422. Cetiyajātakaṃ (6)
45.
Dhammo
T1.246 have hato hanti , nāhato hanti kiñcanaṃ [ kañcinaṃ ( pī .)];Tasmā hi dhammaṃ na hane , mā tvaṃ [ taṃ ( syā . pī .)] dhammo hato hani .
46.
Alikaṃ
V1.148M1.181 bhāsamānassa , apakkamanti devatā ;Pūtikañca mukhaṃ vāti , sakaṭṭhānā ca dhaṃsati ;
Yo jānaṃ pucchito pañhaṃ , aññathā naṃ viyākare .
47.
Sace hi saccaṃ bhaṇasi , hohi rāja yathā pure ;
Musā ce bhāsase rāja , bhūmiyaṃ tiṭṭha cetiya .
48.
Akāle vassatī tassa , kāle tassa na vassati ;
Yo jānaṃ pucchito pañhaṃ , aññathā naṃ viyākare .
49.
Sace hi saccaṃ bhaṇasi , hohi rāja yathā pure ;
Musā ce bhāsase rāja , bhūmiṃ pavisa cetiya .
50.
Jivhā tassa dvidhā hoti , uragasseva disampati ;
Yo jānaṃ pucchito pañhaṃ , aññathā naṃ viyākare .
51.
Sace hi saccaṃ bhaṇasi , hohi rāja yathā pure ;
Musā ce bhāsase rāja , bhiyyo pavisa cetiya .
52.
Jivhā tassa na bhavati , macchasseva disampati ;
Yo jānaṃ pucchito pañhaṃ , aññathā naṃ viyākare .
53.
Sace hi saccaṃ bhaṇasi , hohi rāja yathā pure ;
Musā ce bhāsase rāja , bhiyyo pavisa cetiya .
54.
Thiyova
T1.247 tassa jāyanti [ thiyo tassa pajāyanti ( ka .)], na pumā jāyare kule ;Yo jānaṃ pucchito pañhaṃ , aññathā naṃ viyākare .
55.
Sace hi saccaṃ bhaṇasi , hohi rāja yathā pure ;
Musā ce bhāsase rāja , bhiyyo pavisa cetiya .
56.
Puttā tassa na bhavanti , pakkamanti disodisaṃ ;
Yo jānaṃ pucchito pañhaṃ , aññathā naṃ viyākare .
57.
Sace hi saccaṃ bhaṇasi , hohi rāja yathā pure ;
Musā ce bhāsase rāja , bhiyyo pavisa cetiya .
58.
Sa
M1.182 rājā isinā satto , antalikkhacaro pure ;Pāvekkhi pathaviṃ cecco , hīnatto patva pariyāyaṃ [ attapariyāyaṃ ( sī . syā .), pattapariyāyaṃ ( ka . sī . niyya )].
59.
Tasmā
V1.149 hi chandāgamanaṃ , nappasaṃsanti paṇḍitā ;Aduṭṭhacitto bhāseyya , giraṃ saccūpasaṃhitanti .
Cetiyajātakaṃ chaṭṭhaṃ .