420. KammaṃV0.219 nappaṭippassambhetabban ti ayaṃ yasmā anulomavatte na vattati , tasmā nāssa kammaṃ paṭippassambhetabbaṃ ; sarajjukova vissajjetabboti attho .

421. Sace upāli saṅgho samaggakaraṇīyāni kammāni karotīti sace samaggehi karaṇīyāni uposathādīni kammāni karoti , uposathapavāraṇādīsu hi ṭhitāsu upatthambho na dātabbo . Sace hi saṅgho accayaṃ desāpetvā saṅghasāmaggiṃ karoti , tiṇavatthārakasamathaṃ vā katvā uposathapavāraṇaṃ karotiP7.1372 , evarūpaṃ samaggakaraṇīyaṃ nāma kammaṃ hoti . Tatra ceti sace tādise kamme bhikkhuno nakkhamati , diṭṭhāvikammampiM0.216 katvā tathārūpā sāmaggī upetabbā , evaṃ vilomaggāho na gaṇhitabbo . Yatra pana uddhammaṃ ubbinayaṃ satthu sāsanaṃ dīpenti , tattha diṭṭhāvikammaṃ na vaṭṭati , paṭibāhitvā pakkamitabbaṃ .