ပုရုတ္တမေ၊ တိုင်းတကာတို့ထက် လွန်မြတ်သော။ သာဂလာယံ၊ ယောနကတိုင်း သာဂလပြည်ကြီး၌။ မိလိန္ဒေါနာမ၊ မိလိန္ဒမည်သော။ ယောရာဇာ၊ အကြင်မင်းသည်။ အာသိ၊ ဖြစ်လတ်ပြီ။ သောရာဇာ၊ သည်။

ဂင်္ဂါစ၊ ဂင်္ဂါ၊ယမုနာ၊အစိရဝတီ၊မဟီသရဘူဟူသောမြစ်ကြီးငါးသွယ်သည်။ စ၊ သဒ္ဒါဖြင့်။ သာဂရံ၊ သမုဒ္ဒရာပင်လယ်သို့။ ဥပဂဉ္ဆိယထာ၊ သက်ဝင်ကပ်ရောက်သကဲ့သို့။ တထာ၊ ထိုနည်းအတူ။ နာဂသေနံ၊ အရှင်နာဂသိန်မထေရ်မြတ်သို့။ ဥပဂဉ္ဆိ၊ ချဉ်းကပ်လတ်ပြီ။

အာဟဇ္ဇ၊ ချဉ်းကပ်ပြီး၍။ ရာဇာ၊ မိလိန္ဒမင်းသည်။ ဥက္ကာဓာရံ၊ ပညာဟူသော မီးတိုင်ကိုဆောင်ထသော။ တမောနုဒံ၊ သူတပါးတို့ယုံမှားမလင်း၊ မသိခြင်းမောဟကိုပယ်နှုတ်နိုင်ထသော။ စိတြကထိံ၊ ဆန်းကြယ်သောစကားရှိသောအရှင်နာဂသိန် မထေရ်မြတ်ကို။

နိပုဏေ၊ သိမ်မွေ့နက်နဲကုန်သော။ ဌာနာဌာနဂတေ၊ အရာဟုတ်သည်၊အရာမဟုတ်သည်၌ဖြစ်ကုန်သော။ ဝါ၊ အကြောင်းအကျိုး၂ပါး၌ဖြစ်ကုန်သော။ ပုထူ၊ များစွာကုန်သော။ ပဉှေ၊ ပြဿနာမေးခွန်းတို့ကို။ အပုစ္ဆိ၊ မေးလျှောက်လတ်ပြီ။

ပုစ္ဆာစေဝ၊ မိလိန္ဒမင်း၏ မေးခွန်းပုစ္ဆာတို့သည်၎င်း။ ဝိဿဇ္ဇနာစေဝ၊ အရှင်နာဂသိန်မထေရ်မြတ်၏ ဖြေရှင်းချက်တို့သည်၎င်း။ ဂမ္ဘီရတ္ထူပနိဿိတာ၊ နက်နဲသော အနက်အဓိပ္ပါယ်ကိုကောင်းစွာမှီကုန်၏။

ဟဒယင်္ဂမာ၊ ပညာရှင်တို့နှလုံးအလိုသို့လည်းသက်ရောက်ကုန်၏။ ကဏ္ဏသုခါ၊ ပညာရှင်တို့၏နားကိုလည်းချမ်းသာစေနိုင်ပေကုန်၏။ အဗ္ဘူတာ၊ မဖြစ်သင့်ဖြစ်၍ အံ့ဘွယ်ရာလည်းဖြစ်ကုန်၏။ လောမဟံသနာ၊ ကြက်သီးထဘွယ်လည်းဖြစ်ကုန်၏။

အဘိဓမ္မဝိနယောဂါဠာ၊ အဘိဓမ္မာပိဋကတ်၊ဝိနည်းပိဋကတ်၂ရပ်သို့လည်းသက်ဝင်ကုန်၏။ သုတ္တဇာလသမတ္တိတာ၊ သုတ္တန်ဟူသော ကွန်ယက်နှင့်လည်းပြည့်စုံကုန်၏။ ဝါ၊ သုတ္တန်ကွန်ယက်နှင့်မျှတခြင်းသို့ရောက်ကုန်၏။

စ၊ ဝိဿဇ္ဇနာနှင့်သာဆိုင်ရာဂုဏ်ကိုပြဦးအံ့။ နာဂသေနကထာ၊ အရှင်နာဂသိန်မထေရ်၏အဖြေစကားတို့သည်။ ဩပမ္မေဟိစ၊ ဥပမာပုံပြင်တို့ဖြင့်၎င်း။ နယေဟိစ၊ များစွာသောနည်းနာတို့ဖြင့်၎င်း။ စိတြာ၊ အံ့ဩစဘွယ်ဆန်းကြယ်လှကုန်၏။

တတ္ထ၊ ထိုဆိုပြီးဂုဏ်ရှိသောမိလိန္ဒပဉှာကျမ်း၌။ ဉာဏံ၊ သိမြင်နာယူရန်စွမ်းနိုင်သောဉာဏ်ကို။ ပဏီဓာယ၊ မြဲစွာစိုက်ထား၍။ မာနသံ၊ စိတ်ကို။ ဟာသယိတွာန၊ ရွှင်ကြည်စေ၍။

နိပုဏေ၊ သိမ်မွေ့နက်နဲကုန်သော။ ကင်္ခါဌာနဝိဒါလနေ၊ ယုံမှားရှိသည့်အရာကို အထူးသဖြင့်ခွဲဝှက်နိုင်ကုန်သော။ ပဉှေ၊ ပြဿနာမေးခွန်းတို့ကို။ သုဏာထ၊ ထောင်နားနာကုန်လော့။ ဣတိ၊ ဤကားကျမ်း၏ဂုဏ်နှင့်တကွဥယျောဇဉ်စကားရပ်တည်း။

တံ၊ ထိုမိလိန္ဒပဉှာကို။ ယထာ၊ အဘယ်သို့သော အကြောင်းရင်းမူလအားဖြင့်။ အနုသူယတေ၊ ကြားနာရမည်နည်းဟူမူကား။ အထ၊ အအကြောင်းမူလနှင့်တကွ သိရန်ပြဆိုအံ့။ ယေနကာနံ၊ ယောနကတိုင်းသူတို့၏။ နာနာပုဋဘေဒနံ၊ အထူးထူးသောကုန်ထုပ်ကိုခွဲခြမ်းဝေဘန်ရာဖြစ်သော။ သာဂလံနာမ၊ သာဂလမည်သော။ ယံနဂရံ၊ အကြင်မြို့သည်။ အတ္ထိ၊ ထင်ရှားရှိလတ်သတည်း။ တံနဂရံ၊ ထိုသည်။ နဒီပဗ္ဗတသောဘိတံ၊ မြစ်ချောင်းတောင်တန်းတို့ဖြင့်တင့်တယ်၏။ ရမဏီယဘူမိပ္ပဒေသဘာဂံ၊ ပျော်မွေ့ဘွယ်သောမြေကွက်ရပ်အဘို့လည်းရှိ၏။ အာရာမုယျာနောပဝနတဠာကပေါက္ခရဏိသမ္ပန္နံ၊ အာရာမ်၊ဥယျာဉ်၊တောစဉ်၊တဖက်ဆည်ကန်၊လေးထောင့်ကန်တို့နှင့်လည်းပြည့်စုံ၏။ နိဒီပဗ္ဗတ ဝနရာမဏေယျကံ၊ မြစ်၏မွေ့လျော်ဘွယ်၊ တောင်၏မွေ့လျော်ဘွယ်၊တော၏မွေ့လျော်ဘွယ်လည်းရှိ၏။ သုတဝန္တနိမ္မိတ့၊ အကြားအမြင်ပညာရှိသူတို့ဖန်ဆင်းတည်ထောင်အပ်၏။ နိပ္ပစ္စတ္ထိကံ၊ ရန်သူအနှောင့်အယှက်မှကင်း၏။ ပစ္စာမိတ္တအနုပပီဠိကံ၊ ရန်သူတို့သည်မဖျက်ဆီးမနှိပ်စက်နိုင်။ ဝိစိတြဒဠမဋ္ဋာလကောဋ္ဌလံ၊ အလွန်ဆန်းကြယ်လှ၍ မြဲမြံခိုင်ခံ့သောပြအိုးတံခါးမုခ်ရှိ၏။ ဝရပဝရဂေါပုရတောရဏံ၊ အတိုင်းထက်အလွန်ကောင်းမြတ်သောတံခါးခုန်၊တုရိုဏ်တိုင်လည်းရှိ၏။ ဂမ္ဘီရပရိက္ခာပဏ္ဍရပါကာရပရိက္ခိတ္တန္တေပုရံ၊ နက်စွာသော ကျုံးမြောင်းဖွေးဖွေးဖြူသောတံတိုင်းတို့ဖြင့်ဝန်းရံအပ်သောမြို့တွင်းနန်းတွင်းရှိ၏။

သုဝိဘတ္တဝီထိစစ္စရစတုက္ကသိင်္ဃာတကံ၊ ကောင်းစွာခွဲခြားဝေဖန်အပ်သောလမ်းမ၊လမ်းကွေ့၊လမ်းလေးခွ၊လမ်းဆုံအစပ်ရှိ၏။ သုပ္ပသာရိတာနေကဝိဓဝရဘဏ္ဍပရိပူရိတန္တရာပဏံ၊ တင့်တယ်သပ်ရပ်စွာဖြန့်ရောင်းသော၊များလှစွာသောတောင့်တအပ်၍ မြတ်သောကုန်စည်ဥစ္စာတို့ဖြင့်ပြည့်နှက်သောဈေးတော်ကြီးလည်းရှိ၏။ ဝီဝိဓဒါနဂ္ဂသတတမုပသောဘိတံ၊ အထူးထူးသောအလှူမဏ္ဍပ်တို့ဖြင့်အမြဲအစဉ်တင့်တယ်၏။ ဟိမဂိရိသီခရီသက်ာသံ၊ ဟိမဝန္တာတောင်ထွတ်နှင့်လည်းတူ၏။ ဝရဘဝနသတသဟဿပ္ပဋိမဏ္ဍိတံ၊ တောင့်တအပ်၍ မြတ်သောနန်းဘုံဗိမာန်အသိန်းတို့ဖြင့်တန်ဆာဆင်ယင်၏။ ဂဇဟယရထပတ္တိသမာကူလံ၊ ဆင်၊မြင်း၊ရထား၊ခြေသည်ဟူသောစစ်အင်္ဂါတို့ဖြင့်ပြွမ်း၏။ အဘိရူပနရနာရီဂဏာနုစရိတံ၊ အဆင်းလှသောယောက်ျား၊မိန်းမအပေါင်းတို့ အစဉ်ထာဝရလှည့်လည်ရာဖြစ်၏။ အာကိဏ္ဏဇနမနုဿံ၊ ရောပြွမ်းသောလူမျိုးရှိ၏။ ပုထုခတ္တိယဗြဟ္မဏဝေဿသုဒ္ဒံ၊ များပြားသောမင်း၊ပုဏ္ဏား၊ကုန်သည်၊ဆင်းရဲသားရှိ၏။ ဝိဝိဓသမဏဗြဟ္မဏ သမာဘာဇနံသံဃဋိတံ၊ အထူးထူးအပြားပြားသောရဟန်း၊ပုဏ္ဏားတို့၏ အမျှတည်ရာဖြစ်၍ တိုးဝှေ့ထိခိုက်၏။ ဝါ၊ ပုဏ္ဏားတို့ဖြင့်ကောင်စွာဝေဘန်ထားခြင်းနှင့်စပ်ယှဉ်၏။ ဗဟုဝိဓဝိဇ္ဇာရေနရစိရနိသေဝိတံ၊ များသောအပြားရှိသော အတတ်ပညာကို ဆောင်ကုန်သောပညာရှိသူတို့၏ကြာမြင့်စွာမှီဝဲနေထိုင်ရာလည်းဖြစ်၏။ ကာသိကကောဋ္ဋုမ္ဗရိကာဒိနာနာဝိဓဝတ္ထာပဏသမ္ပန္နံ၊ ကာသိတိုင်း၊ကောဋုမ္ဗရတိုင်း၌ဖြစ်သောအဝတ်အစရှိသော အထူးထူးအပြားပြားသောအဝတ်အထည်ဈေးရုံတို့နှင့်လည်းပြည့်စုံ၏။ သုပ္ပသာရိတရုစိရဗဟုဝိဓပုပ္ဖဂန္ဓာပဏံ၊ ကောင်းစွာဖြန့်ခင်းအပ်၍၊စိတ်နှစ်သက်ဘွယ်ရာ၊များပြားစွာသောပန်းဈေးဆိုင်၊နံ့သာဈေးဆိုင်လည်းရှိ၏။ ဂန္ဓဂန္ဓိတံ၊ သီကုံးအပ်သောပန်းနံ့သာလည်းရှိ၏။ အာသိသနီယဗဟုရတန ပရိပူရိတံ၊ တောင့်တဘွယ်ရာများစွာသောလောကီရတနာမျိုးတို့လည်းပြည့်စုံ၏။ ဒိသာမုခသပ္ပသာရိတာပဏံ၊ ထိုထိုအရပ်သို့ရှေးရှုဖြန့်ခြင်းအပ်သော ဈေးဆိုင်လည်းရှိ၏။ သိင်္ဂါရဝါဏိဇဂဏာနုစရိတံ၊ တင့်တယ်စမ္ပာယ်သောကုန်သည်အပေါင်းတို့၏အစဉ်ကျက်စားရာလည်းဖြစ်၏။ ကဟာပဏရဇတသုဝဏ္ဏကံသပတ္ထရပရိပူရံ၊ အသပြာ၊ငွေ၊ရွှေ၊ကြေးတို့ဖြင့်ဖြန့်ခင်းခြင်းနှင့်ပြည့်စုံ၏။ ပဇ္ဇောတနနိကေတံ၊ ပြောင်ပြောင်တောက်သော ၊အိမ်ဆောင်၊ဘုံနန်းလည်းရှိ၏။ ပဟုတဓနဓညဝိတ္တူပကရဏံ၊ များသောဥစ္စာ၊စပါးအသုံးအဆောင်လက်ဝတ်လက်စားလည်းရှိ၏။ ပရိပုဏ္ဏကောသကောဋ္ဌာဂါရံ၊ ပြည့်လျှမ်းသောကျီ၊ကြရှိ၏။ ဗဟုအန္နပါနံ၊ များသောထမင်းအဖျော်လည်းရှိ၏။ ဗဟုဝိဓခဇ္ဇဘောဇ္ဇလေယျပေယျသာယနီယံ၊ များပြားသောခဲဘွယ်၊စားဘွယ်၊လျက်ဘွယ်၊သောက်ဘွယ်၊သာယာဘွယ်လည်းရှိ၏။ ဥတ္တရကုရုသင်္ကာသံ၊ မြောက်ဥတ္တရကုရုကျွန်းနှင့်ကူမျှ၏။ သမ္ပန္နသဿံ၊ ပြည့်စုံသောကောက်စပါးလည်းရှိ၏။ အာလကမန္ဒာဝိယဒေဝပုရံ၊ အာလကမန္ဒာမည်သောနတ်မြို့တော်နှင့်လည်းတူမျှလေ၏။

ဧတ္ထ၊ ဤအရာ၌။ ဌတွာ၊ ပုစ္ဆာ၊ဝိဿဇ္ဇနာအချက်ကိုရပ်ထားဆိုင်းငံ့၍။ တေသံ၊ ထိုမိလိန္ဒမင်းနှင့် အရှင်နာဂသိန်မထေရ်မြတ်တို့၏။ ပုဗ္ဗကမ္မံ၊ ရှေးကံအကြောင်းအရင်းကို။ ကထေတဗ္ဗံ၊ ဆိုသင့်၏။ ကထေန္တေနစ၊ ဆိုသောဆရာသည်လည်။ ဆဓာ၊ ခြောက်ကဲတို့၊ ခြောက်စုပိုင်းခြားသဖြင့်။ ဝိဘဇိတွာ၊ ဝေဘန်ပိုင်းခြား၍။ ကထေတဗ္ဗံ၊ ဆိုသင့်၏။

သေယျထိဒံ၊ ခြောက်ပါးအပြားအဘယ်နည်းဟူမူကား။ ပုဗ္ဗယောဂေါ၊ ရှေးဆုတောင်းအခဏ်း၎င်း။ မိလိန္ဒပဉှံ၊ မိလိန္ဒမင်း၏ ပဿနာမေးခဏ်း၎င်း။ သက္ခဏပဉှံ၊ လက္ခဏာမှတ်ကြောင်းကိုမေးသောအခဏ်း၎င်း။ မေဏ္ဍကပဉှံ၊ ဆိတ်ချိုနှင့်တူစွာကောက်ကျစ်သောမေးခွန်းအခဏ်း၎င်း။ အနုမာနပဉှံ၊ အနုမာန်အားဖြင့်မေးသောအခဏ်း၎င်း။ ဩပမ္မကထာပဉှံ၊ ဥပမာစကားကိုမေးသောအခဏ်း၎င်း။ ဣတိ၊ ဤကားအခဏ်း၆ပါးတည်း။

တတ္ထ၊ ထို၆ခဏ်းတို့တွင်။ မိလိန္ဒပဉှော၊ မိလိန္ဒပဉှာသည်။ လက္ခဏပဉှော၊ လက္ခဏပဉှာအခဏ်း၎င်း။ ဝိမတိစ္ဆေဒနပဉှော၊ ယုံမှားရှိသောအရာကိုပယ်ဖျောက်သောပြဿနာမေးခွန်းအခဏ်း၎င်း။ ဣတိ၊ ဤသို့။ ဒုဗ္ဗိဓော၊ ၂ခဏ်းရှိ၏။

မေဏ္ဍကပဉှောပိ၊ မေဏ္ဍကပဉှာသည်လည်း။ မဟာဝဂ္ဂေါ၊ မဟာဝဂ်၎င်း။ ယောဂိကထာပဉှော၊ ယောဂီပုဂ္ဂိုလ်တို့ကိုမေးသောအခဏ်း၎င်း။ ဣတိ၊ သို့။ ဒုဗ္ဗိဓော၊ ၏။

တတ္ထ၊ ထိုအခဏ်း၆မျိုးတို့တွင်။ ပုဗ္ဗယောဂေါတိ၊ ရှေးဆုတောင်းဟူသည်ကား။ တေသံ၊ ထိုမိလိန္ဒမင်းနှင့်အရှင်နာဂသိန်မထေရ်တို့၏။ ပုဗ္ဗကမ္မံ၊ ရှေး၌ပြုအပ်သောကံအကြောင်းရင်းတည်း။