Addhānasamuṭṭhānavaṇṇanā
265. Addhānanāvaṃ paṇītan ti ‘‘ bhikkhuniyā saddhiṃ saṃvidhāya ekaddhānamaggaṃ paṭipajjeyya , ekaṃ nāvaṃ abhiruheyya , paṇītabhojanāni agilāno attano atthāya viññāpetvā bhuñjeyyā ’’ ti vuttasikkhāpadattayaṃ .
Mātugāmena saṃhareti mātugāmena saddhiṃ saṃvidhāya gamanañca ‘‘ sambādhe lomaṃ saṃharāpeyyā ’’ ti vuttasikkhāpadañca .
Dhaññaṃ nimantitā cevāti ‘‘ dhaññaṃ viññāpetvā vā ’’ ti ca ‘‘ nimantitā vā pavāritā vā khādanīyaṃ vā bhojanīyaṃ vā khādeyya vā bhuñjeyya vā ’’ ti vuttasikkhāpadañca .
Aṭṭha cāti bhikkhunīnaṃ vuttā aṭṭha pāṭidesanīyā vā .