1. Vātasuttavaṇṇanā
206. Diṭṭhisaṃyutte
V2.299M2.310 na vātā vāyantītiādīsu evaṃ kira tesaṃ diṭṭhi –‘‘ yepi ete rukkhasākhādīni bhañjantā vātā vāyanti , na ete vātā , vātaleso nāmeso , vāto pana esikatthambho viya pabbatakūṭaṃ viya ca ṭhito .
Tathā yāpi etā tiṇakaṭṭhādīni vahantiyo nadiyo sandanti , na ettha udakaṃ sandaki , udakaleso nāmesa , udakaṃ pana esikatthambho viya pabbatakūṭaṃ viya ca ṭhitaṃ .
Yāpimā gabbhiniyo vijāyantīti ca vuccanti , kiñcāpi tā milātudarā honti , gabbho pana na nikkhamati , gabbhaleso nāmeso , gabbho pana esikatthambho viya pabbatakūṭaṃ viya ca ṭhito .
Yepi ete candimasūriyā udenti vā apenti vā , neva te udenti na apenti , candimasūriyaleso nāmesa , candimasūriyā pana esikatthambho viya pabbatakūṭaṃ viya ca ṭhitā ’’ ti .
2-4.