113 tā tava mānase ratā , rathe ṭhitā pañjalikā upaṭṭhitā .

1030.

‘‘ TāP0.96 māliniyo padumuppalacchadā , alaṅkatā candanasāravāsitā ;

Anubbatā tā tava mānase ratā , rathe ṭhitā pañjalikā upaṭṭhitā .

1031.

‘‘ KaṇṭhesuM0.93 te yāni piḷandhanāni , hatthesu pādesu tatheva sīse ;

Obhāsayantī dasa sabbaso disā , abbhuddayaṃ sāradikova bhāṇumā .

1032.

‘‘ Vātassa vegena ca sampakampitā , bhujesu mālā apiḷandhanāni ca ;

Muñcanti ghosaṃ rūciraṃ suciṃ subhaṃ , sabbehi viññūhi sutabbarūpaṃ .

1033.

‘‘ Uyyānabhūmyā ca duvaddhato ṭhitā , rathāT0.114 ca nāgā tūriyāni ca saro ;

Tameva devinda pamodayanti , vīṇā yathā pokkharapattabāhubhi .

1034.

‘‘ Imāsu vīṇāsu bahūsu vaggūsu , manuññarūpāsu hadayeritaṃ pītiṃ [ hadayeritaṃ pati ( sī .), hadayeritampi taṃ ( syā .)];

Pavajjamānāsu atīva accharā , bhamanti kaññā padumesu sikkhitā .

1035.

‘‘ Yadā ca gītāni ca vāditāni ca , naccāni cimāni [ cemāni ( sī .)] samenti ekato ;

Athettha naccanti athettha accharā , obhāsayantī ubhato varitthiyo .

1036.

‘‘ So modasi turiyagaṇappabodhano , mahīyamāno vajirāvudhoriva ;

Imāsu vīṇāsu bahūsu vaggūsu , manuññarūpāsu hadayeritaṃ pītiṃ .

1037.

‘‘ Kiṃ tvaṃ pure kammamakāsi attanā , manussabhūto purimāya jātiyā ;

Uposathaṃ kaṃ vā [ uposathaṃ kiṃ va ( syā .)] tuvaṃ upāvasi , kaṃ [ kiṃ ( syā .)] dhammacariyaṃ vatamābhirocayi .

1038.

‘‘ NayīdamappassaM0.94 katassa [ nayidaṃ appassa katassa ( sī . syā .), sāsedaṃ appakatassa ( ka .)] kammuno , pubbe suciṇṇassa uposathassa vā ;

IddhānubhāvoT0.115 vipulo ayaṃ tava , yaṃ devasaṅghaṃ abhirocase bhusaṃ .

1039.

‘‘ Dānassa te idaṃ phalaṃ , atho sīlassa vā pana ;

Atho añjalikammassa , taṃ me akkhāhi pucchito ’’ ti .

1040.

SoP0.97 devaputto attamano , moggallānena pucchito ;

Pañhaṃ puṭṭho viyākāsi , yassa kammassidaṃ phalanti .

1041.

‘‘ Jitindriyaṃ buddhamanomanikkamaṃ , naruttamaṃ kassapamaggapuggalaṃ ;

Avāpurantaṃ amatassa dvāraṃ , devātidevaṃ satapuññalakkhaṇaṃ .

1042.

‘‘ Tamaddasaṃ kuñjaramoghatiṇṇaṃ , suvaṇṇasiṅgīnadabimbasādisaṃ ;

Disvāna taṃ khippamahuṃ sucīmano , tameva disvāna subhāsitaddhajaṃ .

1043.

‘‘ Tamannapānaṃ athavāpi cīvaraṃ , suciṃ paṇītaṃ rasasā upetaṃ ;

Pupphābhikkiṇamhi sake nivesane , patiṭṭhapesiṃ sa asaṅgamānaso .

1044.

‘‘ TamannapānenaV0.69 ca cīvarena ca , khajjena bhojjena ca sāyanena ca ;

SantappayitvāT0.116 dvipadānamuttamaṃ , so saggaso devapure ramāmahaṃ .

1045.

‘‘ Etenupāyena imaṃ niraggaḷaṃ , yaññaṃ yajitvā tividhaṃ visuddhaṃ .

Pahāyahaṃ mānusakaṃ samussayaṃ , indūpamo [ indassamo ( syā . ka .)] devapure ramāmahaṃ .

1046.

‘‘ ĀyuñcaM0.95 vaṇṇañca sukhaṃ balañca , paṇītarūpaṃ abhikaṅkhatā muni ;

Annañca pānañca bahuṃ susaṅkhataṃ , patiṭṭhapetabbamasaṅgamānase .

1047.

[ kathā .799]‘‘ Nayimasmiṃ loke parasmiṃ [ nayimasmiṃ vā loke parasmiṃ ( kathāvatthu 799), nayimasmi loke va parasmi (?)] vā pana , buddhena seṭṭho va samo va vijjati ;

Āhuneyyānaṃ [ yamāhuneyyānaṃ ( ka .)] paramāhutiṃ gato , puññatthikānaṃ vipulapphalesinan ’’ ti .

Mahārathavimānaṃ cuddasamaṃ .

Mahārathavaggo pañcamo niṭṭhito .

TassuddānaṃP0.100 –

Maṇḍūko revatī chatto , kakkaṭo dvārapālako ;

Dve karaṇīyā dve sūci , tayo nāgā ca dve rathā ;

Purisānaṃ paṭhamo vaggo pavuccatīti .

Bhāṇavāraṃ tatiyaṃ niṭṭhitaṃ .

Issues

Chọn phiên bản

Vimānavatthupāḷi

Vimānavatthupāḷi