4. Kulāvakavaggo
31. Kulāvakajātakaṃ
31.
Kulāvakā
T1.11 mātali simbalismiṃ , īsāmukhena parivajjayassu ;Kāmaṃ cajāma asuresu pāṇaṃ , mā me dijā vikkulavā [ māyime dijā vikulāvā ( sī . syā . pī .)] ahesunti .
Kulāvakajātakaṃ paṭhamaṃ .
32. Naccajātakaṃ
32.
Rudaṃ manuññaṃ rucirā ca piṭṭhi , veḷuriyavaṇṇūpanibhā [ vaṇṇūpaṭibhā ( syā .), vaṇṇasannibhā ( ka .)] ca gīvā ;
Byāmamattāni ca pekhuṇāni , naccena te dhītaraṃ no dadāmīti .
Naccajātakaṃ dutiyaṃ .
33. Sammodamānajātakaṃ
33.
Sammodamānā
M1.9 gacchanti , jālamādāya pakkhino ;Yadā te vivadissanti , tadā ehinti me vasanti .
Sammodamānajātakaṃ tatiyaṃ .
34. Macchajātakaṃ
34.
Na
T1.12 maṃ sītaṃ na maṃ uṇhaṃ , na maṃ jālasmi bādhanaṃ ;Yañca maṃ maññate macchī , aññaṃ so ratiyā gatoti .
Macchajātakaṃ catutthaṃ .
35. Vaṭṭakajātakaṃ
35.
Santi
V1.9 pakkhā apatanā , santi pādā avañcanā ;Mātāpitā ca nikkhantā , jātaveda paṭikkamāti .
Vaṭṭakajātakaṃ pañcamaṃ .
36. Sakuṇajātakaṃ
36.
Yaṃ nissitā jagatiruhaṃ vihaṅgamā , svāyaṃ aggiṃ pamuñcati ;
Disā bhajatha vakkaṅgā [ vaṅkaṅgā ( syā .)], jātaṃ saraṇato bhayanti .
Sakuṇajātakaṃ chaṭṭhaṃ .
37. Tittirajātakaṃ
37.
Ye vuḍḍha [ vaddha ( sī . pī .)] mapacāyanti , narā dhammassa kovidā ;
Diṭṭheva dhamme pāsaṃsā , samparāye ca suggatīti .
Tittirajātakaṃ sattamaṃ .
38. Bakajātakaṃ
38.
Nāccantaṃ
T1.13 nikatippañño , nikatyā sukhamedhati ;Ārādheti nikatippañño [ ārādhe nikatippañño ( pī .)], bako kakkaṭakāmivāti .
Bakajātakaṃ aṭṭhamaṃ .
39. Nandajātakaṃ
39.
Maññe
M1.10 sovaṇṇayo rāsi , soṇṇamālā ca nandako ;Yattha dāso āmajāto , ṭhito thullāni [ thūlāni ( ka .)] gajjatīti .
Nandajātakaṃ navamaṃ .
40. Khadiraṅgārajātakaṃ
40.
Kāmaṃ
V1.10 patāmi nirayaṃ , uddhaṃpādo avaṃsiro ;Nānariyaṃ karissāmi , handa piṇḍaṃ paṭiggahāti .
Khadiraṅgārajātakaṃ dasamaṃ .
Kulāvakavaggo catuttho .
Tassuddānaṃ –
Sirimātali dhītara pakkhivaro , ratiyāgato mātāpitā ca puna ;
Jagatīruha vuḍḍha sukakkaṭako , tathā nandakapiṇḍavarena dasāti .