7. Dutiyakaraṇīyavimānavatthu
935.
‘‘ Uccamidaṃ
M0.83 maṇithūṇaṃ vimānaṃ , samantato dvādasa yojanāni ;Kūṭāgārā sattasatā uḷārā , veḷuriyathambhā rucakatthatā subhā .
936.
‘‘ Tatthacchasi pivasi khādasi ca , dibbā ca vīṇā pavadanti vagguṃ ;
Dibbā rasā kāmaguṇettha pañca , nāriyo ca naccanti suvaṇṇachannā .
937.
‘‘ Kena tetādiso vaṇṇo … pe … vaṇṇo ca te sabbadisā pabhāsatī ’’ ti .
939.
So devaputto attamano … pe … yassa kammassidaṃ phalaṃ .
940.
‘‘ Karaṇīyāni puññāni , paṇḍitena vijānatā ;
Sammaggatesu bhikkhūsu , yattha dinnaṃ mahapphalaṃ .
941.
‘‘ Atthāya vata me bhikkhu , araññā gāmamāgato ;
Tattha cittaṃ pasādetvā , tāvatiṃsūpago ahaṃ .
942.
‘‘ Tena
P0.87 metādiso vaṇṇo … pe …Vaṇṇo ca me sabbadisā pabhāsatī ’’ ti .
Dutiyakaraṇīyavimānaṃ sattamaṃ .