2. Ubbarivaggo
1. Saṃsāramocakapetivatthu
95.
‘‘ Naggā
M0.138V0.101P0.15 dubbaṇṇarūpāsi , kisā dhamanisanthatā ;Upphāsulike [ uppāsuḷike ( ka .)] kisike , kā nu tvaṃ idha tiṭṭhasī ’’ ti .
96.
‘‘ Ahaṃ bhadante petīmhi , duggatā yamalokikā ;
Pāpakammaṃ karitvāna , petalokaṃ ito gatā ’’ ti .
97.
‘‘ Kiṃ nu kāyena vācāya , manasā dukkaṭaṃ kataṃ ;
Kissa kammavipākena , petalokaṃ ito gatā ’’ ti .
98.
‘‘ Anukampakā mayhaṃ nāhesuṃ bhante , pitā ca mātā athavāpi ñātakā ;
Ye maṃ niyojeyyuṃ dadāhi dānaṃ , pasannacittā samaṇabrāhmaṇānaṃ .
99.
‘‘ Ito ahaṃ vassasatāni pañca , yaṃ evarūpā vicarāmi naggā ;
Khudāya
T0.171 taṇhāya ca khajjamānā , pāpassa kammassa phalaṃ mamedaṃ . 100.
‘‘ Vandāmi taṃ ayya pasannacittā , anukampa maṃ vīra mahānubhāva ;
Datvā ca me ādisa yaṃ hi kiñci , mocehi maṃ duggatiyā bhadante ’’ ti .
101.
Sādhūti so paṭissutvā , sāriputtonukampako ;
Bhikkhūnaṃ ālopaṃ datvā , pāṇimattañca coḷakaṃ ;
Thālakassa ca pānīyaṃ , tassā dakkhiṇamādisi .
102.
Samanantarānuddiṭṭhe , vipāko udapajjatha ;
Bhojanacchādanapānīyaṃ , dakkhiṇāya idaṃ phalaṃ .
103.
Tato
M0.139P0.16 suddhā sucivasanā , kāsikuttamadhārinī ;Vicittavatthābharaṇā , sāriputtaṃ upasaṅkami .
104.
‘‘ Abhikkantena vaṇṇena , yā tvaṃ tiṭṭhasi devate ;
Obhāsentī disā sabbā , osadhī viya tārakā .
105.
‘‘ Kena tetādiso vaṇṇo , kena te idha mijjhati ;
Uppajjanti ca te bhogā , ye keci manaso piyā .
106.
‘‘ Pucchāmi
V0.102 taṃ devi mahānubhāve , manussabhūtā kimakāsi puññaṃ ;Kenāsi evaṃ jalitānubhāvā , vaṇṇo
T0.172 ca te sabbadisā pabhāsatī ’’ ti . 107.
‘‘ Uppaṇḍukiṃ kisaṃ chātaṃ , naggaṃ sampatitacchaviṃ [ āpatitacchaviṃ ( sī .)];
Muni kāruṇiko loke , taṃ maṃ addakkhi duggataṃ .
108.
‘‘ Bhikkhūnaṃ ālopaṃ datvā , pāṇimattañca coḷakaṃ ;
Thālakassa ca pānīyaṃ , mama dakkhiṇamādisi .
109.
‘‘ Ālopassa phalaṃ passa , bhattaṃ vassasataṃ dasa ;
Bhuñjāmi kāmakāminī , anekarasabyañjanaṃ .
110.
‘‘ Pāṇimattassa coḷassa , vipākaṃ passa yādisaṃ ;
Yāvatā nandarājassa , vijitasmiṃ paṭicchadā .
111.
‘‘ Tato bahutarā bhante , vatthānacchādanāni me ;
Koseyyakambalīyāni , khomakappāsikāni ca .
112.
‘‘ Vipulā ca mahagghā ca , tepākāsevalambare ;
Sāhaṃ taṃ paridahāmi , yaṃ yaṃ hi manaso piyaṃ .
113.
‘‘ Thālakassa ca pānīyaṃ , vipākaṃ passa yādisaṃ ;
Gambhīrā caturassā ca , pokkharañño sunimmitā .
114.
‘‘ Setodakā suppatitthā , sītā appaṭigandhiyā ;
Padumuppalasañchannā , vārikiñjakkhapūritā .
115.
‘‘ Sāhaṃ
M0.140 ramāmi kīḷāmi , modāmi akutobhayā ;Muniṃ kāruṇikaṃ loke , bhante vanditumāgatā ’’ ti .
Saṃsāramocakapetivatthu paṭhamaṃ .