455. Mātuposakajātakaṃ (1)
1.
Tassa
T1.303V1.178M1.226 nāgassa vippavāsena , virūḷhā sallakī ca kuṭajā ca ;Kuruvindakaravīrā [ karavarā ( sī . syā .)] tisasāmā ca , nivāte pupphitā ca kaṇikārā .
2.
Kocideva suvaṇṇakāyurā , nāgarājaṃ bharanti piṇḍena ;
Yattha rājā rājakumāro vā , kavacamabhihessati achambhito [ asambhīto ( sī . syā . pī .)].
3.
Gaṇhāhi nāga kabaḷaṃ , mā nāga kisako bhava ;
Bahūni rājakiccāni , tāni [ yāni ( sī . pī .)] nāga karissasi .
4.
Sā nūnasā kapaṇikā , andhā apariṇāyikā ;
Khāṇuṃ pādena ghaṭṭeti , giriṃ caṇḍoraṇaṃ pati .
5.
Kā nu te sā mahānāga , andhā apariṇāyikā ;
Khāṇuṃ pādena ghaṭṭeti , giriṃ caṇḍoraṇaṃ pati .
6.
Mātā me sā mahārāja , andhā apariṇāyikā ;
Khāṇuṃ pādena ghaṭṭeti , giriṃ caṇḍoraṇaṃ pati .
7.
Muñcathetaṃ mahānāgaṃ , yoyaṃ bharati mātaraṃ ;
Sametu
T1.304 mātarā nāgo , saha sabbehi ñātibhi . 8.
Mutto ca bandhanā nāgo , muttamādāya kuñjaro [ kāsirājena pesito ( sī . syā .), mutto dāmāto kuñjaro ( pī . sī . niyya )];
Muhuttaṃ assāsayitvā [ vissamitvāna ( sī .)], agamā yena pabbato .
9.
Tato so naḷiniṃ [ nilinaṃ ( syā .)] gantvā , sītaṃ kuñjarasevitaṃ ;
Soṇḍāyūdakamāhatvā [ māhitvā ( syā . ka .)], mātaraṃ abhisiñcatha .
10.
Koya
M1.227 anariyo devo , akālenapi vassati [ akālena pavassati ( sī . syā .), akālena ’ tivassati ( pī .)];Gato me atrajo putto , yo mayhaṃ paricārako .
11.
Uṭṭhehi amma kiṃ sesi , āgato tyāhamatrajo ;
Muttomhi kāsirājena , vedehena yasassinā .
12.
Ciraṃ
V1.179 jīvatu so rājā , kāsīnaṃ raṭṭhavaḍḍhano ;Yo me puttaṃ pamocesi , sadā vuddhāpacāyikanti .
Mātuposakajātakaṃ paṭhamaṃ .