315. Sabbamaṃsalābhajātakaṃ (4-2-5)
57.
Pharusā
V1.87 vata te vācā , maṃsaṃ [ samma ( pī . ka .)] yācanako asi [ casi ( pī .)];Kilomasadisī [ kilomassa sadisā ( pī .)] vācā , kilomaṃ samma dammi te .
58.
Aṅgametaṃ manussānaṃ , bhātā loke pavuccati ;
Aṅgassa sadisī vācā [ aṅgassadisī te vācā ( ka .)], aṅgaṃ samma dadāmi te .
59.
Tātāti putto vadamāno , kampeti [ sammeti ( ka .)] hadayaṃ pitu ;
Hadayassa sadisī [ hadayassadisī ( ka .)] vācā , hadayaṃ samma dammi te .
60.
Yassa gāme sakhā natthi , yathāraññaṃ tatheva taṃ ;
Sabbassa sadisī vācā , sabbaṃ samma dadāmi teti .
Sabbamaṃsalābhajātakaṃ [ maṃsajātakaṃ ( sī . syā . pī .)] pañcamaṃ .