4. Kakkaṭakarasadāyakavimānavatthu
910.
‘‘ Uccamidaṃ
T0.99P0.84 maṇithūṇaṃ vimānaṃ , samantato dvādasa yojanāni ;Kūṭāgārā sattasatā uḷārā , veḷuriyathambhā rucakatthatā [ ruciratthatā ( syā . ka .)646 gāthāyaṃ ‘‘ rucakupakiṇṇaṃ ’’ ti padassa saṃvaṇṇanā passitabbā ] subhā .
911.
‘‘ Tatthacchasi
P0.85 pivasi khādasi ca , dibbā ca vīṇā pavadanti vagguṃ [ vaggu ( sī . ka .), vaggū ( syā .)];Dibbā rasā kāmaguṇettha pañca , nāriyo ca naccanti suvaṇṇachannā .
912.
‘‘ Kena tetādiso vaṇṇo , kena te idha mijjhati ;
Uppajjanti ca te bhogā , ye keci manaso piyā .
913.
‘‘ Pucchāmi taṃ deva mahānubhāva , manussabhūto kimakāsi puññaṃ ;
Kenāsi evaṃ jalitānubhāvo , vaṇṇo ca te sabbadisā pabhāsatī ’’ ti .
914.
So devaputto attamano , moggallānena pucchito ;
Pañhaṃ puṭṭho viyākāsi , yassa kammassidaṃ phalaṃ .
915.
‘‘ Satisamuppādakaro
V0.60 , dvāre kakkaṭako ṭhito ;Niṭṭhito jātarūpassa , sobhati dasapādako .
916.
‘‘ Tena
M0.81 metādiso vaṇṇo , tena me idha mijjhati ;Uppajjanti
T0.100 ca me bhogā , ye keci manaso piyā . 917.
‘‘ Akkhāmi te bhikkhu mahānubhāva , manussabhūto yamakāsi puññaṃ ;
Tenamhi evaṃ jalitānubhāvo , vaṇṇo ca me sabbadisā pabhāsatī ’’ ti .
Kakkaṭakarasadāyakavimānaṃ catutthaṃ .
( Anantaraṃ pañcavimānaṃ yathā kakkaṭakarasadāyakavimānaṃ tathā vitthāretabbaṃ )