Iminā vatthunāti upadhisaṅkhātena imināva puttagavādinā vatthunā. Vasati pavattati nandanā ettha puttagoṇādiketi vatthu. Nandanaṃ nīharitvā deti puttagoṇādikanti nidānanti atthaṃ gahetvā dhaniyo ‘‘upadhīhi narassa nandanā’’ti āha. Bhagavā pana ‘‘vasati pavattati socanā ettha puttagoṇādikehi vatthu, socanaṃ nīharitvā deti puttagoṇādikanti nidāna’’nti atthaṃ gahetvā ‘‘upadhīhi narassa socanā’’ti āha. Pariggahīyateti pariggahaṃ. Kiṃ taṃ? Puttagoṇādikaṃ, taṃ pariggahaṃ ‘‘upadhī’’ti āha, na kilesūpadhikāyakhandhūpadhinti.

(Nettivibhāvinī>4. Paṭiniddesavāraatthavibhāvanā>6. Catubyūhahāravibhaṅgavibhāvanā>para. 700 191-700-102)

• *Upadhīhi narassa socanā, sutta>saṃyutta>Sagāthāvagga>《Sagāthāvaggo》>(SN)Sagāthāvaggo>1. Devatāsaṃyuttaṃ>2. Nandanavaggo>2. Nandatisuttaṃ>para. 102

-*Upadhīti hi attabhāvo vuccati. Yathāha ‘‘santekaccāni pāpakāni kammasamādānāni upadhisampattipaṭibāhitāni na vipaccantī’’ti (vibha. 810). Kāmaguṇāpi. Yathāha ‘‘upadhīhi narassa socanā’’ti (saṃ. ni. 1.12; su. ni. 34). Tatrāyaṃ vacanattho – upadhīyati ettha sukhadukkhanti upadhi, attabhāvo kāmaguṇā ca. Upadhikaraṇaṃ sīlaṃ etassa, upadhiṃ vā arahatīti opadhikaṃ, puññaṃ, taṃ bahuṃ uḷāraṃ katvā. (《Itivuttaka-aṭṭhakathā》>Itivuttaka-aṭṭhakathā>3. Tikanipāto>4. Catutthavaggo>4. Pañcapubbanimittasuttavaṇṇanā>para. 1265)