1. Kesisuttavaṇṇanā
111. Dutiyassa
V2.324 paṭhame kesīti tassa nāmaṃ .Assadamme sāretīti assadammasārathi .
Saṇhenapi vinetītiādīsu tassa anucchavikaṃ sakkāraṃ katvā subhojanaṃ bhojetvā madhurapānaṃ pāyetvā muduvacanena samudācaritvā damento saṇhena dameti nāma , jāṇubandhanamukhabandhanādīhi ceva patodavijjhanakasābhighātapharusavacanehi ca damento pharusena dameti nāma , kālena kālaṃ tadubhayaṃ karonto saṇhapharusena dameti nāma .