502. Cūḷahaṃsajātakaṃ (6)
133.
Ete
M1.326 haṃsā pakkamanti , vakkaṅgā bhayameritā ;Harittaca hemavaṇṇa , kāmaṃ sumukha pakkama .
134.
Ohāya maṃ ñātigaṇā , ekaṃ pāsavasaṃ gataṃ ;
Anapekkhamānā [ nāpekkhamānā ( ka .)] gacchanti , kiṃ eso avahiyyasi .
135.
Pateva patataṃ seṭṭha , natthi baddhe sahāyatā [ sahāyakā ( syā .)];
Mā anīghāya hāpesi , kāmaṃ sumukha pakkama .
136.
Nāhaṃ ‘‘ dukkhapareto ’’ ti [ dukkhaparetopi ( ka .)], dhataraṭṭha tuvaṃ [ tavaṃ ( sī . pī .)] jahe ;
Jīvitaṃ maraṇaṃ vā me , tayā saddhiṃ bhavissati .
137.
Etadariyassa kalyāṇaṃ , yaṃ tvaṃ sumukha bhāsasi ;
Tañca vīmaṃsamānohaṃ ,‘‘ patatetaṃ ’’ avassajiṃ .
138.
Apadena padaṃ yāti , antalikkhacaro [ antalikkhe caro ( sī . pī .)] dijo ;
Ārā pāsaṃ na bujjhi tvaṃ , haṃsānaṃ pavaruttama [ pavaruttamo ( ka . sī . pī .)].
139.
Yadā parābhavo hoti , poso jīvitasaṅkhaye ;
Atha
T1.433 jālañca pāsañca , āsajjāpi na bujjhati . 140.
Ete haṃsā pakkamanti , vakkaṅgā bhayameritā ;
Harittaca hemavaṇṇa , tvaññeva [ tvañca taṃ ( sī .), tvañca ( pī .)] avahiyyasi .
141.
Ete
V1.246 bhutvā ca pitvā ca , pakkamanti vihaṅgamā ;Anapekkhamānā vakkaṅgā , tvaññeveko upāsasi .
142.
Kinnu tyāyaṃ [ tāyaṃ ( sī . syā . pī .)] dijo hoti , mutto baddhaṃ upāsasi ;
Ohāya sakuṇā yanti , kiṃ eko avahiyyasi .
143.
Rājā me so dijo mitto , sakhā pāṇasamo ca me ;
Neva naṃ vijahissāmi , yāva kālassa pariyāyaṃ .
144.
Yo ca tvaṃ sakhino hetu , pāṇaṃ cajitumicchasi ;
So te sahāyaṃ muñcāmi , hotu rājā tavānugo .
145.
Evaṃ
M1.327 luddaka nandassu , saha sabbehi ñātibhi ;Yathāhamajja nandāmi , disvā muttaṃ dijādhipaṃ .
146.
Kaccinnu bhoto kusalaṃ , kacci bhoto anāmayaṃ ;
Kacci raṭṭhamidaṃ phītaṃ , dhammena manusāsasi .
147.
Kusalañceva me haṃsa , atho haṃsa anāmayaṃ ;
Atho raṭṭhamidaṃ phītaṃ , dhammena manusāsahaṃ .
148.
Kacci bhoto amaccesu , doso koci na vijjati ;
Kacci ārā amittā te , chāyā dakkhiṇatoriva .
149.
Athopi me amaccesu , doso koci na vijjati ;
Atho
T1.434 ārā amittā me , chāyā dakkhiṇatoriva . 150.
Kacci te sādisī bhariyā , assavā piyabhāṇinī ;
Puttarūpayasūpetā , tava chandavasānugā .
151.
Atho me sādisī bhariyā , assavā piyabhāṇinī ;
Puttarūpayasūpetā , mama chandavasānugā .
152.
Kacci te bahavo puttā , sujātā raṭṭhavaḍḍhana ;
Paññājavena sampannā , sammodanti tato tato .
153.
Satameko ca me puttā , dhataraṭṭha mayā sutā ;
Tesaṃ tvaṃ kiccamakkhāhi , nāvarujjhanti [ nāvarajjhanti ( ka . sī . pī .)] te vaco .
154.
Upapannopi ce hoti , jātiyā vinayena vā ;
Atha pacchā kurute yogaṃ , kicche [ kicce ( sī . syā . pī .)] āpāsu [ āvāsu ( syā .), āpadāsu ( ka .)] sīdati .
155.
Tassa saṃhīrapaññassa , vivaro jāyate mahā ;
Rattimandhova [ nattamandhova ( sī . pī .)] rūpāni , thūlāni manupassati .
156.
Asāre
V1.247 sārayogaññū , matiṃ na tveva vindati ;Sarabhova giriduggasmiṃ , antarāyeva sīdati .
157.
Hīnajaccopi ce hoti , uṭṭhātā dhitimā naro ;
Ācārasīlasampanno , nise aggīva bhāsati .
158.
Etaṃ
M1.328 me upamaṃ katvā , putte vijjāsu vācaya [ ṭhāpasa ( syā . ka .)];Saṃvirūḷhetha medhāvī , khette bījaṃva [ khettabījaṃva ( sī . pī .)] vuṭṭhiyāti .
Cūḷahaṃsajātakaṃ chaṭṭhaṃ .