5. Ekantadukkhasuttavaṇṇanā
118. Ekanteneva dukkhāti avīcimahānirayo viya ekantato dukkhā eva sukhena avomissā .
Dukkhena anupatitāti dukkheneva sabbaso upagatā .
Dukkhena okkantāti bahiddhā viya antopi dukkhena avakkantā anupaviṭṭhā .
Sukhavedanāpaccayatāya imāsaṃ dhātūnaṃ sukhatā viya dukkhavedanāpaccayatāpi veditabbā , saṅkhāradukkhatā pana sabbattha caritā eva
M2.149 .Sabbatthāti sabbāsu dhātūsu , sabbaṭṭhānesu vā .
Paṭhamaṃ sukhaṃ dassetvāpi pacchā dukkhassa kathitattā ‘‘ dukkhalakkhaṇaṃ kathitan ’’ ti vuttaṃ .
Ekantadukkhasuttavaṇṇanā niṭṭhitā .