14. Asampadānavaggo
131. Asampadānajātakaṃ
131.
Asampadānenitarītarassa , bālassa mittāni kalī bhavanti ;
Tasmā harāmi bhusaṃ aḍḍhamānaṃ , mā me mitti jīyittha sassatāyanti .
Asampadānajātakaṃ paṭhamaṃ .
132. Bhīrukajātakaṃ
132.
Kusalūpadese
T1.43M1.31 dhitiyā daḷhāya ca , anivattitattābhayabhīrutāya [ avatthitattābhayabhīrutāya ( sī . syā . pī .)] ca ;Na rakkhasīnaṃ vasamāgamimhase , sa sotthibhāvo mahatā bhayena meti .
Bhīruka [ pañcagaruka ( sī . pī .), pañcabhīruka ( syā .), abhayabhīruta §(?)] jātakaṃ dutiyaṃ .
133. Ghatāsanajātakaṃ
133.
Khemaṃ yahiṃ tattha arī udīrito [ ari uddharito ( ka .)], dakassa majjhe jalate ghatāsano ;
Na ajja vāso mahiyā mahīruhe , disā bhajavho saraṇājja no bhayanti .
Ghatāsanajātakaṃ tatiyaṃ .
134. Jhānasodhanajātakaṃ
134.
Ye
V1.30 saññino tepi duggatā , yepi asaññino tepi duggatā ;Etaṃ ubhayaṃ vivajjaya , taṃ
T1.44 samāpattisukhaṃ anaṅgaṇanti .Jhānasodhanajātakaṃ catutthaṃ .
135. Candābhajātakaṃ
135.
Candābhaṃ sūriyābhañca , yodha paññāya gādhati .
Avitakkena jhānena , hoti ābhassarūpagoti .
Candābhajātakaṃ pañcamaṃ .
136. Suvaṇṇahaṃsajātakaṃ
136.
Yaṃ
M1.32 laddhaṃ tena tuṭṭhabbaṃ , atilobho hi pāpako ;Haṃsarājaṃ gahetvāna , suvaṇṇā parihāyathāti .
Suvaṇṇahaṃsajātakaṃ chaṭṭhaṃ .
137. Babbujātakaṃ
137.
Yattheko labhate babbu , dutiyo tattha jāyati ;
Tatiyo ca catuttho ca , idaṃ te babbukā bilanti .
Babbujātakaṃ sattamaṃ .
138. Godhajātakaṃ
138.
Kiṃ te jaṭāhi dummedha , kiṃ te ajinasāṭiyā ;
Abbhantaraṃ
T1.45 te gahanaṃ , bāhiraṃ parimajjasīti .Godhajātakaṃ aṭṭhamaṃ .
139. Ubhatobhaṭṭhajātakaṃ
139.
Akkhī bhinnā paṭo naṭṭho , sakhigehe ca bhaṇḍanaṃ ;
Ubhato paduṭṭhā kammantā [ paduṭṭhakammanto ( sī .), paduṭṭho kammanto ( pī .)], udakamhi thalamhi cāti .
Ubhatobhaṭṭhajātakaṃ navamaṃ .
140. Kākajātakaṃ
140.
Niccaṃ
V1.31 ubbiggahadayā , sabbalokavihesakā ;Tasmā nesaṃ vasā natthi , kākānamhāka [ kākānasmāka ( sī . syā . pī .)] ñātinanti .
Kākajātakaṃ dasamaṃ .
Asampadānavaggo cuddasamo .
Tassuddānaṃ –
Itarītara
M1.33 rakkhasi khemiyo ca , parosatapañhena ābhassaro puna ;Atha haṃsavaruttamababbujaṭaṃ , paṭanaṭṭhaka kākavarena dasāti .