2. Ājīvakasuttavaṇṇanā
Kesaṃ noti katamesaṃ nu .
73. Dutiye
V2.195 tena hi gahapatīti thero kira cintesi –
‘‘ ayaṃ idha āgacchanto na aññātukāmo hutvā āgami , pariggaṇhanatthaṃ pana āgato .
Iminā pucchitapañhaṃ imināva kathāpessāmī ’’ ti .
Iti taṃyeva kathaṃ kathāpetukāmo tena hītiādimāha .
Tattha tena hīti kāraṇāpadeso .
Yasmā tvaṃ evaṃ pucchasi , tasmā taññevettha paṭipucchāmīti .Sadhammukkaṃsanāti attano laddhiyā ukkhipitvā ṭhapanā .
Paradhammāpasādanāti paresaṃ laddhiyā ghaṭṭanā vambhanā avakkhipanā .
Āyataneva dhammadesanāti kāraṇasmiṃyeva dhammadesanā .
Attho ca vuttoti mayā pucchitapañhāya attho ca pakāsito
M2.202 .
Attā ca anupanītoti amhe evarūpāti evaṃ attā ca na upanīto .
Nupanītotipi pāṭho .